Skip to main content
152

Dette jobopslag er udløbet

Atuisunut ikiortissaraatsigit?

Taava Kalaallit Nunaata Tamarmi Aningaaseriviata Ilulissani immikkoortortaqarfitsinnut suliffissaqartippatsigit

Sulisutta ilaat nutaanik unammillernartunik ujaasisimavoq, taamaattumik atuisunut ikiortimik nutaamik sapinngisamik piaarnerpaamik atorfinittussamik ujaasivugut.

Sulisut arfineq pingasut, ulluinnarni sullitatsinnut sullissinermik siunnersuinermillu akisussaaffeqartut akornanniissaatit.

Pingaarnertut suliassaraat aningaaseriviup sullitaanik karsimi sullissineq, uippakajaarnak ulapaarneq nuannarisarivat. Aamma piareersimaffigaat, suleqativit ilaattut, aningaaserivimmi suliassat allat immikkoortumi suliarineqartartut peqataaffiginissaat akisussaaqataaffiginissaallu.

Aningaaserivimmi suleriaaserput pingaartitatsinnik sisamanik tunngaveqarpoq; tunniusimaneq - sullitanik pingaartitsineq - peqqissaarneq - ineriartornissamut pingaartitsineq.

Taamaattumik pingaartipparput illit:

  • Sullissinermik nuannarisaqartutit ammasuullutillu
  • Kisitsisit atorlugit sulineq sungiusimagit
  • Kalaallisut/qallunaatut oqaaseqartuusutit
  • Torersumik peqqissaartumillu suleriaaseqartutit
  • Inussiarnersuusutit suleqatikkuminartuullutillu
  • Aalaajaatsuusutit

Allaffimmiutut ilinniakkamik tunuliaqutaruit pitsaassaaq.

Atorfik sulisuminut pitsaasumik atugassaqartitsisoq kiisalu Kalaallit Nunaanni Sulisitsisut Peqatigiiffiata kiisalu Finansforbundip akornanni isumaqatigiissut naapertorlugu atorfeqarneq neqeroorutigaarput. Uagut pilluta www.banken.gl-imi paasisaqarnerusinnaavutit.

Atorfik pillugu paasissutissanik annertunerusunik pissarsisinnaavutit uunga attaveqarnikkut: Olav Hansen +299 94 70 82 imal. oh@banken.gl.

Qinnuteqaat HR-imi pisortamut nassiunneqassaaq: Patricia Lund Olsen, plo@banken.gl sapinngisamik piaarnerpaamik.

Tusarfiginissat qilanaaraarput.