Innovation South Greenland nutaamik pisortassarsiorpoq. Atorfik Kujataani Qaqortumiippoq taavalu Innovation South Greenland A/S-ip siulersuisui qullersarineqassallutik.

 

Innovation South Greenland A/S  Kommune Kujallermit pigineqarpoq kiisalu Kommune Kujallermi inuussutissarsiornikkut, takornariartitsinermik ineriartortitsinikkut kiisalu aallarnisaasarnikkut qitiusumik inissisimalluni. Suliffeqarfiup suliassaa pingaarnerpaaq tassaavoq suleqatit suliassaqarfiillu akornanni attaveqaataassalluni, tamatumuunakkullu Kujataani tamarmi iluanaariartornermut ineriartornermullu toqqammavissiussalluni - tamatumalu saniatigut niuerfinnik ineriartortitsinikkut aallarnisaasunut suliffeqarfinnullu siunnersuinikkut inuussutissarsiutinik ineriartortitsineq siuarsassallugu, kommune siunnersortassallugu kiisalu kommunip ingerlatsiviata inuussutissarsiortullu akornanni suleqatigiinnerup qularnaarneqarnissaa nukittorsarneqarnissaalu peqataaffigissallugu. Tamatuma saniatigut suliffeqarfiup Unesco Kujataata suliassai akisussaaffigai kiisalu tapiissutit kommunalbestyrelsi sinnerlugu isumagisarisarlugit.

 

Pisortaq nutaaq ulluinnarni ingerlatsinermut akisussaavoq, tassungalu ilanngullugit sulisunik aqutsineq, missingersuutit aningaasaqarnermillu aqutsineq akisussaaffigissallugit. Erseqqinnerusumik oqaatigalugu atorfimmi akisussaaffiit suliassaqarfiilu tassaapput kommunip immikkut sammisaanut arfineq-marlunnut tunngasutillit: Takornariartitsineq, inuussutissalerineq, UNESCO, aalisarneq / piniarneq / nunalerineq, aatsitassalerineq, taavalu inuussutissarsiutit ilinniartitaanerillu allat. ISG-mi pisortap nutaap najukkani inuussutissarsiornikkut kiffartuussinerit aamma inuussutissarsiornikkut ineriartortitsineq siuttuuffigissavai, tamatumanilu politikkikkut niuernikkullu soqutigisat akornanni soqutigisat assigiinngitsorpassuit ataqatigiissaarsinnaassallugit.

 

Toqqagassaq piukkunnartoq naleqquttumik ilinniagaqarsimasuussaaq kiisalu suliffeqarfimmit soqutigisarpassualimmit suleqaterpassuaqarfiusartumillu misilittagaqassalluni - ajornanngippat politikkimut attuumassuteqartunik. Tamatuma saniatigut naleqquttumik ingerlaqqiffiusumik ilinniagaqarsimaneq iluaqutaassaaq. Taakkununnga ilanngullugit:

•  Suliffeqarfimmit, niuernermik aamma/imaluunniit suliniummik namminersuullugu ingerlatsinermit, soorlu sulisunik aqutsinermik milisittagaqassaaq

•  Siumut assut isigisuussaaq suliniutilimmik sulineq ilungersuuttartuullugu

•  Inuussutissarsiortunut atugassarititaasunik taakkuninngalu siuarsaanermik paasisimasaqassaaq misilittagaqarlunilu

•  Suliamik aqutsinermut tusagassiorfinnullu tunngasunik suliaqarnermut misilittagaqassaaq

•  Aqutsinermik misilittagaqassaaq - ilaatigut sulisuniik aqutsineq aamma missingersuutinik aqutsineq/aningaasaqarnermik aqutsineq misilittagaqarfigissallugit

•  Kalaallit kulturiannik, politikkimik aamma inuussutissarsiuteqarnermik paasisimasaqassaaq

•  Aqutsisuuussaaq suleqataallunilu pitsaasoq - kiisalu suleqatinut maligassaalluartuussalluni

•  Suliamut tunngasutigut nukituffeqassaaq pitsaasunillu attaveqarfigisartagaqassalluni

•  Nutaliorusussuseqassaaq namminersorumatuujullunilu

•  Akisussaassuseqartuussaaq

•  Aaqqiissutissarsiortuulluni

•  Suliffeqarfimmik siumukartitsinermik ineriartortitsinermillu nuannarisaqarluni

•  Isumaqatiginninniallaqqissuussaaq, pikkorissuulluni kiisalu oqartussanut, allanut tusagassiorfinnullu siunissamut isigaluni oqaloqatiginnittarluni

•  Tamalaanut eqqumasuussasaq (isumaqatigiissutit, sullissisut, aningaasaqarneq naatsorsuuserinerlu, qarasaasiaqarneq, kukkunersiuisoq, ilisimatusarneq)

 

Atorfik pineqartoq kajungernartuuvoq suliffeqarfinnguami Kujataata ineriartorneranut assorsuaq pingaaruteqartumi inissisimalluni. Qaqortoq Kujataani illoqarfiit annersaraat Kalaallillu Nunaanni illoqarfiit nuannernerit alianaannerillu ilaattut ilisimaneqarluni. Illoqarfik aningaasarsiornikkut siuariartorfiulluarpoq, inuiaqatigiit amerliartorluarlutik ilinniartitaanikkullu pingaarutilimmik qitiulluni.

 

Innovation South Greenland A/S pisortassarsiorneq pillugu Pointer A/S-imik suleqateqarpoq. Taamaattumik Pointer A/S-imi pisortaaneq Inger Ingvardsen +45 29 36 86 36 aqqutigalugu attaviginninnissannut tikilluaqqusaavutit. Saaffiginnissutit tamarmik allanut tusarliunneqaratik suliarineqassapput.

 

Qinnuteqaat piaartumik kingusinnerpaamillu ulloq 28. februar 2023 akn@pointersearch.dk. nassiunneqassaaq.