Skip to main content
77

Dette jobopslag er udløbet

Ataatsimiititalianut allatseqarfitsinni pisortassaraatsigit pikorissoq?

Kalaallit Nunaata Inatsisartui ataatsimiititalianut allatseqarfimmi, ullumikkut qaffasissumik ilinniarsimasunik qulinik ataatsimiititalianut allatseqartumi atorfimmut nutaatut pilersitamut allaffimmi pisortassamik pissarsiorput.

 

Atorfik pillugu:
Ataatsimiititalianut allatseqarfimmi pisortatut ataatsimiititaliat allatseqarfianni suliassanik aqutsisuullutillu agguataarisuussaatit ataatsimiititalianullu allatseqarfimmi suliat ingerlanneqarneranni tapiuteqartarlutit, matumani aamma:

  • Ataatsimiititalianut allatseqarfimmi suliassanik isumaginninnermik ineriartortitsissaatit tapiuteqarlutillu.
  • Inatsisartut ataatsimiinnissaannut suliassanik ilusiliinikkut misissuataaraluni suliaqarnerni ataqatigiissaarisuussaatit.
  • Inatsisartut ataatsimiinneranni ataatsimiititaliat allatseqarfiini isumaliutissiissutinik suliaqarnermi ataqatigiissaarisuussaatit.
  • Inatsisissatut siunnersuutinik inatsisilerinikkut misissuinermut atatillugu inatsisinik qulaajaanermi suliffimmi namminermeersut avataaneersullu akornanni ataqatigiissaarinermi ikiuuttassaatit.
  • Ataatsimiititaliani allatseqanngikkallartuni ataatsimiititaliap allattaatut atuuffimmik isumaginnittuussaatit.
  • Allatseqarfimmi inatsisissanik nalilersuinermut immikkoortortami inatsisilerituut peqatigalugit inatsisilerinikkut ilusiliinermik misissuinermut allaffissornikkut nukissanik ataqatigiissaarisuussaatit.
  • Nutserisoqarfiup pisortaa peqatigalugu nutserisoqarfimmi suliassanik ataqatigiissaarisassaatit.
  • Suleqatit akornanni atugarissaarnermik qulakkeerinnissaatit qaangiuttoortoqarneranilu piffissap suliffiusup suliffiunngitsullu akornanni oqimaaqatigiissaarinissamik qulakkeerinnillutit.
  • Sulinngiffeqarfissanik ataqatigiissaarisuussaatit.
  • Suleqataasut ineriartortinneqarnissaat pillugu oqaloqatiginnittassaatit.

 

Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq, taamaattorli piffissat ilaanni qaangiuttuungaatsiartarnissaq naatsorsuutigineqassaaq. 

 

Naatsorsuutigaarput:

  • Pisortat ingerlatsinerannik ilisimasaqarluarlutit qaffasissumik candidatitut ilinniagaqartutut tunniusimasuunerit naatsorsuutigaarput. Peqatigitillugu saaffigikkuminartuussaatit, inussiarnersuullutit pingaarnertullu naammagittarsinnaassuseqassallutit. Aamma naalakkersuinermik suliaqartunik, ataatsimiititalianut allatseqarfiit qanimut suleqatigisaannik suleqateqarsinnaassuseqassaatit.
  • Suliumatussuseqarnerit angusaqallaqqissuunerillu pingaartipparput kiisalu piffissat ilaanni sivikitsumik piffissaqartinneqarluni ulapaarluni suliassaqartarluni ullut sivisuumik suliffiusut inooqataaffigisinnaassavatit. 
  • Aammattaaq saqqummiussillaqqissuunerit allattariarsornikkullu kukkuneqanngitsunik ilusilersuisinnaanerit pingaartipparput.
  • Kalaallit Nunaanni pissutsinik ilisimasaqarneq iluaqutaassaaq. Tamatumani aamma pisortani allamik atorfeqarnikuusimaneq. 

 

Aamma malugeqquneqarpoq, taassuminnga atorfeqassagaanni naalakkersuinikkut soqutigisanik ingerlatsisoqassanngilaq qanittukkulluunniit ingerlatsisoqarsimassanani.

 

Neqeroorutigaarput:

  • Sulinermi avatangiisit suliamik annertuumik ilisimasaqarfiusut ineriartortitsinermillu pingaartitsiviusut.
  • Suliassat pissanganartut assigiinngisitaartullu.

 

Atorfimmut atatillugu inissaqartitsisoqarsinnaavoq maleruagassat atuuttut malillugit akilersorneqartussamik. Taamaattorli Nuummi inissaaleqineq pissutigalugu ataavartumik inissiamik innersuussisoqannginnerani utaqqiisaasumik sivikinnerusumik ineqartinneqarnissaq naatsorsuutigineqartariaqarpoq. Isumaqatigiissut atuuttoq naapertorlugu atorfinikkiartorluni angalanermut pisattallu angallanneqarnerinut akiliussisoqarsinnaavoq.

 

Uagut pilluta
Inatsisartut Allattoqarfiat Kalaallit nunaanni Inatsisartut allaffeqarfigaat. Inatsisartut ukiumut marloriarlutik nalinginnaasumik katersuuttarnerinik aaqqissuussisarpugut, Inatsisartunullu ilaasortat 31-usut ataatsimiititaliaallu sulissullugit. Ullumikkut suleqataasut 30-t missaannik amerlassuseqarpugut, taakkunannga qulit ataatsimiititalianut allattaapput qaffasissumik ilinniagallit.

 

 

Qinnuteqaatip uunga nassiunneqarnissaa qinnutigineqarpoq:
Inatsisartut Allattoqarfiat
Postboks 1060
3900 Nuuk
Kalaallit Nunaat

 

Imaluunniit mailikkut uunga; inatsisartut@inatsisartut.gl

 

CV-t soraarummeersimanermullu uppernarsaatit, ilinniagaqarnermi alloriarnerni tamani angusat qaffasissusaannut nalunaarsuutit qinnuteqaammut ilanngullugit nassiuteqquneqarput.

 

Qinnuteqarnissamut killiliussaq: 1. maj 2021.

Atorfininnissaq pissaaq 1. juni 2021 isumaqatigiissuteqarnikkulluunniit.

 

Pisoortani atorfigisamit allamit sulinngiffeqarallarnissamut periarfissaq:
Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. 

 

Paasisaqarnerujumaguit:
Inatsisartut aammalu Inatsisartut Allattoqarfiat uani annertunerusumik paasisaqarfigisinnaavatit: www.inatsisartut.gl.

 

Aningaasarsiat atorfinitsitaanermilu atugassarititaasut pillugit paasissutissat:
Atorfinitsitsineq allaffimmi pisortat pillugit Naalakkersuisut qaffasissumillu ilinniagallit kattuffiisa akornanni isumaqatigiissut kiisalu DJØF-ip Inatsisartullu Siulittaasoqarfiata akornanni isumaqatigiissut atuuttoq naapertorlugit pissaaq.

 

Atorfiup imarisai imaluunniit pissutsit allat annertunerusumik paasisaqarfigerusukkukkit uunga saaffiginninnissamut tikilluaqqusaavutit:

 

Allattaaneq Ellen Kolby Chemnitz, e-mail ekc@ina.alla.gl