Skip to main content
62

Dette jobopslag er udløbet

GUX Nuuk ilinniartitsisunik pissarsiorpoq

Nuummi Qeqqani Ilinniarnertuunngorniarfimmi 1. augusti 2018 aallarnerfigalugu atorfiit arlaqartut piffissaq tamakkerlugu suliffiusussat ilinniarnertuunngorniarfimmi fagini assigiinngitsuni inuttassarsiorneqarput.

 

GUX Nuuk atuarfiusumi 2018-19-imi 475-it miss. atuartoqarpoq klassinut 21-nut agguataarneqartunik, kiisalu ilinniartitsioqarluni 60-inik + allaffissornermik/teknikimik suliaqartut.

 

Uagut naatsorsuutigaarput illut:

  • kandidatitut imaluunniit assingusumik ilinniagaqartuusutit
  • piviusumik pædagogikimut aamma atuarfimmut tunngasumik ineriartortitsinissamut peqataanissaq piareersimaffigigit
  • suleqativit aamma aqutsisut qanimut suleqatiginissaat piareersimaffigigit, tassani qitiutippavut ulluinnarni unamminartut tunngavigalugit iliuuseqartarnissaq
  • inoqatinnut akuersaartuullutit ileqqoqartuusutit, illinniagaqartut imaluunniit suleqatitit pineqarnersut apeqqutaatinnagu
  • ilinniartitsinerit ilinniagaqartunut ilikkagaqarusulersitsissasoq, assigiinngiiaartuussasoq peqataalersitsissallunilu

Iluaqutaassaaq ilinniartitsinermik misilittagaqartuunerit, kisianni tamanna pinngitsoornani piumasaqaataanngilaq. Ilinniartitsisunut ilinniartitsinermik misilittagaqariinngitsunut tunngaviusumik didaktikimik atuarnerup aallartinnerani pikkorissaanermik ingerlatsissaagut.

Uagut neqeroorutigaavut:

  • Atuarfimmi avatangiisit ullormi suliffiusumi ilinniagaqartullu susassareqatigiinnermik, assigiinngiiaartuunermik inissaqartitsineq aamma pisussaaffeqarnermik malunnaateqartut
  • Suliatigut avatangiisit misiliisarnernut nutarterinernullu inissaqartitsisuusut
  • Pikkorissaanermi aqutsisunit ilitsersuisunillu pikkorissunit ilitsersorneqarnikkut siunissami pædagogikumimik ingerlataqarnissamut periarfissaqarneq
  • Atuarfik suli ineriartortuartoq aamma pitsaasumik ataatsimoorfiusoq
  • Suliatigut avatangiisit kikkut tamarmik suliffeqarnissaannut inissaqartitsiffiusoq, suleqatinit aamma aqutsisunit siunnersorneqarnissamut, isumasioqatigiinnissamut aamma ilitsersorneqarnissamut periarfissaqarluartoq.

Aningaasarsiatigut atorfeqartitaanermilu atugassarititaasut:
Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Aningaasarsianut tunngatillugu aamma isumaqatigiissummut tunngatillugu annertunerusumik takusaqarit.

 

Ineqarneq:
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

 

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

 

Ilinniarnertuunngorniarfiup nittartagaani ilinniarnertuunngorniarfik ilinniagaqartuutivullu, Kalaallit Nunaanni ilinniakkat aamma illoqarfimmi 17.000-inik inuttussuseqartumi pinngortitamilu periarfissat suuneri pillugit paasissutissanik atuagaqarsinnaavutit. Aammattaaq tassani ilinniarnertuunngorniarfiup takorluugai naleqartitaalu kiisalu akissarsiat aamma allat amerlasoorpassuit pillugit paasissutissanik pissarsisinnaavutit. Taamatuttaaq link una alakkaruk:

 

Iserasuaat faginut, ilinniartitsinermut, ilinniakkanut pilersaarutit allarpassuillu pillugit paasissutissanik pissarsiniarlutit.

 

Periusissaq:
Paasissutissanik sukumiinerusunik paasisaqarusukkuit rektori Mikael Enggaard saaffigissavat telefon: 00299-547121 imaluunniit e-mail: mee@gu-nuuk.gl

 

Sap. akunneranni 12-imi aamma 13/14-imi Kalaallit Nunaanni aamma Danmarkimi qinnuteqartunik toqqakkanik oqaloqatiginninnissaq pilersaarutigaarput.

 

Qinnuteqaat qinnuteqarfissarælu ulloq kingulleq:
Qinnuteqaatit paasissutissat ilinnut tunngasut (CV) aamma soraarummeersimanermut uppernarsaatit tassunga ilanngullugit mailikkut nassiutissavatit uunga: mee@gu-nuuk.gl sisamanngorneq 15. martsimi 2018 nalunaaqutaq 12.00.

Søg stillingen online