Skip to main content
116

Dette jobopslag er udløbet

ATAATSIMIITITALIAMUT ALLATSIGILIGASSARPUT ILINNIAGARTOOQ ILLIUA?

 

Kalaallit Nunaanni Inatsisartut AC-nik pikkorissunik sisamanik pissarsiorput

 

Inatsisartut Allattoqarfiat AC-nik pikkorissunik sisamanik, ulloq 1. juli, 1. august imaluunniit isumaqatigiissuteqarneq malillugu atorfinittussatut naatsorsuutigineqartunik, Inatsisartut ataatsimiititaliaannik sullissisussanik pissarsiorpoq. Pineqarput piffissaq tamakkerlugu suliffiit, taakkunannga aalajangersimasumik atorfik ataaseq aammalu qaammatini 6-12-ni sivitsuinissamut periarfissaqartitsilluni paarlattaasut pingasut.

 

Uagut pilluta:

Inatsisartut Allattoqarfiat Inatsisartut allaffeqarfigaat. Inatsisartut ukiumoortumik marloriarlutik ataatsimiittarneri aaqqissuuttarpavut aammalu Inatsisartunut ilaasortat 31-t Inatsisartullu ataatsimiititaliaat sullitaraagut. Sulisut 30-uvugut, tassunga ilaallutik ataatsimiititalianut allatsit ilinniagartuut aqqanillit.

 

Atorfiit pillugit:

Ataatsimiititaliap allattaatut ilinniagartuutut suliassaq pingaarneq tassaavoq Inatsisartut ataatsimiititaliaasa ilannik sullissinissaq. Tamatuma kingunerisaanik ilaatigut suliarisassavatit ataatsimiititaliap ataatsimiinnissaanut oqaluuserisassat atortussallu, isumaliutissiissutit tusagassiorfinnullu nalunaarutit kiisalu siunersiuinerit, takuniaanerit aammalu Kalaallit Nunaannut, Danmarkimut immaqalu nunanut allanut angalanissat pilersaarusiorlugillu peqataaffigisassavatit. Ataatsimiititaliap ataatsimiinneri kalaallisut amerlanertigut ingerlanneqartarput. Ataatsimiititaliamut oqalutsi qanimut suleqatigissavat.

 

Inatsisilerituujuguit inatsisilerinermik suliaqartut (Inatsisissanik Nalilersuisarfimmi), Inatsisartut sinnerlugit inatsisissatut siunnersuutit pitsaassusiannik qulakkeerinnittartut suleqatigissavatit aammalu inatsisissanik nalilersuinermi peqataasassallutit. Inatsisissanik nalilersuinermik ilitsersuisoqarluni ilinniartinneqarnissamut periarfissaqassaaq.

 

Illit pillutit

Ataatsimiititaliamut allatsitut ilinniagartuutut sulinissanni pingaartipparput:

  • Kandidatitut naleqquttumik ilinniagaqarsimanissat
  • Ilisimasaqarluarnissat naalakkersuinikkullu ingerlatsisunik qanimut suleqateqarnissamik soqutiginninnissat
  • Oqaatsitigut allakkatigullu ingerlatitseqqillaqqissuunissat aammalu kukkuneqanngitsumik allassinnaanissat
  • Allattoqarfimmi qanimut angusaqarusussuseqartumillu suleqatigiinnermi peqataarusussuseqartutit
  • Ulluinnarni sulinerup ulapaarfiunerani ullullu suliffiit ilaasa sivisusinnaaneranni suleqataarusussuseqartutit

Apeqqutaavallaanngilaq ilinniakkat naammasseqqammernerit imaluunniit ukiuni arlalinni misilittagaqarnerit, pingaarneruvorli ilinniakkatigut ineriartoqqinnissamut soqutiginninnissat aammalu pisortani ingerlatsinermut ilisimasaqarnissat. Suliassatit ilinniagaqarnernut misilittagaqarninnullu naleqqussarneqarumaarput.

Ilakkuminartuussaatit ammasuussallutillu, qajannaatsuussaatit naammagittartuussallutillu. Kalaallit Nunaanni pissutsit ilisimasaqarfiginissaat iluaqutaassaaq. Aamma taamaappoq pisortani allamik atorfeqarsimanermit misilittagaqarnissaq eqqarsaatigalugu.

Piginnaasat pisariaqartinneqartut misilittakkallu naleqquttut pigigukkit atorfik aalajangersimasoq immikkut siunnersortitut atorfittut neqeroorutigineqarsinnaavoq, taassuma nassatarissavaa suliassat qaffasissumik piginnaasaqarnissamik (tassunga ilanngullugu aalajangiisinnaassuseqarnermik) piumasaqaateqarfiusut isumaginissaat aamma/imaluunniit immikkoortortat akimorlugit ataqatigiissaarisutut akuttunngitsumik atuunnissaq  (assersuutigalugu suliniutinik aqutsisutut) aamma/imaluunniit pisortanut sullissinerit (tassunga ilanngullugu pisortaanernut siunnersuinerit kiisalu ineriartortitsinermik qulaajaanermillu suliassat).

Malugalugu politikimut tunngasutigut sammisaqaraanni tamanna atorfinnut naleqqutinngimmat.

Neqeroorutigaarput:

 

  • Sulinermi avatangiisit suliamik annertuumik ilisimasaqarfiusut ineriartortitsinermillu pingaartitsiviusut
  • Suleqatit misilittagaqarluartut tunniusimasullu persuarsiunngitsumik ataatsimooqatiginerat
  • Suliassat pissanganartut assigiinngisitaartullu
  • DJØF-ip aammalu Inatsisartut Siulittaasoqarfiata akornanni isumaqatigiissut naapertorlugu akissarsiat atorfinitsinneqarnermilu pissutsit assut orniginartut
  • Atorfininnermi soraarnermilu angalanermut akiliunneqarneq

Allattoqarfik inissaqartitsisinnaavoq.

 

Qinnuteqaat:

INUITRecruitment ApS Inatsisartut Allattoqarfiata sulisussarsiorneranik isumaginnittuuvoq. Atorfiit imarisaat annertunerusumik paasisaqarfigerusukkukkit allattaanermut Ellen Kolby Chemnitzimut e-mail ekc@ina.gl imaluunniit INUITRecruitmentimi piginneqataasumut Berit Topsimut oqarasuaammut +45 2174 2322-imut saaffiginninnissannut tikilluaqqusaavutit.

 

Alajangersimasumik atorfimmut imaluunniit paarlatsitut atorfiit arlaannut qinnuteqarnerlutit allassagit inussiarnersumik qinnuigineqarputit.

Qinnuteqaammut ilannguteqquneqarput CV-t soraarummeersimanermullu uppernarsaatit. Qinnuteqarnissamut killiliussaq: 13. juni 2019.

 

Ingerlaqqiffissiami uani inuttassarsiuineq takuuk atorfinnullu qinnuteqarit:

 

 

http://inuitrecruitment.gl/ledige-stillinger-2/?hr=show-job%2F44271%26locale%3Dda_DK

 

 

Annertunerusumik paasisaqarusukkuit:

Inatsisartut aammalu Inatsisartut Allattoqarfiat uani annertunerusumik paasisaqarfigisinnaavatit: www.inatsisartut.gl.

 

Pisortani atorfigisamit allamit sulinngiffeqarnissamut periarfissaq:

Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit. Aamma eqqumaffigineqassaaq Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut kaammattuutigisimammagu.