Skip to main content
123

Dette jobopslag er udløbet

MISISSUEQQISSAARNERMUT KAKKAFFILIMMIK INGERLATITSEQQIINERMULLU PIGINNAANILIMMIK INUILLU PISINNAATITAAFFIINIK SOQUTIGINNITTUMIK NUUMMI PIFFISSAMI KILLILIKKAMI ATORFEQARTUSSAMIK PISSARSIORPUGUT

Inatsisilerinermut, inuiaqatigiilerinermut attaveqatigiinnermulluunniit tunngasumik tunuliaqutaqarpit, namminersorlutit sulisinnaavit inuillu pisinnaatitaaffiinik Kalaallit Nunaannilu pissutsinik ilisimasaqarpit? Taamaassappat Kalaallit Nunaanni inuit pisinnaatitaaffiinut sunniuteqaqataasinnaassaatit.

 

 

Inuit Pisinnaatitaaffii pillugit Instituttip, Danmarkimi Kalaallit Nunaannilu inuit pisinnaatitaaffiisa qanoq inissisimanerannik nakkutilliineq nalunaarusiornerlu suliassarai, arlaannaannullu attuumassuteqanngitsumik- ilaatigut Danmarkimi Kalaallit Nunaannilu pisortanut, Naalagaafiit Peqatigiinnut, EU-mut Europamilu Siunnersuisoqatigiinnut (Europaråd) siunnersuisussaalluni.

 

Qaffasissumik ilinniagalimmik Kalaallit Nunaanni najugalimmik naapertuuttumik ilinniagalimmik (inatsisilerineq/ inuiaqatigiilerineq/ attaveqatigiinneq assigisaalluunniit) inuillu pisinnaatitaaffiinik Kalaallit Nunaannilu pissutsinik ilisimasalimmik pissarsiorpugut. Suliniutinik aqutsinermik misilittagaqarneq iluaqutaassaaq.

ATORFIK
2021-imi suliniut nutaaq, Kalaallit Nunaanni inuit pisinnaatitaaffiinik ilisimasaqarnermik nukittorsaanissamik attasiinnarnissamillu siunertaqartoq, aalartipparput. Ilaatigut nunatsinni inuit pisinnaatitaaffiinut tunngatillugu atortussanik suliaqarpugut. Tamatumani illit peqataassaatit.

 

Suliatta pingaarutillit ilagaat Kalaallit Nunaanni suliffeqarfinnik suliniaqatigiifinnillu - pingaartumik Kalaallit Nunaanni Inuit Pisinnaatitaaffii pillugit Siunnersuisoqatigiinnik suleqateqarneq. Taamaammat suliavit ilaanni Siunnersuisoqatigiit taakkulu allatseqarfiannik suleqateqassaatit.

 

Suliassatit tassaassapput:
•    Suliniutip ilaani- ilaatigut isumasioqatigiisitsinerni ilinniusiornernilu ataqatigiissaarisuunissaq.
•    Kalaallit Nunaanni inuit pisinnaatitaaffii pillugit misissueqqissaarnernik ingerlatitseqqiineq.
•    Kalaallit Nunaanni Inuit Pisinnaatitaaffii pillugit Siunnersuisoqatigiinnik inuillu pisinnaatitaaffiinut tunngatillugu iliuuseqartunik naapertuuttunik allanik - soorlu illersuisunik Ilisimatusarfimmillu suleqateqarneq.

 

Misilittakkatit piginnaasatillu apeqqutaatillugit tusagassiorfinnut oqaaseqartarsinnaassaatit.

ILLIT
Ilinniagaqassutsikkut nukittuujussaatit, attaveqatigiinneq pikkoriffigissavat ingerlatallu ataatsikkut arlallit iliuuseqarfigisinnaassallugit.

 

Suliassat nutaat paasilertorsinnaassavatit ajornartorsiutinillu inuit pisinnaatitaaffiinut tunngassuteqartunik ingerlatitseqqiinissap pikkoriffiginissaa pingaaruteqarluni. Kalaallit Nunaanni iliuuseqartussanik assigiinngitsorpassuarnik nunanilumi tamalaaneersunittaaq suleqateqarsinnaassaatit.

 

Pingaartipparput:
•    Naapertuuttumik ilinniagaqarsimanissat
•    Kalaallit Nunaanni pissutsinik ilisimasaqarluarnissat
•    Misissueqqissaarnermut kakkattuunissat
•    Ingerlatitseqqiinermut pikkoriffeqarnissat
•    Namminersorluni sulinermik nuannarisaqartuunissat aaqqiissuteqarusussuseqarnissallu
•    Ilinniagaqassutsit akimorlugit suleqatigiinnermik misilittagaqarnissat
•    Suliniutinik aqutsinermik misilittagaqarnissat

 

Kalaallitsut, danskisut tuluttullu oqaatsinik atuisinnaaneq iluaqutaassaaq.

 

AKISSARSIANUT ATORFININNERMILU ATUGASSARITITAASUNUT TUNNGASUT
Tunngaviusumik fuldmægtigitut atorfinitsinneqassaatit.

Atorfik piffissaq tamakkerlugu sap. ak. nal. ak. 40-it suliffiuvoq. Akissarsiat atorfininnermilu atugassarititaasut Finansministeriap kattuffiullu isumaqatiginninniarsinnaatitasup naapertuuttup akornanni isumaqatigiissut atuuttoq naapertorlugu aalajangersarneqassapput. Piumasaqaataasut illillu piginnaasatit naapertorlugit tapisisinnaanissamut isumaqatiginninniarsinnaassaatit.

 

Suliffik Nuummiippoq. Atorfimmut atatillugu inissamik neqeroortoqanngilaq.

Atorfik qaammatinut qulaaluanut killiligaavoq.

 

QINNUTEQRAFISSAQ KINGULLEQ ATOFINIFFISSARLU
Qinnuteqarfissaq kingulleq: 22. maj 2022. Maajip naggataani qinnuteqartunik oqaloqateqarnissaq naatsorsuutigaarput. Piaarnerpaamik immikkulluunniit isumaqatigiissuteqarnikkut atorfinittoqarnissaa kissaataavoq.

 

Qinnuteqaat, CV soraarummeersimanermullu uppernarsaat katakteerit ilanngullugit- attavissaq quppernermi matumaniittoq aqqutigalugu nassiunneqassapput. Qinnuteqaatit pineqartunik ilanngussivigineqarsimanngitsut toqqaaniarnermi ilanngunneqassangillat.

 

ATTAVEQARFISSAQ
Atorfik pillugu apeqqutissaqaruit immikkut ilisimasalittut siunnersorti Nadja Filskov oqarasuaatikkut: +45 9132 5658 imal. inatsisilerinermi siunnersorti Pernille Benjaminsen oqarasuaatikkut: +299 52 03 18. attavigiuk.

Søg denne stilling