Skip to main content
152

Dette jobopslag er udløbet

SULLISSISOQ – INI A/S SISIMIUT

Shared Service Centeritsinnut Sisimiuni sullissisumik suleqatissarsiorpugut.

Sullissisutut suliassanik siammasissunik assigiinngitsunik suliaqarnissamut periarfissaq aajuna.

Sullissisutut suliannut tunngasunut akisussaaffimmik tigusisassaatit, suliannut pimoorussillutit suliat, suleqatitit sullitatillu sukumiisumik aallutissavatit pikkorissuseqartumillu sullississallutit.

Immikkoortortaqarfimmi suliassatit pingaarnerit ukuupput:

  • Innersuussineq, iserterneq attartortitsinerlu
  • Attartortup najugaqarnerani suliassat
  • Attartortut sullinnera, qanimut, allakkatigut oqarasuaatikkullu, aammalu attartortoq namminerluni saaffiginnippat sullinnera
  • Naammagittaalliutinik suliaqarneq
  • Attartugassanngortut attartorteqqinneqarnerat
  • Immikkoortortaqarfimmi suliassat takkussuuttut suliarineri

Pimoorussillutit pikkorissuseqartumillu suliassaq ingerlattassavat

Allaffissuussinermut tunngasunik ilinniagaqarputit, suleqateqallaqqissuussaatit, iliuuseqartartuullutit suliannullu pimoorussisassallutit, ulluinnarnilu ulapaarnermi suliassat tamakkiisumik isigisinnaassallugit. Aammali naatsorsuutigaarput:

  • Oqaluttariarsornermi allannermilu nassuiaallaqqissuusutit
  • Allannguutaasartunut piareersimasuullutit inuttut ammasuusutit
  • Tamanut sullissilluarnissaq pingaartitarigit allaffimmi sulisut akornanni, sullitanullu avataaneersunut
  • Qarasaasiamik atuilluarsinnaaneq sungiusimagit

Ilagitigut

  • Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornganni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

 

Atorfimmi atugassarititaasut:

Kontorfuldmægtigitut qaffasissusilimmik Namminersorlutik Oqartussat SIK-llu akunnerminni isumaqatigiissutaat malillugu atorfinitsitsisoqassaaq. Atorfimmut atatillugu inissamik innersuussisoqarsinnaassaaq.

Sulilernissaq:

Isumaqatigiissutaasoq aallaavigalugu.

Atorfik soqutigaajuk?

Atorfik pillugu annerusumik paasisaqarsinnaavutit SSCmi aqutsisoq Tukummeq E. Martinsen attavigalugu uunga 582661 imaluunniit mailimut tem@ini.gl.

Qinnuteqaatit, CV, pappilissallu attuumassuteqarsinnaasut sukkanerpaamik kingusinnerpaamillu apriilip 23. 2019 nassiukkit.

INI A/S
HR-afdelingen
Postboks 1020
3911 Sisimiut
E-mail: job@ini.gl

INI sullissivittut ineriartortuartuuvoq. Naleqartitagullu ilinni ilisarisinnaasariaqarpatit, suliassannullu akisussaassuseqartuunissat inaarinnittarnissallu naatsorsuutigaarput. Suliannut, suleqatinnut sullitannullu pimoorussisuussaatit sunniuteqarusuttuullutillu. Kikkut tamaasa ataqqissavatit assigiinngissuserlu ataqqillugu. Suliannut pikkorillutit aallussisarputit. Sukumiisumik pissuseqassaatit avatangiisinillu suleqateqarnissaq pissusissamisoortuutissavat.

Soorlu akisussaassuseqarneq, pimoorussineq, ataqqinninneq suliffimmilu pikkorissuunissaq uatsinnut pingaaruteqartut.