Skip to main content
89

Dette jobopslag er udløbet

Allagarsiuteqqitaq – Politiit angallataat SISAK III aquttussarsiorpoq

Politiit angallataat SISAK III, Qaqortumi aallaaveqartoq, aquttussarsiorpoq 1. september 2019 imaluunniit sukumiinerusumik isumaqatigiissuteqarnikkut atorfinittussamik.

 

Aquttutut Bedstemanditut imarsiornermik inuussutissarsionermut imaluunniit aalisariutini Bedstemanditut uppernarsaammik atuuttuusumik peqassaatit.

 

Kystskipperitut imaluunniit 3. gradimik fiskeskipperitut imarsiornermik inuussutissarsiornermut uppernar-saammik peqaruit iluaqutaassaaq.

 

Tamakku saniatigut qinnuteqartoq ukununnga atuuttuusunik allagartaqassaaq/uppernarsaateqassaaq:

  • GMDSS Radiocertifikat LRC qaffasinnerluunniit
  • ARPA/ECDIS
  • Røgdykkeritut pikkorissarsimaneq
  • Imarsiortutut atuagaasap siornatigut suliffigisimasanik nutartersimasoq

 

Aquttup nutaassap atorfinitsinneqareeruni imarsiortunut peqqissutsimut uppernarsaatini (Blå bog) nutarter-sinnaajumaarpaa, qinnuteqartullu §16 pikkorissarfigisimanngippagu politiit iluanni ilinniartitaaneq aqqutigalu-gu pisinnaajumaarpaa.

 

Aningaasarsiaqartitsineq Finansministeriaqarfiup aammalu Atorfillit Kattuffiata (AK) akunnerminni ”Kalaallit Nunaanni naalagaaffiup ataani umiarsuit naalagaat aammalu aquttut pillugit isumaqatigiissutaat pillugu kaajallaasitaq 15. april 2009-meersoq ”naapertorlugu pissaaq. Aammattaaq isumaqatigiissut naapertorlugu tamakkiisumik isertitanut tapertatut umiarsuup naalagaa aquttualu tapisisarsinnaassapput, pineqartup immikkut piginnaasaqarfii taamak tunngavissaqartitsippata.

 

Atorfimmut inissaqartitsisoqarsinnaassaaq, tamatumunngalu malittarisassat atuuttuusut malillugit qularna-veeqqusiisoqarlunilu inigisamut akiliisoqartassaaq. Atorfinilluni angalanissamut kiisalu pigisat nassiunneqar-nissaannut akiliussisoqassaaq.

 

Qinnuteqartut marluinnik oqaasillit piumaneqarnerupput, piumasaqaataanngilarli.

 

Atorfiup imarisai pillugit paasissutissat sukumiinerusut aammalu atorfininnissamut piumasarineqartut allat politikommissær Carl Sværdip tlf. nr.: 365111-mut sianerfigineratigut imaluunniit mailikkut: GRL-OPA-OG-KRIMINALPRAEVENTIV-Stab@politi.dk -mut allalluni saaffiginninnikkut pissarsiarineqarsinnaapput.

 

Politiit pillugit paasisaqarnerorusukkuit nittartagarput www.politi.dk alakkarsinnaavat, tassanilu qinnuteqaatit aamma nassiussinnaavat. Ilinniarsimaninnut uppernarsaat, siornatigut suliffigisimasavit allattornerat aamma-lu uppernarsaatit tunngassuteqartut ilanngullugit nassiutissavatit.

 

Politiini atorfimmut qinnuteqaruit, rekrutteringssystemitsinni allassimalissaatit. Politiini atorfiit arlallit qinnute-qarfigigukkit, qinnuteqarfinnut tamanut itisilerlugu tunngavilersuut, CV aammalu ilinniarsimanermut uppernar-saatit nassiutissavatit. Uppernarsaativit atsertarnissai innersuussutigaarput, takuneqarsinnaaniassammat atorfik sorleq qinnuteqarfiginerit.

 

Qinnuteqarnissamut killigitinneqartoq: 31. juli 2019

 

 

KALAALLIT NUNAANNI POLITIIT
Ataatsimut toqqissisimatitsivugut

 

GRØNLANDS POLITI
Sammen skaber vi trygheden