Skip to main content
89

Dette jobopslag er udløbet

ILLUUT PISORTASSARSIORPUT

Illuut A/S pisortamik pissarsiorpoq isumaqatigiissuteqarneq naapertorlugu pisortatsinnik paarlaasussamik.

Ingerlatsivik Namminersorlutik Oqartussanit pigineqarpoq, siunertaraalu illunik sanatitsinissaq, piginninnissaq, tuniniaasarnissaq aamma aqutsinissaq. Ingerlatsivimmit sulisunut inissiat 750-it missaaniittut ingerlanneqarpoq, taakkunannga 500 missaat Namminersorlutik Oqartussani imaluunniit Naalagaaffimi sulisunut attartortinneqarput. Naatsorsuutigineqarpoq ukiuni aggersuni Illuut kollegianik, illoqarfinni tallimani agguarneqartunik, sanaartortitsitsissasoq  katillugu 500 missaanni siniffissalinnik.    

 

Ingerlatsiviup ingerlatsinerata annertunerpaartaa pisisarfinnut arlalinnut imissutigalugu suliakkiissutaavoq, takkualu immikkut tamarmik attartortut akornanni annertuumik naammagisimaarinninnermut tapertaapput. Illuut taamaallaat marlunnik sulisoqarpoq, taakkua pingaarnertut suliarisussaavaat pilersaarusiornermut suliassat aamma Illuutip sanaartortitsisutut nutaanik sanaartortitsinermi soqutigissaat isumagissallugit.

 

Illuummi pisortap akisussaaffigissavaa ingerlatsiviup ingerlatsineranit tamanit ulluinnarni aqutsineq, tamatumunnga ilanngullugit akisussaasuulluni pisut tamarmik najoqqutassat, maleruaqqusat aammattaaq inatsisit qaqugukkulluunniit atuuttut naapertorlugit ingerlanneqarnissaannut, ingerlatsiviup siulersuisui qanimut suleqatigalugit.

      

Piginnaasat aamma tunngavigineqartut

Naatsorsuutigineqarpoq Illuutip pisortaata pitsaasumik ilinniagaqarnermigut aamma misilittagaqarnermigut tunngaveqarnissaa makkunani, suliniutinik aqutsisutut, suliniutinik aqutsinermi aammattaaq nalorninartoorfiusunik aqutsisinnaanermik, tamakku saniatigut aningaasalersuineq, tamatumunnga ilanngullugu taarsigassarsianik allanngortitsinerit.   

 

Suliatigut pikkorissuseqarnerup aamma aallussilluarnerup saniatigut pisortaq isumaqatigiinniarnermut pitsaasunik piginnaasaqassaaq aamma ataatsimoortumik isiginnissinnaalluni, tassani qitiutinneqassapput ingerlatsivinnik arlaqartunik suleqatiginninneq tassami imaammat ingerlatsinermi taamatullu ingerlatsiviup sanaartortitsisutut inissinnissaani suleqatigisartakkat amerlasuujummata.

 

Naatsorsuutigineqarpoq pisortap aningaasaqarnermut, missingersuutinut aamma misissueqqissaarnernut tunngatillugu annertuumik misilittagaqarnissaa.

 

Naggataatigut naatsorsuutigineqarpoq pisortap politikikkut ingerlariaatsinik paasisimasaqarluarnissaa.

 

Neqeroorutigaavut

Suliffik orniginartoq aamma pissanganartoq suliffiup aaqqissuussaanera annertuujunngilaq suliassat assigiinngiiaartut amerlallutik.

 

Aningaasarsiat aamma atorfeqartitaanermi atugassarititaasut illit piginnaasannut aamma tunngavigisannut naleqqutissapput.

 

Sapinngisamik piaartumik atorfinitsitsisoqassaaq.

 

Paasissutissat sukumiinerusut siulersuisuni siulittaasoq Klaus Jukku Mølgaard, jm@illuut.gl eller tlf. +299 527473 saaffigalugu pissarsiarineqassapput.

 

Qinnuteqaat tassunga CV, ilinniagaqarnermut uppernarsaatit aamma suliffigisimasanit oqaaseqaatit ilanngullugit nassiunneqassapput jm@illuut.gl.