Skip to main content
62

Dette jobopslag er udløbet

Pisortap tullia

Pisortap tullia Nunatta Katersugaasivianut Allagaateqarfianullu
 
Matumuuna Nunatta Katersugaasivia Allagaateqarfialu (NKA) pisortap tullissaanik septemberip aallaqqaataanit sulilersussamik pissarsiorpoq. Pisortap tullia suliffeqarfiup pisortaanut qanimut suleqataassaaq pisortarlu sinniisuussaaffigisassallugu taassuma peqanngittarfiini.
 
NKA marlunnik immikkoortortaqarpoq: Nunatta Katersugaasivia taavalu Nunatta Allagaateqarfia. Taakku tamarmik immikkut inatsisinik tunaartaqarput, suliassaallu inatsisinik 2015-ininngaanneersunik tunngavilersorneqarlutik. Tamatuma saniatigut NKA Nunatsinni eqqissisimatitsinermut kulturikkullu eriagisassanik tunngasunik pisortat tungaannut sullissisuuvoq aalajangiisartuullunilu, tassanilu suliassat aamma immikkut inatsimmik tunngaveqarput.
 
Pisortap tulliata pingaarnertut katersugaasiveqarnermut eqqissisimatitsinermullu tunngasut aallutissavai.
 
Katersugaasiveqarnermi immikkoortortaqarfimmi katersineq, nalunaarsuineq, uppernarsaatitalersuineq, aanaveersaaneq, inissiineq, ilisimatusarneq ineriartortitsinerlu suliaanut qitiupput, tassani kulturikkut oqaluttuarisaaneq, assaaneq, itsarnisarsiorneq, eqqumiitsuliornerup silarsuaa inuiaallu ileqqui oqaluttuassartaallu sammineqartarlutik. Katersugaasiveqarnermi immikkoortortap taamattaaq nunami immamilu nassaanik itsarnitsanik aallussineq allaffissornertaalu akisussaaffigaa, tassunga ilaallutik illut eqqissisimatitat taavalu nunaminertat eqqissisimatitat.
 
Katersugaasiveqarnermi suliassani pingaarnerni akisussaaffiit pisortap pisortallu tulliata isumaqatigiissuteqarnermikkut iluminni agguataassavaat.
 
Pisortap tullia missingersuusiornerni suliassallu aaqqissuunnerini peqataasassaaq. Taamatuttaaq allaffissorluni isumaqatigiissusiortarnerit ingerlattassavai. Akisussaaffinnut ilaapput angalanerni atortut, atugaatit saaffiginnissutillu agguataartarnissaat.
 
NKA-mi sulisut ilinniagartuut ilisimatusarneq saqqummiisarnerlu suliassaraat, taamatullu ilisimatuut nunap avataaniittut qanimut suleqatigisarlugit, suleqatigiinneq ineriartortittuartussaallugu. Pisortap tullia aamma nammineq ilisimatusaateqarluni suliaqarnissaa piumasaqaatigineqassaaq.
 
Pisortamut tullinngortussaq itsarnisarsiuutut Ph.D-mik qaffasissusilimmik ilinniagaqarsimasuussaaq.
 
Akissarsianut sulinermullu allatigut atugassiarititaasut Naalakkersuisut Dansk Magisterforeningillu isumaqatigiissutaat malillugit atugassaqartinneqassaaq. 
 
Atorfik pillugu annertunerusumik paasissutissat pisortamut Daniel Thorleifsenimut paasiniarneqarsinnaapput e-mail una aqqutigalugu: daniel@natmus.gl, imaluunniiit oqarasuaatikkut 32 2611-imut saaffiginnilluni.
 
Qinnuteqaat kingusinnerpaamik 13. august 2018 nassiunneqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
Qinnuteqaat ilinniarsimanermik uppernarsaatitalik sumilu sulisimanermi uppernarsaasersugaq uunga nassiunneqassaaq:
 
Nunatta Katersugaasivia Allagaateqarfialu
Postboks 145 – 3900 Nuuk
Att. Daniel Thorleifsen
E-mail: daniel@natmus.gl

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk