Nammineq iliuuseqarniallaqqissumik suleqatissarsiorpugut, piginnaanngorsaanikkut suliniutiginiakkatsinnut ineriartortitseqataarusullunilu nukittorsaarusussusilimmik! Piginnaanngorsaanikkut suliniutinut pikkoriffeqartuuvutit, sulisoqarnikkullu sulianut ingerlaavartunut ukkassisinnaallutit kiisalu ulluinnarni ingerlatsinermut suleqataasinnaassallutit.

Sulisoqarnermut siunnersortitut atorfeqarnerni sulisoqarnermut attaveqarnermullu suleqatigiinni inissisimassaatit, tassani illiniagaqarnerup piginnaanngorsaanerullu iluini ineriartortitsissutissanik suliniuteqaqataassallutit kiisalu taakku saniatigut ulluinnarni sulinermut peqataassallutit.

Piginnaanngorsaanikkut ineriartortitsinissamut suleqataanissarnut kajungerisaqartuussaatit soqutiginnittuullutillu

Uagutsinni sulisoqarnermut immikkoortortaqarfimmi sulisoqarnermut siunnersortitut, iliuusissiatut piareersaatit piviusumut tutsittartussaavatit, suliarnilu aamakkua pingaarnersaasussat:

·       Piginnaanngorsaanissakkut pisariaqartitanik qulaajaanissaq

·       Piginnaanngorsaatissanik pilersitsinissat, aqutsisut attuumassutillit peqatigalugit

·       Ingerlaavartumik piginnaanngorsaanissatigut eqqumaffeqarneq/ujartuineq/ilinniaqqinnissanillu aqqutissanik pilersitsinissaq

·       Pilersaarusiortarnissaq, piginnaanngorsaanikkullu suliniutinik ingerlatsisuusarnissaq

·       Pilersaarusiortarnissaq, ineriartortitsisuunissaq pikkorissaanikkullu ingerlatsinissatigut suliffeqarfiup iluani ingerlatsisarnissaq

·       Pilersaarusiortarnissaq kiisalu sulilerlaat suliffeqarfimmut pulatinniarlugit pikkorissaatitsisarnissaq

·       Sulilerlaanut ilitsersuussutinik assigiinngitsunik sanaartorluni ineriartortitsisarnissaq

·       Angalanissanik inniminniinerit, atorfillu aqqutigalugu angalanissanik suleqatillu pikkorissarnissaannik ataqatigiissaarisuuneq

·       TNI-miik AU-miillu ilinniartunik ilinniarnerminnut atatillugu suliffimmik misiliisussanik ataqatigiissaarineq

·       Pikkorissaasoqartillugu/ilinniaqqinnernillu ingerlassisoqartillugu missingersuutinik suliaqarlunilu malinnaanermik suliaqarnissaq

·       Suleqatigiiaat immikkoortortani tamaginniittut aqqutissiuullugit ilinniaqqittarnerup ineriartortitsinerullu iluini

·       Sulisussarsiornikkut suliassanik ingerlatsinermik suliaqarnissaq

·       Suliassat assigiinngitsut ataavartumik takkussuunneri ilutigalugit isumaginninneq

Ilinnut tunngatillugu

Takorloorparput uunga attuumassutilimmik bacheloriunngikkuit kandidatinngorsimassasutit. Kisianni ilinniakkat aalajangiisuussanngilaq, sulisoqarnikkulli allaffissuussinermik inatsisilerinermillu kiisalu piginnaanngorsaanikkut ineriartortitsinermi misilittagaqariissaatit. Suleqateqallaqqissuussaatit immikkoortortaqarfeeqqamilu ulapaarfimmi suliassanik assigiinngitsunik, immitsinnut ikioqatigiinnikkut suliaqartarnitsinni peqataasinnaassallutit. Aammattaaq uku piginnaasaqarfigigukkit pitsaassaqaaq:

·       Nammineersinnaasoq kiffartuussillaqqissorlu

·       Anguniagaqallaqqissoq aaqqissuussaasumillu suleriusilik

·       Qaffasissumik pitsaassusilinnik suliakkiussanik suliarinnipallattartoq

·       Ersarissumik peqqissartumillu, immikkut taasassaaqqat ilanngullugit sullissisinnaasoq

·       Tusarnaallaqqissuuvutit inoqaternillu attaveqallaqqissuullutit

·       Oqaluttarisarsornikkut allattariarsornikkullu kalaallisut qallunaatullu sapinngilluartuussaatit

Uatsinnut ilanngugit

Ukiut kingulliit ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

 

Atorfeqarnikkut atugassarititat:

Piginnaasatit aallavigalugit akissarsitinneqarlutillu atorfinitsitaassaatit. Atorfininnermi angalanermut akiliussisoqassaaq aamma pequtit assartorneqarneri akilerneqassapput. Atorfimmut atatillugu inatsisit atuuttut naapertorlugit Sisimiuni inissaqartitsisoqarsinnaavoq.

 

Atorfininnissaq:

Augustip aallaqqaataat imaluunniit isumaqatigiissutit aallaavigalugit.

 

Atorfik soqutigaajuk?

Atorfimmut tunngatillugu apeqqutissaqaruit Susloqarnermi aqutsisoq Else Finne attavigisinnaavat 861067-imut sianerfigalugu e-mailerfigaluguluunniit uunga efi@ini.gl.

Qinnuteqaatit CV-it pappilissallu attuumassuteqarsinnasut allakkatigut mailikkulluunniit tigoreersimassavagut piaartumik kingusinnerpaamillu 15. juni 2023.

INI A/S

Sulisoqarnermut immikkoortortaqarfik

Postboks 1020

3911     Sisimiut

E-mail: job@ini.gl