Skip to main content
159

Dette jobopslag er udløbet

Hotel Qaqortumi saaffiginnittarfimmi sulisoq

Hotel Qaqortoq saaffiginnittarfimmut sulisussarsiorpoq.

 

Inuit assigiinngitsorpassuit akornanni sulinissat pilerinartissinnaaviuk?

Kalaallisut, Qallunaatut Tuluttullu allassinnaallutillu oqalussinnaavit?

Nukissaqarluarpit aamma ilakkuminartuuit piumassuseqarluarlutillu?

Sullivimmi ineriartortumi sulerusuppit? 

Taava immaqa illerpiaq sulisussarsiarerusuppatsigit! Saaffiginnittarfimmi sulisussamik 15/7-mi aallartissinnaasumik ujaasivugut.

Akunnittarfiuvugut anginngitsoq, unnuiffiusinnaasunik 47-nik (maannamuugallartoq) iniuteqarluta, ininut akunnittarfinniittunut aamma akunnittarfiup qanittuani inissianut avinneqarsimasunik.

Akunnittarfiugatta anginngitsoq, suliat aalajangersimasut saniatigut ikiuunnissatsinnik pisariaqartitsisoqartillugu tamatta ikiuuttarpugut. Taamaalillutit neriniartarfimmi cafémilu aamma paarlattaasarsinnaassaatit imaluunniit aaqqissuussinerni pilittaasinnaassallutit.   

 

Pisinnaasaqarfigisassat:

  • Aalajaatsuuvutit 
  • Tamakkiisumik isiginnissinnaassuseqarluarputit aamma pisuni ulapiffiusuni iliuuseqarsinnaallutit
  • Suleqatinnut najugaqartunullu suleqatiginnilluarnissamut piginnaaneqarputit
  • Inerisimasuuvutit, tamatigoortuullutit suliassanillu assigiinngitsunik ataatsikkut isumaginnissinnaallutit
  • Qallunaatut Tuluttullu oqalussinnaallutillu allassinnaavutit. Kalaallisut iluaqutaassaaq (piumasaqaataananili)
  • IT-nut assigiinngitsunut tunngaviusumik ilisimasaqarputit
  • Nammineerlutit sulisinnaavutit, aammali suleqatigiinni sulisinnaallutit. 

 

Saaffiginnittarfimmi sulisutut ilinniarsimanissat piumasaqaataanngilaq, paaserusutannik tamanik ilinniartinnissat isumagissaqqaarparput.

Suliassat:

  • Najugaqartussat takkuttut anisullu isumagalugit
  • Inniminniinernik assigiinngitsunik suliaqarnerit
  • Allaffissornikkut suliassat minnerusut assigiinngitsut
  • Eqqiaanerit pisariunnginnerusut
  • Pikkorissarnissat aallartinnissaat naggataarnersiornissallu piareersarlugit
  • Ikiuinissamik qinnuigineqarnermi ikiuuttarnissat  

Piffissaq suliffiusoq assigiinngisitaarsinnaavoq, suliffissatut pilersaarutit naapertorlugit sulisoqartassalluni, taakkuli pisariaqartitsineq naapertorlugu allanngortinneqariataarsinnaallutik. Ullaakkoortuni, ullukkoortuni aamma unnukkoortuni sulisarnissat naatsorsuutigissavat, sapaatip akunnerata ulluini tamani. Agguaqatigiissillugu sapaatip akunneranut 40 tiimit suliffiussapput, nalunaaquttalli akunneri amerlanerusarlutillu ikinnerusarlutillu nikerarsinnaallutik.   

Akissarsiat atorfeqarnermilu atugassarititaasut

Piginnaasat naapertorlugit akissarsiaqartitsisoqassaaq, taakkununnga ilaallutik sulilernissamut atatillugu angalanermut akiliunneqarneq, aamma soraarnermut atatillugu angalanermut akiliunneqarneq, isumaqatigiissut naammassineqarsimappat. Sivikinnerpaamik ukiumut ataatsimut, ajornanngippat amerlanerusunnut isumaqatigiissusiortoqartassaaq.


Ineqarneq

Suliffimmut atatillugu sulisunut inissiamik pequsersorsimasumik innersuussisoqarsinnaavoq – innersuunneqartumut inimik attartornermut akiliut malitarisassat atuuttut naapertorlugit akilerneqartassalluni. Suliffimmut atatillugu inissiaq najugarisaq, atorfinitsitaanermut atatillugu ilaatinneqarmat, suliunnaarnermi qimanneqassaaq.
Suliffimmut atatillugu inissiami uumasuuteqartoqassanngilaq.
 

Suliffimmut atatillugu apeqqutissaqaruit  Kaya Riis uunga allaffigiuk adm@hotel-qaqortoq.gl

Qinnuteqaatit aamma inuuninni taasassat pingaarutillit, CV, uunga nassiutikkit adm@hotel-qaqortoq.gl