Skip to main content
112

Dette jobopslag er udløbet

NUUMMI SISIMIUNILUUNNIIT ATTAVEQARNERMI SIUNNERSORTI

Eqeersimaarluartumik suleqatissatsinnik ujarlerpugut, attaveqarnermi sulianut ineriartortitseqataallunilu pitsanngorsaaqataasinnaasumik! Web-imik, inuit internettikkut naapittarfiinik kiisalu allaaserisanik siammarsaanermik pikkoriffeqartuussaatit.

Uagutsinni attaveqarnermi sulisutut ajornanngitsumik paasinartumillu oqariartuutivut ingerlateqqittassavatit, atassuteqarfiginiakkavut eqqorlugit.

Attaveqaqatigiinneq atuisugut naligalugit

Uagutsinni attaveqarnermi sulisutut naleqartitavut iliuuseqaqataaffigissavatit, pingaarnertullu suliassatit tassaassallutik:

  • Nittartagaq, inuit internettikkut naapittarfiinik paasissutissiinermillu ingerlaavartumik iliuuseqartarneq nutarterisarnerlu
  • Tusagassiutinik attaveqartarneq nakkutilliiinerlu kiisalu akisussaasutut tusagassiutit saaffiginnissutaannik ataqatigiissaarineq
  • Attaveqarnermut periusissiaq piviusunngortitseqataaffigalugu atuutilersitseqataaffigalugulu
  • INI-p suliffeqarfittut oqaatsinik marluinnik atuiffiunissaa qulakkiissallugu, nutsereqataasarneq ilanngullugu
  • Suliniutinut naleqquttunut peqataaneq attaveqaqatigiinnermillu suliniutit allat

Attaveqaqatigiisitsinikkut pikkorissoq 

Attaveqaqatigiinnermik atorfiup ilinnit piumasaqatigaa ujartuisuunissat, allattariarsornikkut oqaatsitigullu kalaallisut danskisullu pikkorissuunissat. Ilinniarsimanerit aalajangiisuunngilaq kisianni attaveqaqatigiinnermik misilittagaqassaatit. Suleqatigiuminartussaatit immikkoortortaqarfimmilu anginngitsumi suliassat assigiinngitsut naammassisinnaallugit, tassani ulapputeqaraangatta ikioqatigiittaratta. Aammattaaq tassaasinnaavutit:

  • Namminersortoq sullisserusussuseqartorlu
  • Tunaartaqartoq aaqqissugaasumillu suleriusilik
  • Ineriartoqataasoq, kisianni aamma ulapinnermi eqqissisimasinnaasoq

Ilagitigut

Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

Atorfininnermi atugassarititaasut:

Akissarsiatigut atorfeqarnerpillu piginnaanitit aallaavigissavaat. Atorfeqarfinnut akeqanngitsumik angalasinnaatitaavutit kiisalu pequtitit akeqanngitsumik angallanneqarsinnaallutik.

Sulilernissaq:

Isumaqatigiissuteqarneq naapertorlugu.

Ilinnut tulluarsoraajuk?

Atorfik pillugu Atorfilinnut aqutsisoq Anita Hofferimit itinerusumik paasiniaasinnaavat tlf. 861021 (e-mail aho@ini.gl) atorlugit.

Qinnuteqaatit, CV, pappiaqqallu naleqquttut allat piaarnerpaamik kingusinnerpaamillu 11. september 2019 nassiutissavatit.

Tusarfiginissat qilanaaraarput.

INI A/S
HR-afdelingen
Postboks 1020
3911 Sisimiut
E-mail: job@ini.gl