Skip to main content
94

Dette jobopslag er udløbet

Greenland Oil Spill Response A/S-imi pisortaq

Kalaallit Nunaanni uuliamik mingutsitsinissamut upalungaarsimasut aqussavigit ineriartorteqqillugillu – kiisalu 60´N avannaani uuliakoornernut upalungaarsimanermut ingerlatseqatigiiffimmik siuttuusumik pilersitsissavit

Greenland Oil Spill Response A/S-ip pingaarnertut siunertaraa uuliamik mingutsitsinermut upalungaarsimaneq, uuliamik mingutitsinermik akiuiniarneq, uuliamik mingutsitsinerup kingorna avatangiisini saliineq aammalu Kalaallit Nunaanni aatsitassanut suliassaqarfiup iluani suliassanik taakkununnga assingusunik allanik suliaqarneq pillugit suliaqarnernik ingerlatsinissaq.

GOSR A/S-imi pisortaanertut siulersuisut ataaniissaatit.

Akisussaaffeqarfiit pingaarnerit:

  • Sullitanut pilersuisunullu neqerooruteqarnernut atatillugu isumaqatiginninniarneq
  • Ingerlatseqatigiiffimmi ingerlatsinerup pitsanngorsarneqarnera
  • Ingerlatsinerit ingerlareersut ineriartorteqqinneqarnerat
  • Niuerfimmi pisunik ingerlaavartumik malinnaaneq, ilanngullugit attaveqarfinnik samminninneq aammalu sullitat, pilersuisut aamma najukkami innuttaasut akornanni ataqatigiissitsisuuneq
  • Illoqarfinni periusissatigut pingaaruteqartuni ingerlasussanik piareersaarnernut pilersaarusiorneq aamma toqqorsivinnik ingerlatsineq
  • Ingerlatsinermut atortunik aamma uuliamik mingutsitsinermut atortunik pisiniarnermut taarsiisarnermullu teknikkikkut akisussaasuuneq
  • Suliniutini nutaani peqataaneq, taamaattumik angalasarnissaq naatsorsuutigineqartariaqarpoq

GOSR A/S-ip suleqatigisartagai pingaaruteqartut, Aatsitassanut Ikummatissanullu Pisortaqarfiup saniatigut tassaapput upalungaarsimarnermut komite-mi ilaasortat, upalungaarsimanermut ataatsimiititaliaq, upalungaarsimanermut pisortat kiisalu illersornissaqarfik aamma Kalaallit Nunaanni aatsitassarsiornermik inuussutissarsiuteqartut.

Ilinniagaqarsimanikkut piukkunnassutsit:

  • Ilinniagaqarsimanikkut tunuliaqutatit arlalinnik aallaaveqarsinnaapput, kisianni atituumik aqutsisutut aammalu niuernermik tunngaveqartunut ilinniagaqarsimasutit naatsorsuutigaarput, pitsaassalluni upalungaarsimanerup iluani upalungaarsimanermut inspektøritut/pisortatut assigisaattulluunniit.
  • Aatsitassarsiornermik inuussutissarsiornerup iluani misilittagaqarneq
  • Oqaatsitigut kalaallisut aamma tuluttut/danskisut allattariarsornermi oqaluinnarnermilu teknikkikkut qaffasissumik oqaaseqatigiiliorluarsinnaaneq piumasaqaatigineqarpoq.


Inuttut piginnaasaqarfiit:

Inuttut ataqqinassuseqarlutit angusaqarsinnaassuseqarlutillu pisortaanissat, iluatsitsilluarnissamut periarfissaqarnermut aalajangiisuulluinnartumik pingaaruteqarpoq. Siuttuunissaq piginnaaneqarfigissavat piumassuseqarfigissallugulu, aammalu sullivimmi pisariaqartumik periarfissaqartitsissallutit – kiisalu minnerunngitsumik pitsaasumik persiusissatigut paasisimaarinninnerup attatiinnarsinnaanissaa siunertaralugu suliakkersuinissaq piumassuseqarfigissallugu.
Naggataatigut – kisianni minnerunngitsumik – pisortaq nutaaq siulersuisut aamma suleqatigisartakkat allat suleqatigineranni annertuumik aalajaatsuussaaq tutsuiginassuseqassallunilu.

Greenland Oil Spill Response A/S qanoq ilinnut neqerooruteqarsinnaava?

Pissanganartunik unammillernartunillu suliassaqarluni ulluinnaat tamatigoortut qilanaarisinnaanerisa saniatigut, suliffeqarfimmi Kalaallit Nunaannut aammalu sumiiffinnut issittumiittunut tamaginnut annertoorujussuarmik pingaaruteqalertussami, inuttut suliatigullu ineriartornissamut periarfissaqassaatit.

Atorfimmut Piumasaqaatit & Atorfiup nassuiaatai suliarineqarput, piniarneqarsinnaalluni uani hr@jobbest.dk

Qinnuteqaat aamma attaveqarfissaq
Qinnuteqaat aamma CV uunga hr@jobbest.dk kingusinnerpaamik ulloq 18. oktober 2020 nassiunneqassaaq
Paasissutissanik annertunerusunik piniarnermi attaveqarfigineqassaaq siunnersorti Søren Pedersen +45 51 50 78 63

Sapaatit akunneranni 42-imi oqaloqateqarnerit ingerlatissavagut aammalu 1. december atorfinittoqassasoq naatsorsuutigaarput