Ilinniartitsisut Meeqqat Atuarfianneersut Kattuffiat, IMAK, sulianik suliaqartartussamik/siunnersortissamik sulisussarsiorpoq.

Suliffiuvugut anginngikkaluarluni ulapaarfiusoq, ilaasortatatta soqutigisaannik isumaginnittartoq – suliassat ataasiakkaat saniatigut aamma pisortanut, efterskolinut, højskolinut atuarfimmullu namminersortumut isumaqatigiinniarnermik suliaqartartoq.

Suleqatissarsiorpugut:

• Suliamut atatillugu politikkimik inatsisilerinermillu ilisimasalimmik, ajornanngippallu taakkunannga misilittagalimmik
• Kalaallit Nunaanni meeqqat atuarfiat pillugu ilisimasaqarluartumik
• Allaffissornikkut ingerlatsinermik paasisimasaqarluarlunilu ilisimasalimmik,
• Suliat oqaatsillu assigiinngitsut akimorlugit suleqatiginnillaqqitsumik,
• Ulapilluni sulinermik nuannarisaqarlunilu pisariaqalerfiatigut suliassanik allanik ikiuussinnaasumik aamma
• Kalaallisut qallunaatullu oqaasilimmik.

Iluaqutaassaaq sullivinni avatangiisit, atorfeqarnermi inatsisit, akileraartarneq pensionillu pillugit soqutigisaqartuuguit.

Makku neqeroorutigivagut:

• Suliffik pitsaasoq, nuannersoq ilaannilu ulapaarfiusartoq immitsinnut isumassorfigisarput
• Sulianut tunngatillugu ukiumoortumik pikkorissartarnerit
• Suliassat piginnaasanut soqutigisanullu naleqqussakkat,
• Inummut naleqqussakkamik isumaqatigiissut naapertorlugu atorfinitsitaaneq.

Malugeqquarput Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip akornanni Kalaallit Nunaanni meeqqat atuarfianni sinniisit aamma IMAK-imi kattuffimmi atorfillit pillugit isumaqatigiissut naapertorlugu, IMAK-imi ilaasortat kattuffiup allattoqarfiani sulisussatut atorfinittut atorfimminnit akissarsiaqaratik sulinngiffeqarallarnissaat periarfissaqarmat.

Inuttassarsiuussineq pillugu paasissutissanik annertunerusunik piniarusukkuit, oqarasuaatikkut uunga: 32 25 50 imaluunniit uunga: 52 83 25 saaffiginnissinnaavutit. Saaffiginnissutit soorunami allanut ingerlateqqitassaanngitsutut suliarissavarput.

Qulaani pineqartut soqutigigukkit kattuffiup allattoqarfianut qinnuteqaatit nassiuguk:  imak@imak.gl 10. februar 2023 nallertinnagu.

Ilinniartitsisut Meeqqat Atuarfianneersut Kattuffiat, IMAK

Postbox 867

3900 Nuuk