Skip to main content
144

Dette jobopslag er udløbet

GrønlandsBANKEN-imi Inuussutissarsiornermi siunnersortitaassaraatsigit?

Suliffiup tungaatigut unammillernartunut annertuunut misigisassanullu nutaanut piareersimaguit, taava pissanganartumik atorfimmik piareersimasoqarpugut. GrønlandsBANKEN-imi Nuummi qullersaqarfimmi Inuussutissarsiornermi immikkoortortaq sukkasuumik suli ineriartorpoq. Taamaattumik Inuussutissarsiornermi siunnersortimik, naligiilluni inuussutissarsiornermi siunnersuinermik nalilimmik pilersitsisinnaasumik ujaasivugut.

Sullitanut immikkut ittumik misigisaqartitsisaruit ujarpatsigit. Isumaqarpugut, suleqatigiinnermut naleqartumik pilersitsiffiusumut siunnersortip sullitallu akornanni ataqatigiinneq tunngavissaasoq.

Aaqqissuussamik siunnersuinermut, tuniniaanermut sullissinermullu professionalimik suleriuseqarnikkut inuussutissarsiornermi sullitatsinnut nalimik pilersitsinermik qulakkeerinninnissaq siunertaralugu sulineq iluatsilluassavat.

Makku suliarisassavatit:
·       Suliffeqarfinnik annerusunik, akunnattumik angissusilinnik minnerusunillu siunnersuineq kiisalu sullitanik ineriartortitsineq
·       Ujartuilluni tuniniaanermi kiisalu suliniutinik nutaanik aallartisaanermi peqataaneq
·       Najukkami inuussutissarsiornermi ineriartornermik ajornaallisaaneq, tassani aningaaserivik inuiaqatigiinni pingaarutilittut qitiusumik pisinnaasaqarpoq
·       Nammineq ullormut suliffigisamut annertuumik sunniuteqarneq

Naatsorsuutigaarput, illit:
·       Aningaaserinermut tunngasumik ilinniagaqartutit, HD-qaruit pitsaassaaq
·       Siunnersuinermik kiisalu inuussutissarsiornermi sulianik suliaqarnermik misilittagaqartutit. Inuussutissarsiornermi siunnersortitut misilittagaqanngikkuit, piginnaasatilli ineriartortikkusullugit anguniagaqaruit, atorfik ineriartorfiusinnaasutut aamma periarfissaavoq
·       Aaqqiissutit pitsaanerpaat ataatsimoorullugit pilersinneqartartut isumaqartutit
·       Nammineersinnaalluartutit annertuumillu akisussaassuseqartutit
·       Ineriartornermik pilersitsineq kajumigigit

 

Neqeroorutigaarput
Aningaaserivimmi qajannaatsumi inuttut suliatigullu ineriartornissamut pitsaasumik periarfissaqartumi atorfik pilerinartoq.

GrønlandsBANKEN suliffeqarfiuvoq pingaartorsiorfiunngitsoq, pingaartitatsinni aallaaveqartoq; tunniusimaneq – peqqissaartuuneq – sullitanik pingaartitsineq aamma ineriartortitsinermik pingaartitsineq.

Inuussutissarsiornermi immikkoortortami 15-inik pitsaalluinnartunik, qiimasunik, ataatsimoortunik, annertuumik sammisaqartartunik pitsaasumillu inerneqartitsisartunik suleqatitaassaatit.

Inuussutissarsiornermi pisortaq toqqaannartumik ittorissavat.

Sulisitsisut aamma Finansforbundet akornanni isumaqatigiissut naapertorlugu atorfinitsitsisoqassaaq. Aningaaseriviup inissaq neqeroorutigisinnaavaa malittarisassat Namminersorlutik Oqartussat aalajangigaat atuuttut naapertorlugit. Atorfinitsinneqarnermi atugassarititaasut allat, malittarisassat atuuttut malillugit matuma ataani atorfininnermi angalaneq aamma pequtit assartorneri. Minnerpaamik ukiuni 3-ni atorfeqartitsinissaq anguniarneqarpoq. Atorfinitsitsineq sapinngisamik piaarnerpaamik pissasoq kissaatigineqarpoq.

Soqutiginnippit?
Atorfik pillugu apeqqutissaqaruit, Flies HR-imi Suleqat Dorthe Flies attaviginissaanut tikilluaqqusaavutit uunga mobil +299 583117 imaluunniit dorthe@flieshr.dk.

Flies HR-ip atorfinitsitsiniarneq suliaraa, taamaattumik saaffiginnissutit tamarmik tassunga saaffiginnissutigineqassasut qinnuigaatsigit. Ingerlaavartumik atorfinittussatut qinnuteqartunik oqaloqatiginninnissamut aggersaasassaagut.

Atorfik pillugu allanik apeqqutissaqaruit, Inuussutissarsiornermut pisortaq Søren Stenberg attaviginissaanut tikilluaqqusaavutit uunga ss@banken.gl.

Tusarfiginissaq qilanaaralugu.

Grønlandsbanken

 

GrønlandsBANKEN pillugu paasissutissat annertunerusut uani nassaarisinnaavatit www.banken.gl.