Ilisimatusarfimmi Issittumi Inuiaqatigiilerinermut Aningaasaqarnermullu Immiukkoortortaq inuussutissarsiutini aningaasaqarnermut lektorimik adjunktimilluunniit pissarsiorpoq.

Atorfik 1. august 2023 isumaqatigiissulluunniit malillugu inuttalerniarneqarpoq.

Issittumi Inuiaqatigiilerinermik ilisimatusarnermut Aningaasaqarnermullu Immiukkoortortaq ilisimatusarnerni ilinniarnernilu amerlasuuni qitiuvoq 100-t missaannik ilinniartulik, arfineq pingasunik atorfilittalik arlalinnillu ph.d.-nngornianik ilisimatusartunillu tikillatsiartartunik sulisulik. Immikkoortortami Inuiaqatigiilerinermi aningaasaqarnermi Issittumilu ilisimatusarnermi bacheloorinngorniarneq kiisalu Inuiaqatigiilerinermi ilisimatusarnermut kandidatinngorniarneq neqeroorutaapput. Ilinniartitaanermi ilisimatusarnermilu Kalaallit Nunaat Nunallu Issittut salliutinneqarput.

Ilisimatusarfimmi ilinniartitaanermi qallunaat, tuluit kalaallillu oqaasii atorneqarput.

Piginnaasanut piumasaqaatit

• Universitetimi naleqquttumik ilinniarsimaneq ph.d.-mut nallersuuttoq
• Ilisimatusarnermi, ilinniartitsinerrmi siammarterinermilu piginnaasat adjunktimut lektorimulluunniit nallersuuttut
• Kalaallit Nunaanni Nunanilu Issittuni inuiaqatigiinni ajornartorsiutinut ullutsinnut nallersuuttunut ilisimasaqarneq, soorluttaaq kisitsisit atorlugit nassuiaasiornermi nassiuaatinillu isumasiuinermi ilisimasaqarneq iluaqutaassaaq – piumasaqaataanngilarli.

Suliassat
Suliassatit pingaarnerit tassaassapput

• Inuussutissarsiutini aningaasaqarnermut tunngasunik ilinniartitsineq, soorlu inuussutissaqarnermut aningaasaqarnermi, aningaasaqarnermut aqutsinermi naatsorsuuserinermi aningaasaleeriaatsinilu.
• Bacheloorinngorniani, kandidatinngorniani ph.d.-milu ilinniartuni aqqutissiuussineq soraarummeersitsinerlu.
• Ilisimatusarneq immikkoortortamilu sammisat iluanni ilisimatusaatinik siammarterineq, pingaarnertut Kalaallit Nunaata Nunallu Issittut iluini.
• Immikkoortortami Instituttimilu sulisut allat peqatigalugit ilinniartitaanermik inerisaaneq.
• Sammisap iluani naliliinernik suliaqarnerit.
• Allaffissornerup iluani suleqatillu akornanni suleqatigiinnerni peqataaneq.

Qinnuteqaat
Inuussutissarsiutini aningaasaqarnermut lektoritut adjunktitulluunniit atorfimmut qinnuteqaat qinnuteqaatitut immersukkap saniatigut makkuninnga imaqassaaq:
Ilanngussaq 1: Curriculum Vitae.
Ilanngussaq 2: Soraarummeersimanernut uppernarsaatit.
Ilanngussaq 3: Inuit pingasut paasissutissanik aallerfiusinnaasut attavigisinnaanissaannut paasissutissat.
Ilanngussaq 4: Saqqummersissimasat tamakkiisut allattorsimaffiat normulersugaq. Saqqummersissimasat ilanngunneqartut (immikkoortoq 8 takuuk) allattorsimaffimmi *-imik
nalunaaqutserneqassapput.
Ilanngussaq 5: Siornatigut ilisimatusaatigisimasat naatsumik allaaserineri siunissamilu ilisimatusaatissatut takorluukkat naatsumik taakkartorneri.
Ilanngussaq 6: Teaching portfolio ilinniartitsinermik piginnaasanik kiisalu universitetimi pædagogikkimik assigisaanilluunniit takussutissianik imalik, aammalu nammineq siornatigut siunissamilu ilinniartitsiumaarnissamut eqqarsaatersuutit.
Ilanngussaq 7: Ilisimatusaatinik siammarterinernut takussutissiat.
Ilanngussaq 8: Qinnuteqartup amerlanerpaamik saqqummersissimasat sisamat nalilerneqarnissaminut naleqqussorisani toqqarsinnaavai.

Attavigisassat/ilisimatitsissutit:
Atorfik pillugu paasissutissat annertunerusut pineqarsinnaapput Issittumi Inuiaqatigiilerinermut Aningaasaqarnermullu Immiukkoortortami aqutsisoq Maria Ackrén attavigalugu, oqarasuaat +299 385663, aqqutigalugu, imaluunniit Intituttimi Inuiaqatigiilerinermut Aningaasaqarner-mullu Instituttimi aqutsisoq Annemette Nyborg Lauritsen attavigalugu, +299 385660.
Issittumi Inuiaqatigiilerinermut Aningaasaqarnermullu Immikkoortortaq pillugu annertunerusumik uani atuarsinnaavutit: www.uni.gl

Naliliisarneq atorfinitsitsisarnerlu, adjunktinut lektorinullu atorfinnut
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.

Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat. 

Ilisimatusarfik pillugu.
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Kulturimik, Oqaatsinik Oqaluttuarisaanermillu Ilisimatusarfik
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik 

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk