Skip to main content
110

Dette jobopslag er udløbet

Pisortaq

Kalaallit Nunaanni Timersoqatigiit Kattuffianni/GIF-imi nunatta nunarsuarmi timimik aalatitsinerpaaffiunissaanik takorluugaasoq aallaavigalugu aqutsisussamik, Kalallit Nunaanni timersornermik ineriartortitsinissamik soqutiginnilluinnartumik, pissarsiorneq.

Kalaallit Nunaanni Timersoqatigiit Kattuffiat pillugu

Kalaallit Nunaanni Timersoqatigiit Kattuffiat Kalaallit Nunaanni timersornerup maannamit pitsaanerusunik sinaakkutissaqartinneqarnissaa angujumallugu ukiuni aggersuni soqutiginarluinnartunik unammiugassaqarpoq.  

Atorfik pillugu

Generalsekretæritut GIF-p allattoqarfiata ingerlannissaa pingaarnertut akisussaaffigissaaq

Aammalu akisussaaffigissavatit, suleqatinik suleqateqarluarnissaq, isumannaarniarlugit GIF-imit siunniussat pilersaarutillu ingerlateqqinneqarlutillu timitalertarsornissaat.

Akisussaaffigisassat pingaarnerit

1. Ulluinnarni GIF-imik aqutsineq

  • Aningaaasaqarnermik aqutsineq
  • Periusissiornernik aqutsineq
  • Aaqqissuussaanermut tunngasunik ineriartortitsillunilu nutarterinerit

 

2. Timersornermut sinaakkutissiat nukittorsarnissaat

  • Nuna tamakkerlugu timersornermut politikkiliuussinissaq
  • Pilersaarutinik ingelanneqartunillu malersueqqittarneq
  • Pitsaasunik suleqateqarnissanik pilersitsinissaq

 

3. Ineriartortitsineq

  • Immineq kajumissutsimik sulerusunnermik nukittorsaaneq
  • Atortussanik pingaaruteqartunik isumannaarinnittarnissaq
  • Akimut ersittumik suleriuseqarnissaq

Ilinnit naatsorsuutigineqartut:

  • Aqutsinermik misilittagaqarneq
  • Aqutsinermik qaffasissumik qaffasiartumilluunniit ilinniagaqarsimaneq
  • Atorfimmut tulluuttunik ilinniaqqissimaneq
  • Katersuuffiusinnaaneq
  • Angusaqarsinnaassuseqarneq
  • Timersoqatigiit Kattuffiata aaqqissuussaaneranik ilisimaarinninneq
  • Sulianik amerlasuunik ataatsikkut ingerlatsisinnaaneq
  • Anguniakkanik ineriartortitsisinnaaneq
  • Politikkikkut ingerlaatsinik paasinnissinnaassuseqarneq
  • Qasusuissuseqarneq anguniakkanillu tunaartaqarluartumik sulisinnaaneq
  • Oqaatsit piginnaaneqarfigisassat, ajornangippat kalallit oqaasii, tuluit oqaasii qallunaallu oqaasii

 

Sulifffimmi makku takutissinnaassagitit pingaartippagut:

  • Aaqqissuussaalluartumik sulisinnaaneq
  • Pitsaassutsinik pingaartitsineq
  • Suleqatigisanik akiuliutsitsisinnaaneq
  • Suleriaatsit tunngavigineqartut malillugit sulisinnaaneq
  • Akisussaassuseqarneq
  • Avammut ersittumik sulisinnaaneq

 

Uagut neqeroorutigaagut:

  • Nuummi Timersoqatigiit Kattuffiata allattoqarfiani ulloq naallugu suliffittut atorfik.
  • Atorfininnissaq 1. oktober-imiit siusinnerusukkulluunniit.
  • Suleqatit pitsaasut suliffiusumi soqutiginartumi

Makku uatsinnit naatsorsuutigivagut

  • Aqutsinermik ilinniarsimasuunissaq inuusssutissarsiornermullu sammisutigut misilittagaqarluarnissaq.
  • Akunnermi isumaqatigiinngittoqartillugu naapeqatgiissitsiniarnermik misilittagaqarsimanissaq
  • Aqutseriaatsinik nutaanerpaanik ilisimaarinnittuunissaq

Makkulu aamma piginnaaneqarfigigukkit iluaqutaassaaq:

  • Suleqateqarnermik misilittagaqarlunilu sungiussisimanissaq
  • Suliassat/pilersaarutit ingerlatassallu angunissaannik soqutiginnittuuneq 

Inuttut siunissamik takorluuisinnaassuseqartuussaatit, maligassiuilluartuullutit aammalu suleriaatsikkut soqutiginnilluartuullutillu akuulluartuussallutit. Ilinnut nalinginnaasuussaaq qiimmassaasuunissaq, avatangiisinillu akuersaarinnittuullunilu naalaartartuunissaq. Naleralersuilluartuullutillu pitsaassutsinut eqqumaarittuussaatit.

Misigisimassavarput suleqatiginnilluarumasuusutit aammalu avataanit isigalugu erseqqaarissuussasutit.

Suut uagut neqeroorutigaagut?

Suleqatigiissut akornanni qitiusumik aqutsisuuneq, suleqatigalugit atorfillit 5-iusut ilinniartorlu ataaseq ikiortitut suleqataasoq.

Suliffeqarfik timersornermik pitsaanerpaamik sullissiffiusoq, pingaarnersiukkanik attaveqartuusoq, akunnermi annertuumnik ikioqatigiiffiusoq.

Qinnuteqaatinnik tigusaqarnissarput qilanaaraarput

Naatsorsuutigivarput qinnuteqaateqarninni makku ilanngullugit saqqummiussaqarfigissagitit:

  • Suut tunngavigalugit qinnuteqarnersutit
  • Sooq atorfik pissagukku iluatsilluartumik ingerlanissannut peqqutaassasorineritit
  • Atorfimmi ingerlaslluarnissamut tunngaviit arlaannik erseqqissaallutit assersuusiaq.
  • Kinaaninnik erseqqissaateqarneq (nukittuffigisatit soqutigisatillu)

 

Aamma CV-it (ilinniarsimasatit, suliarisimasatit pillugit paasissutissat) (pdf-itut) allallu pigisat soqutiginaateqarsinnaasut ilanngullugit nassiutissavatit.

Qinnuteqaatit matoqqasumik ingerlaavartumik sammineqartassapput atorfillu aallartiffigineqassaaq 1. oktober – taamaanngippallu isumaqatgiiissuteqarneq naapertorlugu. 

Atorfik pillugu apeqqutissaqaruit, tikilluaqquneqarputit saaffigissallugu Generalsekretær, Carsten Olsen allagaqarlutit uunga carsten@gif.gl imaluunniit oqarasuaatikkut +299 54 26 36 -imut saaffigalugu

 

Oqaloqatigiinnissaq pissappat tamanna ilisimatitsissutigineqassaaq pissallunilu 2019-imi junip qiteqqunnerani.

 

Qinnuteqarnissamut piffissaq kingulleq: 16. juni 2019

 

Qinnuteqaat siulittaasumut nassiunneqassaaq ugguuna: Nuka Kleemann, e-mail nuka@attat.gl