Skip to main content
106

Nunatta Eqqartuussisuuneqarfia kiffartuussisartumik sulisussarsiorpoq

Nunatta Eqqartuussisuuneqarfia kiffartuussisartumik pikkorissumik pissarsiorpoq, aamma retsbetjentitut saaffiginnittarfimmiutullu sulisartussamik. Assigiinngitsunik suliaqarusukkuit aamma innuttaasut eqqartuussisuuneqarfimmilu sulisut ajunngitsumik pitsaasumillu misigisaqartikkusukkukkit atorfik sapinngisamik piaartumik inuttassarsiuunneqarpoq.

 

Nunatta Eqqartuussisuuneqarfiani sulisut tallimat suleqatigilissavatit, taakkualu eqqartuussisuuneqarfimmik atuisunik sulisunillu kiffartuusseqatigiinnissaq suliassaraat. Taamaalillutit eqqartuussiveqarfimmiittunut illoqarfimmiunullu attaveqartartorujussuussaatit.

 

Suliassat

Eqqartuussisuuneqarfik sinnerlugu avammut kiinnertarneq pingaarnermik suliassarissavat kiisalu kiffartuussinikkut suliassat assigiinngitsunik isumagisassavatit, ilaatigut makku:

 

  • Innuttaasut takkullutik oqarasuaatikkullu saaffiginnissutaat
  • Eqqartuussivinnik ataatsimiittarfinnillu upalungaarsimatitsineq, aamma kiffartuussineq
  • Allakkanik aallerneq, pisiniarneq il.il..
  • Suliassat takkussortut

 

Suleqatitaavit ilinniartillutillu ikorfartussavaatsit.

 

Pisinnaasat

 

  • Namminersorsinnaasoq
  • Sullissilluarusussusilik
  • Nuannaartoq inussiarnersorlu
  • Ulapaarfiusuni paatsiveeruttanngitsoq
  • Tamatigoortoq suleqatikkuminartorlu
  • Marluinnik oqaasilik

 

Ulloq naallugu suliffiuvoq, kisianni sivikinnerusumik sulerusukkaanni periarfissaqarpoq.

 

Akissarsiat- atorfinitsitaanermilu atugassaritaasut

Atorfinitsitsisoqassaaq Finansministeriap SIK-llu akornanni isumaqatigiissut naleqquttoq malillugu.

 

Inissaqartitsisoqarsinnaavoq, malittarisassat atuuttut malillugit akilersorneqartartussamik.

 

Atorfik pillugu paasissutissat amerlanerit piniarneqarsinnaapput sianerfigalugu allaffimmi pisortaq Kristine Alaufesen, oqarasuaat 36 39 11.

 

Qinnuteqaat

Qinnuteqaatit, ilanngullugit siusinnerusukkut suliffigisarsimasat pillugit paasissutissat (CV), ilinniagaqarsimanermut, misilitsissimanermut uppernarsaatit pappiaqqallu allat pingaarutillit, eqqartuussisuuneqarfimmut nassiunneqarsimassapput kingusinnerpaamik tallimanngorneq 27. september 2019.

 

Qinnuteqaat nassiunneqassaaq uunga:

 

Nunatta Eqqartuussisuuneqarfia
Postboks 1040
3900 Nuuk
imaluunniit
post.landsret@domstol.gl