Skip to main content
103

Investment Manager, Kalaallit Nunaanni siuariartortitseruttoq

Greenland Venture-p aningaasaliissutaasartut annertusiartornerat suliffeqarfinnillu qaninnerusumik quleqateqartalerneq peqatigalugit ingerlataminik pitsanngorsaavoq.

 

Tamaammat Investment Mananer-imik soqutiginnittumik pikkorissumillu Investment Manager-it allat marluk pirotaanerlu peqatigalugit Kalaallit Nunaanni anngaasaliisarnermik siuariartornermillu annertusaaqataasussamik pissarsiorpugut.

 

 

Tunuliaquterput

Greenland Venture suliffeqarf aningaasaliisartuuvoq ineriartortitsinissamut periarfissarissaartoq suliniutinullu siuariartornissamut niuerfinnillu nutaanik pilersitsinissamut periarfissaqartunut aningaasalersuisartoq.

 

Sukkasuumik ineriartorpugut, ilaatigut Vækstfonden suleqatigalugu, tassani Kalaallit Nunaanni inuussutissarsiornerup ineriartornera annertusarniarlugu 220 mio. kr. uagutsinnut atugassanngortinneqarnikuullutik.

 

Tassunga peqatigitilllug suliffeqarfiit aningaasalersukkagut aningaasaliiffigisagulluunniit qanimut attaveqarfigalugit anguniagaqarluta sulivugut.

 

Tamakku ulapitsippaatigut – maannakkullu suleqammut nutaamut tunniusimasumut piginnaasalimmullu Kalaallit Nunaannut piffissami isumalluarfiunerpaasumi soqutiginarnerpaasumilu inuussutissarsiornermut sunneeqataasinnaasumut inissaqartitsilerlutik.

 

 

Suliassat pingaarnerit

Suliniut aningaasaliiffissarluunniit nutaaq pillugu saaffiginninnermit isumassarsiamillu nutaamit nalilersuillutit, periarfissanik, aningaasaliissuteqarnissamut periarfissanik, ajutoorfiusinnaasunik nalilersuinermik isumaqatigiinniarnermik aningaasaliinissamut allatulluunniit aningaasaliissuteqarnissamik inaarutaasumik isumaqatigiissuteqarnissamut suliaqartassaatit akisussaallutillu.

 

Aningaasaliissuteqarnissaq inissereerpat suliniut iluatitsiviutinniarlugu ingerlaavartumik atassuteqartarlutit tapersiisarlutillu – suliffeqarfinnit arlalippassuartigullu siulersuisuni ilaasortanit isumasiueqatigineqartartutut.

 

Suliami aamma ilaapput suliffeqarfinnut siuariartornissamut, ineriartornissamut, kinguaariit nikinnissaannik il. il. aningaasaliiffigineqarnissamik aningaasalersorneqarnissamilluunniit pisariaqartitsisinnaasunut saaffiginnilluni attaveqartarneq kiisalu Greenland Venture-p aningaasatigut suleqatigisaanut ingerlatsisunullu allanut suliffeqarfinnut taakkulu ineriartortitsinissaannut pingaaruteqartunut attaveqartarneq: siunnersortit, eqqartuussissuserisut, kukkunersiuisut, oqartussat kattuffiillu.

 

 

Illit pillutit ilimagisagut

Ilimagaarput aningaasaqarnermik suliffeqarfinnillu ingerlatsinermik misilittagaqarluassasutit. Suliffeqarfinnit aningaasaliisartunit, kukkunersiuisarnermik siunnersuisarnermilluunniit tunuliaquteqarnersutit suliffeqarfiulluunniit aningaasaqarneranik akisussaasuusimanersutit pingaaruteqanngilaq:

 

Akerlianik ilimagaarput suliffeqarfinnik suliniutinilu periarfissanik niuernerillu imminnut nappassinnaanerannik nalilersuilluaqqissaarisinnaassusseqassasutit, periusissiallu sammivii ilisimassagitit immikkoortualuillu paasisinnaassagitit.

 

Isumasiueqatigilluarsinnaaneqassaatit, suliffeqarfiit piginnittuinut aqutsisuinillu toqqaannartumik ersarissumillu oqaloqateqartarsinnaassaatit, nutaanik eqqarsalernissamut isumassarsiortitsisinnaassatit, anguniagaqartuussaatit suliffeqarfiillu isumassarsiaat piviusunngortissinnaallugit.

 

Sapinngisamik marlunnik oqaaseqatartuussaatit, kalaallisut/danskisut, piumasaqaataavarlu Kalaallit Nunaanni inuussutissarsiornermik inuiaqatigiinnillu ilisimasaqassasutit.

 

Assigiinngitsorpassuarnik ataatsikkut suliaqarlutit nammineerlutit sulisinnaassaatit – Kalaallit Nunaanni avataanullu angalasarnissanut piareersimassaatit, ilaatigut siulersuisut ataatsimiinnerannut aamma suliffeqarfinni taakkulu suleqatigisaanni nangitseqqiillutit.

 

Neqeroorutigaagut

Greenland Venture-mi atorfiit ilusilersuiffeqatigissavat – suliffeqarfik mikisuuvugut aalajangiisartunut qanittuulluta.

 

Inuussutissarsiornerup ineriartornerani piffissami pingaaruteqartumi Kalaallit Nunaannut sunneeqataassaatit isumaqarluartumillu suliffeqassallutit.

 

Soraarnerussutisiaqalernissamut aaqqissuussineq ilanngullugu aningaasarsiarissaassaatit, Codan Care-p aaqqissuussineranut ilaasaatit ukiumoortumillu sulinngiffeqannginninni akiliunneqarlutit angalasassaatit; atorfimmut atasumik inissaqartitsisoqassanngilaq.

 

Ulluinnarni sulinerput pingaartorsiorfiunngilaq, nuannersumik suliffimmi avatangiiseqarpugut – Nuup qeqqani avatangiiserissaarfiusumi: Greenland Venture-p suliffeqarfik piginnittorput Greenland Holding aamma suliffeqarfeqaterput Greenland Business illoqatigai. Inuit katillugit arfineq pingasuupput, ikioqatigiinnissamut inissaqartitsilluni ulluinnarni sulinermi savitutitsisunik, ilisimasaminnik avitseqatigiittartunik nuannersumillu peqatigiitsitsisartunik.

 

 

Paasissutissat annertunerusut

Qinnuteqarnissamut killigititaasoq 23. september. Apeqqutissaqaruit pisortaaneq Karsten Høy tatigeqatigiillusi attaveqarfigisinnaavat, mail: karsten@greenlandholding.com oqarasuaat +299 55 82 97

 

Qinnuteqaatit Karsten Høy-mut nassiunneqassapput uunga karsten@greenlandholding.com