Skip to main content
142

Dette jobopslag er udløbet

GUX-Aasiaat kollegianut kollegiani aqutsisoq

Avannaani Ilinniarnertuunngorniarfik, GUX-Aasiaat, aqutsinerup aaqqissuussaanerani allanngortitsivoq. Taamaattumik atuarfimmi kollegianut tunngasunik qullersaasussamik pisortassamik pissarsiorpugut.

Kollegianut immikkoortortaqarfik 15-inik illutaqarpoq kollegiatut atorneqartunik, inissiat qulit missaanniittut. Kollegianut immikkoortortaqarfimmi allaffissornermut aamma aqutsinermut tunngasut suliarineqartarput; kollegiat, kollegiani pædagogit aamma atuarfiup sulisuinut inissianik allaffissornikkut sullissineq.
Kollegianut immikkoortortaqarfimmi sulisuupput kollegiani pædagogit sisamat, taakkunannga ataaseq teamlederitut toqqagaalluni.
Atorfik atuarfiup rektorianut ataani inissisimavoq, kollegiani pisortaq atuarfimmik aqutsisunut peqataavoq.

Aqutsinerup aaqqissuussaanera atuarfiup nittartagaani takuneqarsinnaavoq.
Kollegiani pisortatut atorfik nutaajuvoq soorunami atuarfimmi kollegianut tunngasunik ineriartortitsisinnaasumik pisortassamik atorfinitsitsinissarput eqqarsaatigaarput.

Sullissinermut aqutsisutut ilaatigut akisussaaffigissavatit makku:

  • Kollegianik ingerlatsineq tamakkivillugu periutsinik aamma pilersaarutinik suliaqarneq
  • Sulisunik aqutsineq
  • Toqqaanissamut ataatsimiititaliamut allatsitut suliaqarneq
  • Immikkoortunik tamavinnik ineriartortitsinermut peqataaneq
  • Kollegia pædagoginut qullersaasutut akisussaaffeqarneq
  • Ilinniartunik aamma tikeraartunik inissiisarneq allaffissornikkullu suliassanik suliaqartarneq
  • Matuersaatinut akisussaaneq
  • Ineqartut siunnersuisooqatigiiviannik aqutsineq
  • Pinaveersaartitsineq aammattaaq pisussanik pilersaarusiorneq
  • Ineriartortitseqqinneq aamma sulisunik allanik suleqateqarneq

Assingusumik atorfeqarsimaneq suliffeqarfimmi assingusumi assut iluaqutaassaaq.
Naatsorsuutigaarput ilinniagarisimasamik tulluartumik tunngaveqarnissaq pisariaqartutut piumasaqaataavoq, sulisut pædagogitut ilinniarsimasut attaveqaqatigineqartassammata.
Iluaqutaassaaq kulturit amerlasuut akornanni avatangiiseqarluni pisinnaaneq innarliinngitsumik taamatullu eqaatsumik maleruaqqusanik ineriartortitsisinnaaneq aamma malitsitsisinnaaneq, tamakku pisariaqarput kollegianut immikkoortortaqarfimmi ingerlatsinissamut atuarfimmi 300 pallillugit ilinniartoqartumi. Iluaqutaassaaq oqaatsinik marlunnik atuisinnaaneq danskisut aamma kalaallisut.
Atorfik sapinngisamik piaartumik inuttaleqarneqarusuppoq imaluunniit isumaqatigiissuteqarneq tunngavigalugu.

Atorfik pillugu paasissutissat Rektorimut Dorthie Siegstadimut dorthie@gux-aasiaat.gl +299 56 01 46-imut saaffiginninnikkut pissarsiarineqarsinnaapput.

Atorfik inuttalerneqarusuppoq ulloq 1. august 2019
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk