Atorfimmut nutaatut pilersinneqartumut aningaaseriviup Nuummi qullersaqarfianut Dataanalytikerimik pikkorissumik ineriartortitsinissamullu piareersimasumik pissarsiorpugut.  

Aningaaserivik Paasissutissat aamma Misissuisarneq pillugu suleqatigiinnut ilaasussamik analytikerimik pikkorissumik, immikkoortortamik ineriartortitseqataasussamik ujaasivoq. Suleqatigiit nutaajupput, aningaaseriviup paasissutissanik silarsuaq nutaaliaq pilersinnissaa kissaatigaa, tassani paasissutissat aningaaserivimmi tamarmiilissallutik. Suliffik aamma taamaattumik nammineq inuttut ineriartornermut aamma aningaaseriviup suliassaqarfimmi ineriartorneranut sunniuteqarfiussaaq.

 

GrønlandsBANKEN datacentralimut BEC Financial Technologies ilaavoq, aningaaseriviup IT-ata aaqqissuunneqarneranut tunngaviusumut.

 

Suleqatigiinni katitigaasuni pingasuni ilaassaatit. Suleqatitit qanimut suleqatigineratigut ilaatigut makku suliarisassavatit:

• Paasissutissanik programmiliuussineq piareersaanerlu
• Aalajangiinernik paasissutissanik ingerlanneqartunik pilersitsinermut peqataaneq
• BI-mi paasissutissanik sananeq takussutissiornerlu
• Paasissutissat pillugit suliassaqarfimmi malittarisassanik aamma uppernarsaatinik sananeq, qulakkeerinninneq ineriartortitseqataanerlu
• Misissuinerni ilutsinik paasissutissanik ingerlanneqartunik tunngaveqartuni ilaatigut Excel-ikkut peqataaneq 
• Suleqatigiit suliassaannut allanut ilaaneq, matuma ataani oqartussaasunut nalunaarutiginninnernut, nakkutilliinernut il.il.

 

Naatsorsuutigaarput attuumassuteqartumik tunuliaqutaqartutit aamma:

• Paasissutissat pillugit suleqatigiinnik katitigaasumik ineriartortitseqataarusuttutit
• Kisitsisit pillugit paasisimasaqarluartoq misissuisinnaasorlu
• Programmiliornermik misilittagaqartutut, kiisalu paasissutissanik amerlasuunik isiginnissinnaasutit
• Suliavit pitsaassuaanik qulakkeerinninneq ukkatarisarit
• Suliavit niuernermi immikkoortortai paasisinnaagitit kiisalu pisariaqartitat iluarsiinernut nutsersinnaagitit
• Namminersorlutit sulisinnaasutit inerniliisarnerlu pingaartikkit

Neqeroorutigaarput:

• Aningaaserivimmi qajannaatsumi suliffik pissanganartoq
• Inuussutissarsiorfimmi annertunerujartortumik inatsisitigut piumasaqaatitaqartumi katitigaanerujartortumilu suliassat unammillernartut
• Suliffik ammasoq pingaartorsiorfiunngitsorlu, pingaartitatsinni aallaaveqartoq: tunniusimaneq, peqqissaartuuneq ineriartortitsinermik pingaartitsineq aamma sullitanik pingaartitsineq
• Aningaaseriviup systemiini pisarialimmik ilinniartitsineq
• Atorfininnermi atugarisat aamma sulisunut ajunngitsorsiat pilerinartut

 

Atorfinitsitsineq Sulisitsisut aamma Finansforbundet akornanni isumaqatigiissut naapertorlugu pissaaq. Aningaaserivik inatsisit atuuttut naapertorlugit Nuummi inissamik atukkiisinnaavoq, tassani malittarisassat Namminersorlutik Oqartussat aalajangiussai naapertorlugit inigisamut akiliisoqartassaaq. Atorfininnermi atugarisat allat, matuma ataani atorfininnermi Nuummut angalaneq pisattat assartornerat malittarisassat atuuttut malillugit pissapput.

Atorfiup sapinngisamik erngertumik inuttalernissaa kissaatigaarput, ingerlaavartumillu oqaloqateqarnerit ingerlattassallutigit.

Qinnuteqaat apeqqutillu nalinginnaanerusut pillugit HR-imi pisortaq attavigineqarsinnaavoq Patricia Lund Olsen uunga plo@banken.gl / +299347804. Atorfik pillugu paasisaqarnerorusukkuit Naatsorsuinermi pisortaq Jesper Hansen jha@banken.gl / +299347838 imaluunniit Akiliisitsiniartarfimmi pisortaq Thomas L. Andersen tla@banken.gl / +299347769 attavigisinnaavatit.