Skip to main content
106

INKASSOMEDARBEJDER – INI A/S SISIMIUT

Sisimiuni akiliisitsiniartarfimmi suleqatissarsiorpugut.

Suliassat assigiinngitsorpassuit akiliisitsiniarnermut tunngasut suliarilernissaannut periarfissaq.

Akiliisitsiniartarfimmi sulisutut suliannut tunngasunut akisus­saaffimmik tigusillutit suliannik pimoorussisassaatit, suleqatin­nut sullitannullu akuliusimasuullutit kiisalu atorfimmut pikkorissuseqartuullutit.

Suliassatit pingaarnerit tas­saassapput:

  • Akiligassanik nafferagassa­nillu ikkussuillutit
  • Akiileqqusissutinik politii­nullu allakkanik pilersitsil­lutit
  • Akiitsut akilersukkat allat­torlugit
  • Attartortut akiitsoqalersima­sut attavigisarneri
  • Akiliisitsisarfinnut pisortat aqutaannut nalunaarute­qartarneq
  • Pisortaqarfiit suliamut at­tuumasut attavigisarnis­saat, soorlu politiit, inunnik isumaginnittoqarfik, pisor­tallu akiliisitsiniartarfii
  • Immikkoortortaqarfimmi suliassat assigiinngitsut

Suliassat suugaluaraangataluunniit pitsaassusilimmik, akisussaassuseqartumik pimoorussisumillu suliaqarsinnaasoq

Allaffissuusinerup tungaatigut naleqquttumik tunuliaqutaqassaatit, nammineerlutillu sulianni namminersullaqqissuullutit sunniutilimmillu pimoorussisinnaassuseqarluarlutit. Marluinnik oqaaseqartuuguit iluaqutaassaaq – kalaallisut qallunaatullu. Aamma naatsorsuutigaarput:

  • Oqaatsitigut allakkatigullu nassuiaallaqqissuunissat
  • Akiliisitsiniarnerup iluani toqusullu pigisaannik nalilersuinermi sulianik misilittagaqarnissat
  • ITmi atortunik atuilluarsinnaanissat

 

Ilagitigut

Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornganni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

 

Atorfimmi atugassarititat:

Naalakkersuisut S.I.K-llu akunnerminni isumaqatigiissutaat atuuttoq naapertorlugu kontorfuldmægti-itut atorfinitsitsineq akissaateqartisinerlu pissaaq. Atorfimmut atatillugu inissaqartitsisoqarsinnaavoq.

 

Sulilerfissaq:

Isumaqatigiissuteqarnikkut.

Atorfik soqutigaajuk?

Atorfik pillugu annerusumik paasisaqarusukkuit Controller Ane Petersen oqarasuaat 52 62 95-mut imaluunniit mail anp@ini.gl aqqutigalugu attavigisinnaavat.

Qinnuteqaatit, CVit, pappilissallu attuumassuteqarsinnaasut mailikkut allakkatigulluunniit kingusinnerpaamik 24. september 2019 tigoreersimassavagut.

INI A/S
Sulisoqarnermut immikkoortortaqarfik'
Postboks 1020
3911 Sisimiut
E-mail: job@ini.gl