Skip to main content
92

Dette jobopslag er udløbet

Illit tassaavit atuisutsinnut siunnersortissarput?

Nutaanik pissanganartunik misigisaqarusukkuit GrønlandsBANKEN-imut qinnuteqarit

Ulapippugut taamaattumillu Nuummi allaffeqarfissuarmi immikkoortortatsinnut annerpaajusumut atuisutsinnik siunnersortaasinnaasunik tunniusimasunik sullissillaqqissunillu arlalinnik pissarsiorpugut. Immikkoortortami siunnersortit suleqatigiit pingasunik agguarneqarnikuupput, tassanilu

Suliatit pingaarnerit ukuussapput:
• Atuisunik siunnersortagassannik nammineq peqassaatit namminerlu taakku ineriartortillugillu ataavartissavatit
• Annermik illusinermi, biilisinermi aamma umiatsiarsinermilu aningaasaliinissamut siunnersuisarlutit taavalu soraarnermusiassanik ileqqaagaqarnissamut, sillimmasernissamullu siunnersuisarlutit
• Pisisartussarsiornermi peqataaneq sammisassanillu nutaanik aallartisaaneq
• Aningaaseriviup CSR-imut tunngatillugu suliaanut peqataaneq

 

Naatsorsuutigaarput:
• Bankimut tunngasumik tulluartumik ilinniagaqarsimasutit atuisunillu siunnersuinermik misilittagaqarluartutit 
• Tunniusimasuusutit suleqatigiinnullu ilaanissat nuannarigit 
• Tulleriiaarillaqqissuusutit peqqissaartuusutillu
• Qiimasuusutit aamma ineriartornissat sullitavillu ineriartornissaat kissaatigigitit
• Paasisinnaagit suliatit Kalaallit Nunaannut iluaqutaasussaasariaqartut.

 

Tunniussinnaasagut
Aningaaserivimmi ingerlalluartumi atorfik pilerinartoq akissarsiagissaarfiusorlu, inuttut suliatigullu ineriartornissamut periarfissaqarluartoq. GrønlandsBANKEN suliffeqarfiuvoq pingaartorsiorfiunngitsoq naleqartitatsinnik tunngavilik; tunniusimasut – peqqissaartut – sullitaminnik pingaartitsisut ineriartorusussuseqartullu. Maani pimoorussilluinnartunik suleqateqassaatit kiisalu ulluinnarni nammineq suliassannut annertuumik sunniuteqartarlutit.

Atugassarititaasut
Sulisitsisut Finansforbundillu akornanni isumaqatigiissut tunngavigalugu atorfinitsitsisoqassaaq. Banki inissaateqarpoq attartorneqarsinnaasumik sulilernermullu atatillugu angalanissaq pisattallu nuunnissaat isumagineqarsinnaapput.

Qinnuteqaat
Atorfimmut tunngatillugu apeqqutissaqaruit immikkoortortami pisortaq Malene Christensen +299 347766/mc@banken.gl saaffigisinnaavat. Qinnuteqarnermi apeqqutinullu tamanut tunnganerusunut HR-chef Patricia Lund Olsen saaffigisinnaavat +299 347804/ plo@banken.gl. Piaartumik atorfinitsitserusuppugut qinnuteqaatillu ataavartumik suliarisarpavut.

Tusarfiginissat qilanaaraarput!