Skip to main content
112

Igasoq

Inuussutissarsiornermik ilinniartitaanermut Inuussutussalerinermik Ilinniarfik Kalaallit Nunaanni Narsami INUILI-mi sulilluartumik, pikkorissumik suliniuteqarluartumillu igasumik kantinami pissarsiorpoq.

Suliffiup imarisaa

  • Igasutut ilinniarsimassaatit
  • Minnerpaamik ukiuni tallimanik inuussutissarsiornermik misilittagaqarsimassaatit
  • Kantinami sulisut suleqatigalugit ilinniartunut, pikkorissartunut sulisunullu nerisitsineq isumagisaralugu
  • skolepraktikkertut suleqatigissavatit.
  • Ilisimassavat weekkendini suliffiusarmat

Piginnaasarissavatit

  • Fagit soqutigilluassavat
  • Soqutigissavat ilinniartunik assigiinngiiaartunik suleqatinillu pikkorissunik suleqateqarnissat ilinniarfimmi uummaarissumi
  • Suleqatigiissinnaassuseqassaatit tamatigoortuullutillu
  • Isumagissaartuussaatit inuunermillu pitsaasumik isiginneriaaseqassaatit

Ilinniarfiup neqeroorutigai

  • Nammineersinnaassuseqartumik unammillernartumillu suliffik ulluinnarni soqutiginarluartulik suliffiulluartumilu
  • Ilinniartut suleqatillu pikkorissut pimoorussisullu


Ulloq atorfiniffissaq: 01. Oktober 2019 isumaqatigiissuteqarnikkulluunniit.
Inspektørimut Jacob Zederkof jaze@inuili.com imaluunniit forstanderimut Poul Nørris Christensen pnc@inuili.com sukumiinnerusumik paasiniaasinnaavutit oqarasuaat +299-661313.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk