Skip to main content
75

Dette jobopslag er udløbet

Inuussutissarsiutini aningaasaqarnermut tunngasunut adjunkti/lektori

Inuiaqatigiilerinermik, Aningaasaqarnermik Tusagassiornermillu Ilisimatusarfiup Aningaasaqarnermik, Inuussutissarsiornermillu Ilisimatusarnermut Immikkoortortaani adjunktitut/lektoritut atorfik inuttassarsiorneqarpoq.

Takornariaqarnerup misigisassarsiornerullu aningaasarsiutigineqarneranik ilisimatuutut misissuinermik kivitseqataasinnaasumik suleqatissarsiorpugut. Inuussutissarsiummik aallartitsiumassuseq, nutaaliorneq piujuartitsinerlu tamatumani qitiussapput. Najukkami suliniartut peqatigalugit inuussutissarsiornerup tugussaasumik piviusunngortinniarneranik soqutigisaqartuusinnaavutit. Ajornanngippat ilisimatusarnerup tungaatigut soqutigisatit taakkulu atorfimmi qanoq atorluarsinnaanerlugit eqqarsaatitit qinnuteqaatinni ilanngutissavatit.

Atorfimmi piumasarineqarpoq atuartitsineq, siunnersuineq fagillu siuarsarneranut peqataaneq, aamma immikkkoortortani allani. Ilisimatusarfitsinni ilinniartitseriaaserput fagit akimorlugit projektinik ingerlatsiviuvoq, naatsorsuutigaarpullu suleqatitaarput tamakkununnga peqataassasoq. Ilisimatusarfitsinni inuiaqatigiilerinerup iluani ilisimatusarnermik piginaasaqarluarpugut, fagit akimorlugit suleqatigiinnermik pingaartitsisuulluta.

Adjunktitut/lektoritut qinnuteqartut atorfimmut tunngatillugu ph.d.-mik naleqquttumik ilinniagaqarsimassapput, aammalu ilisimatusarnerup ilinniartitsinerullu iluanni piginnaasatik adjunktimut/lektorimut sanillersuunneqarsinnaasut uppernarsaatissaqartissallugit.

Ukua qinnuteqaammut ilannguteqquneqarput:

  • Ilanngussaq 1: Soraarummeersimanernut uppernarsaatit
  • Ilanngussaq 2: Saqqummersissimasanut takussutissiaq
  • Ilanngussaq 3: Ilisimatusaatissap allaaserinera
  • Ilanngussaq 4: CV
  • Ilanngussaq 5: Ilinniartitsinermik misilittagaqarnermut uppernarsaatit
  • Ilanngussaq 6: Pædagogikumimut uppernarsaatit (lektorinut) 

Naatsorsuutigineqarpoq qinnuteqartut Kalaallit Nunaanni nunanilu Issittumiittuni allani inuiaqatigiilerinermik aningaasaqarnermillu ilisimasaqarluassasut.

Atorfik septembarip aallaqqaataani 2020 imaluunniit tamatuma kinguninngua inuttalerniarneqarpoq.

Atorfik pillugu paasissutissat annertunerusut pineqarsinnaapput ilisimatusarfimmi pisortamut Gestur Hovgaardimut, oqarasuaammut +299 385672-imut saaffiginninnikkut.

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik 

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa. Paasissutissat Ilisimatusarfik pillugu uani nanineqarsinnaapput www.uni.gl 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk