Skip to main content
87

Dette jobopslag er udløbet

Inatsisartut Siulittaasuata allatsissaanik Inatsisartut pissarsiorput – ALLAGARSIUTEQQITAQ

Inatsisartut siulittaasuata allatsissaanik iliuuseqarsinnaalluartumik Kalaallit Nunaanni Inatsisartut pissarsiorput.

 

Inuk suliffeqarfimmi pissanganartumi pisoqarfiulluartumi allanngorartumilu suliaqarnissamut piumassuseqarlunilu kajumissusilik sulisussarsiariumaneqarpoq. Ajornanngippat aallaavittut inunnik ilisimatusarfimmi qaffasissumik ilinniagalinnik pisortanilu allaffissornermik misilittagalinnik qinnuteqartussanik pissarsiortoqarpoq.

 

Suliassatit:

  • Inatsisartut ataatsimiinneranni siulittaasup suliassaanik aaqqissuussinermut ingerlatsinermullu ikiuunneq

  • Siulittaasup suliffiup iluaneersunik avataaneersunillu isumaqatigiissutinut ullorsiutaanik isumaginninneq

  • Inatsisartut Siulittaasuata ataatsimiinnerinik angalanerinillu aaqqissuussineq peqataanerlu

  • Oqaatsitigut allakkatigullu saaffiginnissutinut akissuteqarnermi ikiuuttarneq

  • Siulittaasoqarfiup ataatsimiinnerinik aaqqissuussinermut ingerlatsinermullu ikiuunneq

  • Nersornaammik tunniussinissat piareersarnerat

  • Siulittaasup ilassinninneranik piareersaaneq

  • Nunat Avannarliit Killiit Siunnersuisoqatigiiffianut aallartitanut allattaasarneq

 

Inatsisartut Siulittaasuat Nunat Avannarliit Killiit Siunnersuisoqatigiiffiannut aallartitanut, Inatsisartunut ilaasortanut arfiniliusunut siulittaasuuvoq, taamaammat allartitanik sullissisarnermik atorfik aamma imaqarpoq.

 

Angalangaatsiartarnissat taakkununngalu atatillugu Inatsisartut Siulittaasuata ilassinninnissai piareersarlugit suliaqartarnissat naatsorsuutigisariaqarpat, Nunat Avannarliit Killiit Siunnersuisoqatigiiffiannik sullissineq tassunga ilanngullugu.

 

Piginnaasat

Inuppassuarnut attaveqartarneq atorfimmut ilaavoq, Siulittaasumullu allatsimut tunngatillugu makku pingaartinneqarput:

  • Attuumassuteqartumik kandidatitut ilinniagaqarsimaneq

  • Suliassatigut isumaliutiginnilluartuuneq Inatsisartutigullu suliassanik qanimut suliaqarnissamik soqutiginnittuuneq

  • Attaveqaataallaqqissuuneq – oqaatsitigut allakkatigullu

  • Ulluinnarni suliassanik namminersorluni ilusilersuinissamut piumassuseqarneq

  • Ammasuuneq

  • Allattoqarfimmi suleqatinnik qanimut angusaqarusuffiusumik suleqateqarnissamut piumassuseqarneq

  • Ulluinnarnik ulapiffiusinnaasunik ullunillu ilaanni sivisuumik suliffiusinnaasunik atussaatitsineq

 

Atorfiup inummik utaqqiinnarani iliuuseqarsinnaasumik suliamigullu annertuumik qaffasissusilimmik ilisimasaqassutsimik tapiuteqartumik inuttalerneqarnissaa naatsorsuutigineqarpoq. Ullut sivisuumik suliffiusut nuannarissavatit – minnerpaamilluunniit inooqataaffigisinnaassallugit - aamma sapaatit akunnerisa naanerini. Inuttut saaffigiuminassuseqassaatit ammasuullutillu, patajaassuseqarlutit utaqqisinnaassuseqarluassallutillu. Kalaallit Nunaanni pissutsinik ilisimasaqarneq iluaqutaasinnaavoq, taamatullu pisortani atorfeqarsimanermit misilittagaqarneq.

Malugalugu, taassuminnga atorfeqassagaanni naalakkersuinikkut soqutigisanik ingerlatsisoqassanngilaq qanittukkulluunniit ingerlatsisoqarsimassanani.

 

Tamatuma peqatigisaanik Inatsisartut allaffeqarfianni immikkoortortanik tamanik suleqateqarsinnaassuseqassaatit. Taamaattumik suliatigut naalakkersuinikkullu apeqqutinik ajornarnerusunik isumaginnissinnaanissat pisariaqarpoq. Naleqquttumik ilinniagaqarsimanissat aammalu nunatsinnik tassanilu inuiaqatigiinni pissutsinik, tassunga ilanngullugu naalakkersuinermi periaatsinik ilisimasaqarluarnissat naatsorsuutigineqarpoq. Allamiut oqaasiinik minnerunngitsumillu tuluit oqaasiinik ilisimasaqarnissat annertuumik iluaqutaassaaq.

 

Akissarsiat atorfinitsitsinermilu atugassarititaasut

Sapaatip akunneranut akunnerit 40-t suliffiupput. Akissarsiat atorfinitsitaanermilu pissutsit Inatsisartut Allattoqarfiata aammalu kattuffiup susassaqartup akornanni isumaqatigiissut malillugu pissapput ministerimut allattaasunut tapit ilanngullugit. Atorfimmut atatillugu inissaqartitsisoqarsinnaavoq maleruagassat atuuttut malillugit akilersorneqartussamik. Taamaattorli Nuummi inissaaleqineq pissutigalugu ataavartumik inissiamik innersuussisoqannginnerani utaqqiisaasumik sivikinnerusumik ineqartinneqarnissaq naatsorsuutigineqartariaqarpoq. Isumaqatigiissut atuuttoq naapertorlugu atorfinikkiartorluni angalanermut pisattallu angallanneqarnerinut akiliussisoqarsinnaavoq.

 

Paasissutissat allat

Qinnuteqarnissamut killigitinneqarpoq tallimanngorneq ulloq 7. august 2020, qinnuteqaallu mailimut uunga nassiunneqassalluni inatsisartut@inatsisartut.gl

 

Atorfik pillugu paasissutissanut atatillugu attavigineqarsinnaapput allattaaneq Ellen Kolby Chemnitz, oqarasuaatikkut. +299 48 43 03, e-mailikkullu ekc@ina.gl imaluunniit allattoqarfiup pisortaa Elly

Hauge Pedersen oqarasuaatikkut +299 55 33 53, e-mailikkullu ehp@ina.gl.