Skip to main content
161

Dette jobopslag er udløbet

Igasunngornianut faglæri - Inuili - Food College Greenland-mut

Inuili - Food College Greenland Narsami Igasunngornianut faglæri-mik pissarsiorpoq februarip aallaqqaataani 2022 sulilersinnaasumik sukkanerpaamilluunniit sulilersinnaasumik.

Faglæri-tut Inuili – Food College Greenland-ip ilinniartitsisui peqatigalugit pingaaruteqarluinnassaatit. Igasunngornianut faglæri-tut suliassarivatit ilinniartitsissallutit ilinniartitaanermillu suliaqassallutit ilinniartut aallartisarneriniit naammassinissaata tungaanut, tamatumani ilikkariaatsinut, soraarummeernernut paasissutissiisartutullu aallarterlaanut, massakkut ilinniartuusunut, ilinniartooreersimasunut suliffimmilu misiliisarnermi isumaginnittartunut. Ilinniartitsisoqatigiit nutaaliornissamut inerisaataalluartumillu suleqatigiiunissaat pingaartipparput, sulinermi avatangiisit pitsaasut aamma inuttut saaffigiuminartuunissat nuannersumillu pissuseqarnissat pingaartilluguttaaq. Igasunngornianut faglæri-tut ilinniartitsisoqatitit peqatigalugit, atuartitsinermik ilinniartitaanermillu ilinniartunik allattoqassaasi Ilinniarfiup ilinniartitaaneri akimorlugit. Pingaarnerpaamik ukkatarisassat tassaasussaavoq Igasunngornianut ilinniartitaaneq inerisassallugu Inuili - Food College Greenland-mi. 

Suliassat
Ulluinnarni ilinniartunik atuartitsivutit, suleqatigissallugillu faglærit allat suliamik ilinniarsimasut suleqatillu allaffissornermik suliallit, suliassat ulluinnarni aaqqisugassaanerusut eqqarsaatiginerullugit. Anguniakkat pingaarnerpaat tassaapput ilinniartitsinitsinni pikkorissumik tunngaveqarluta qulakkeerinninnissaq, piffissaq sumiiffillu eqqortoq atorlugu aammalu ilinniariaatsikkut avatangiisit ajunnginnerpaamik tapertaaffigissallugit ilinniartut taamaatiinnartartut kinguartoortoqannginnissaalu anguniassallugu.  Ilinniartunut attaveqaqatigiinninni aamma Lectio atussavat, tassaammat Inuili – Food College Greenland-ip intranet-ia. Ulluinnarni ilinniartitsisut suliamik ilinniarsimasut allat inaanni allaffeqatigissavatit, taakkualu ilinniartunik ilitsersuisarneq pillugu isumassarsioqatigalugit suleqatigalugillu pilersaarusioqatigissavatit suliassanik agguataarinnillusi.

Taamaattumik piginnaaneqarfigisariaqarpatit

  • Ulluinnarni ilinniartunik atuartitsisarnissat, suliffinik misiliivinni isumaginnittunik attaveqarneq ilinniartitaanermillu sulialinnut allanut mail-ikkut attaveqarneq, oqarasuaatikkut aamma nammineq aggerlutik saaffiginnittunut.
  • Inuili - Food College Greenland-mi atuartitsinermik ilinniartitaanermillu pilersitseqataallutillu atuartitseqataallutit
  • Allannguisoqartillugu piareersimassallutit suliffeqarfimmilu ineriartorfiusumi iluarusussinnaallutit
  • Ilinniartitaanermut inatsisaasut malittarisassallu sukumiisumik paasiniarsinnaassallugit
  • Suleqatinut, suliffinnut misileraaviusuni isumaginnittunut ilinniartitaanermillu suliaqartunut allanut isumasioqataasinnaallutit
  • Lectio-mik atuisuunissat digital-millu suliaqarfigalugit atortuvut sunniuteqarluartumik atorsinnaallugit


Pigereerpat

  • Igasutut naammassinikuullutit
  • Ukiuni tallimani inuussutissarsiutitigut misilittagaqarnissat, atuartitsisimanermik misilittagaqarneq
  • Attaviit atuartitsiviillu assigiinngitsut atorlugit ilinniartunik attaveqaqatigiissinnaaneq
  • Tamakkerlugu isiginninneq suliassallu amerliartortilugit aaqqissuulluakkamik suliarisinnaallugit
  • Suliassat amerliartortillugit inernilimmik suliarisinnaallugit.


Neqeroorutigaarput

  • Atorfik ineriartornartoq tamatigoortorlu, atituumik suliffiup ilumini avammullu attaveqaqatigiiffiulluni
  • Suliffeqarfik suliassatigut oqartussaaqataasumik periarfissiisoq
  • Suleqatit ilinniartitaanikkut suliallu tunngasutigut suleqatigalugillu kiisalu Ilinniarfik akimorlugu isumassarsiffigalugit
  • Suleqatit pitsaasut, suliaminnut tunniussilluarsimasut inerisaaqataarusuttullu aamma sulinermik avatangiisitigut ajunngitsumik inerisaanermi.


Ferbruarip aallaqqaataani 2022 sulilersinnaavutit imaluunniit isumaqatigiissuteqarnikkut.
Atorfik pillugu akuttunngitsumik oqaloqatiginnittassaagut, taamaattumik nangaarianngiivillutit CV-it aamma qinnuteqaatit nassiutiinnassavatit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk