Skip to main content
90

Dette jobopslag er udløbet

NAATSORSUUSERISOQ – INI A/S SISIMIUT

Sisimiuni naatsorsuuserivitsinni suleqatissarsiorpugut

Naatsorsuuserivimmi sulisutut sapiissuseqarfigalugu suliannut tunngasutigut akisussaaffimmik tigusisinnaassuseqassaatit, sukumiisumik sulisinnaassaatit ulapaarfinnilu tamakkiisumik isiginnissinnaasariaqassallutit.  

Suliaq akisussaaffilik namminersornartoq – suleqatigiinnut atasoq  

Suliassatit pingaarnerit tassaassapput naatsorsuuserineq, inaarsineq, akiligasserinerlu. Suliassarivatittaaq:

  • Workflow-imut bilag-it akuerisassat scannerlugit
  • Assigiinngitsunik sulialinnut ataatsimiinnerni peqataaneq  
  • Pisiortorfinniit isumaqatigiissutit tamakkiisumik isiginnissinnaallugit
  • Atuinermut naatsorsuutit suliarineqarneranut peqataaneq  
  • Suliassat tamalaat

Suliassaq suugaluarpalluunniit pimoorussillutit pitsaassuseqartitserusuttuussaatit

Naatsorsuuserinermut attuumassuteqartumik misilittagaqassaatit, tamakkiisumik isiginnissinnaassuseqassaatit immikkoorutinillu takunnissinnaassallutit. Aammattaaq:

  • Namminersortoq, pimoorussisorlu
  • Suliatit aaqqissorluagaasassapput
  • Excel-imut pikkorissuussaatit
  • Nikerarsinnaassusilik, sullissilluarsinnaasoq qiimasorlu
     

Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornganni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

 

Atorfimmi atugassarititat:

Piginnaasatit aallaavigalugit akissarsitinneqarlutillu atorfinitsitaassaatit. Atorfimmut atatillugu inissaqartitsisoqarsinnaavoq.

 

Sulilernissaq:

Isumaqatigiissutit malillugit.

 

Atorfik soqutigaajuk?

Qinnuteqaativit CV-it pappilissallu attuumassutaasinnaasut tigunissaat qilanaaraarput mail-ikkut allakkatigulluunniit kingusinnerpaamik 24. maj 2019 job@ini.gl –mut.

Atorfik pillugu annerusumik paasisaqarusukkuit Naatsorsuuserivimmi aqutsisoq Frank Lundblad-imut attaveqarsinnaavutit oqarasuaat 56 09 71-mut immaqaluunniit mail-ikkut frlu@ini.gl.
 

Tusarnissat qilanaaraarput.

INI A/S
HR-afdelingen
Postboks 1020
3911 Sisimiut
E-mail: job@ini.gl