Skip to main content
76

Dette jobopslag er udløbet

Kalaallit Nunaata Politiivi angallatissatsinni nutaassani aquttussanik pissarsiorpoq

Kalaallit Nunaata Politiivi Qaqortumi, Nuummi, Sisimiuni, Aasianni Tasiilamilu politeeqarfitsinni sulisussanik kajumissuseqartunik pikkorissunillu, politeeqarfinni ataasiakkaani sulisussanik, aammali Kalaallit Nunaata politiivisa angallatissaanni nutaassani aquttuusinnaasunik, pissarsiorpoq.

 

Ilimagineqarpoq sulinerup 2/3-iata missaa nunami atorneqartarnissaa, sulinerullu 1/3-iata missaa angallatinut atorneqartarnissaa.

 

Suliffeqarfiuvugut pissanganartoq unammilligassanik nutaanik nalaataqartuaannarluta, suliffimmi avatangiisit pitsaasut, pikkorissuseq, tatiginassuseq piffissamillu eqqorluaaneq pingaartilluinnagaralutigit. Aammattaaq ataqatigiilluarneq inuttut siuariartornissamut periarfissiisoq neqeroorutigaarput.

 

Suliaq pillugu:
Ulluinnarni suliffissaq aallaavittut sumiiffigisami politeeqarfiussaaq ulluinnarni annermik allaffissornikkut suliassaassallutik, ilaatigut

  • Allagartanik uppernarsaasiissutinik nalunaarutiginninnerit
  • Oqaluttaaneq/nutserineq kopeerinerlu
  • Allakkanik angallassineq, ilaatigut allakkanik poortuineq frimærkelersuinerlu
  • Suliassat akunnaatsut, ilaatigut atortunik nalunaarsuineq kisitsinerlu, allaffimmi atortunik ilioraaneq il.il. kiisalu iluarsaassineq.
  • Utaqqiisaarummik suliassat

 

Tamakku saniatigut suleqatitaassatta politiit angallatissaat nutaat politiinut suliassanut atorneqartussanngoraangata aquttassavaat, ilaatigut makkuussallutik

  • Suliffimmut atatillugu sungiusaatigalugu eqqariarnernut, ikiuukkiartorluni suliartornerni, takusaanerni, atortunik nutsiterinermi, suliffeqarfiup sungiusarnerani aammalu politiit suliaqarneranni sulisunik angallassinerit
  • Nunaqarfinnut suliartornernut atatillugu allaffissornikkut politiillu suliassaqartillugit suliarinninnermut ilaatillugu
  • SARimut (ujaasineq annaassiniarnerlu) aammalu pisunut politiit akulerunnissaat pisariaqartillugu ornigunnernut atatillugu
  • Angallatit aserfallatsaalineqarnerannut peqataaneq

 

Illit pillutit:
Sulisut uku ujartorpagut

  • Pimoorussisut
  • Ullunut suliffiusunut aammalu suliat assigiinngisaannarnerannut kajumittut
  • Allannguutinut piareersimasut
  • Sulinermik misilittagallit, ajornanngippallu angallammi atorfeqarsimasut

 

Naatsorsuutigaarput pingaartitagut illittaaq pingaartikkitit, aammalu ataatsimut toqqissisimatitsissasugut.

 

Qaqortumi, Nuummi, Sisimiuni Aasiannilu angallatissat marlunnik inuttalerneqassapput, taakkunanngalu ataaseq suliamut akisussaasutut toqqarneqassaaq. Tasiilami angallatissaq ataatsimik inuttalerneqassaaq. Sulilertussat tamarmik aquttuusinnaassapput, sapinngisamik uku piumasaqaatit pigissallugit:

 

  1. Imarsiortutut umiartornissamut, niuffagiutinut atuuttumik, angusisimasutut uppernarsaat
  2. GMDSS Radiocertifikateqarnermik uppernarsaat, minnerpaamik LRC (Long Range Certificate)
  3. Nakorsaataasivimmut B’mut angallammiittussamut passussisinnaanermut uppernarsaat
  4. Imarsiortunut aalisartunullu peqqissutsimut uppernarsaat

 

Sukumiinerusumik nalilersuereernerup kingorna Kalaallit Nunaata Politiivisa atorfininnissamut kingornalu ilinniagaqarnissamut neqeroorfigisinnaavaatsit, tak. piumasaqaatini pkt. 2 aammalu 3.

 

Aningaasarsiat atorfininissarlu:
Atorfinitsitsineq immikkut isumaqatigiissuteqarnikkut pissaaq. Ilinniakkatit, misilittakkatit pisinnaasatillu aallaavigalugit aningaasarsiat aalajangerneqassapput.

 

Suliffik aqqutigalugu inissarsisinnaajumaarputit, illillu nammineq aallarniutissaa, attartornera aningaasartuutaasussallu akilissavatit. Atorfinilluni angalanissamut kiisalu pigisat nassiunneqarnissaannut akiliussisoqassaaq maleruagassat atuuttuusut naapertorlugit. Angallatit angerlarsimaffigisassaanni (Qaqortumi, Nuummi, Sisimiuni, Aasianni imaluunniit Tasiilami) najugaqaruit utaqqiisaasumik inissaqartitsisoqassanngilaq.

 

Atorfinitsinneqarnissannut isumannaallissaanikkut akuerineqarsinnaanissat piumasaqaataavoq, taannalu atorfeqarnerit tamaat pigisariaqarpat.

 

Attavissaq qinnuteqarnissarlu:
Atorfiup imarisaa, atorfinitsitsineq allalluunniit pillugit apeqqutissaqaruit, politikommissær Carl Sværd +299 56 72 91-mut sianerfigalugu imaluunniit CSV002@politi.dk-mut allaffigalugu attaviginissaanut tikilluaqqusaavutit.

 

Politiit pillugit paasisaqarnerorusukkuit, nittartagarput www.politi.dk alakkarsinnaavat, tassanittaaq qinnuteqaatit nassiussinnaavat.

 

Politiini atorfimmut qinnuteqaruit, rekrutteringssystemitsinnut ilinnut ilisarnaammik sanassaatit. Politiini atorfinnut arlalinnut qinnuteqaruit, atorfinnut tamanut qinnuteqaat tunngavilersugaq aammalu CV ilanngullugit nassiutissavatit. Taamaattumik atorfimmut qinnuteqaqqikkuit uppernarsaatit siuliineersut piissanngilatit. Atorfimmut qinnutigisannut itigartinneqarsimaguit uppernarsaatit tassunga tunngasut aatsaat peersinnaavatit. Siunnersuutigissavarput uppernarsaatitit atilersussagitit, taamaalilluni takuneqarsinnaassammat atorfik suna qinnuteqarfiginerit. Qinnuteqaativit aammalu CV’t saniatigut ilinniarsimanermut uppernarsaativit nassiunnissaanut qinnuigissavatsigit. Uppernarsaatit tamaasa pdf-itut nassiutissavatit.

Suiaassuseq, ukiut, inuiaassuseq, upperisaq imaluunniit sumiuuneq apeqqutaatinnagit piukkunnaatillit tamaasa qinnuteqarnissaannut kaammattorpagut.

 

Qinnuteqaatip nassiunnissaanut 2. maaji 2021 killigitinneqarpoq.

 

Qinnuigissavatsigit qinnuteqaatinni illoqarfik sorleq (Qaqortoq, Nuuk, Sisimiut, Aasiaat aammalu Tasiilaq) aammalu suna (akisussaasutut sulisoq imaluunniit sulisoq) qinnuteqarfiginerlugu allaqqullugu.

 

 

KALAALLIT NUNAANNI POLITIIT
Ataatsimut toqqissisimatitsivugut

 

GRØNLANDS POLITI
Sammen skaber vi trygheden