Skip to main content
147

Dette jobopslag er udløbet

Meeqqat inuusuttullu akornanni nutaaliorneq ineriartortitsinerlu pingaartitaraagit?

– sulianillu ingerlatsinermut pikkoriffeqarlutit?

Immaqa taava tassa illit immikkoortortaqarfimmi aqutsisussatut ujartugaraatsigit, taassumalu Kalaallit Nunaanni nutaaliornerup kiisalu nutaaliorluni aallarnisaanerup ilisimaneqarnerulernissaa sulissutigissallugu.

Fonden For Entreprenørskab (FFE), Kalaallit Nunaata Kalaallit Nunaat tamakkerlugu nutaaliorluni aallarnisaanerup ABC-miit PhD-mut ilisimaneqaleriartornissaa sulissutiginiarpaa. Ilinniarfeqarfinniit inuussutissarsiorfinniillu tapersersorneqarnitsinnit nutaamik immikkoortortaqarfimmi aqutsisussarsiorpugut, taassumalu periusissiarput siuttuuffigalugulu atuutsilissavaa. Siunertaavoq Kalaallit Nunaanni ilinniarfinni assigiinngitsuni nutaaliorluni aallarnisaanerup atuartunit ilinniartitsisuniillu atorneqarneruleriartornissaa.

Ulluinnarni unammilligassat

  • Ilinniarfeqarfiit suleqatigalugit ilinniartitsisunik pikkorissaaanerit ilitsersuinerillu
  • Nutaaliorluni aallarnisaasunut sammisassaqartitsinermik ineriartortitsinerit, pilersaarusiornerit inegrlatsinerillu, sumiiffinni unammisitsinerit unammersuarnerillu ilanngullugit
  • Nutaanik suleqatissarsiornerit sulianik ineriartortitsinerit aammalu ilinniarfeqarfiit inuussutissarsiorfiillu akornanni nutaaliorluni aallarnisaanerup iluani suleqatigiinnerup ineriartortinneqarnissaa
  • Kalaallit Nunaanni nutaaliorluni aallarnisaanerup ineriartortinnissaanut aqutsisut ilinniartitsisullu akornanni attaveqatigiiffinni pilersitsinerit
  • Siulersuisunut kiffartuussineq
  • Nuna tamakkerlugu nunarsuarlu tamakkerlugu fundraisingi

Naatsorsuutigaarput

  • Aaqqissuussillaqqissuussasutit, nutaaliorlunilu aallarnisaaneq pingaartitaralugu
  • Suliniutinik ingerlatsisinnaassasutit, perorsaanermik ilisimasaqassasutit ilinniartitsinermillu misilittagaqassasutit
  • Ilinniartitaanerup inuussutissarsiorfiillu akornanni periarfissanik takunnissinnaassasutit
  • Tutsuiginartumik attaveqalersitsisinnaassasutit
  • Suliassanik ujartuisinnaassasutit suliassanillu assigiinngitsunik ataatsikkut ingerlatsisinnaassasutit
  • Attaveqallaqqissuusutit, oqaluttualiorsinnaasutit kiisalu takorluukkanik piviusunngortitsisinnaasutit
  • Sulinermi ataqatigiissumik tulleriiaarillutillu ingerlatsinnaasutit qallunaatut, kalaallisut tuluttullu oqaaseqartuusutit.

Suliassavit annerpaartaat tassaassapputt ilinniartitsisut, atuarfiit kiisalu kattuffiit namminersortut oqartussaqarfinnulluunniit attuumassutillit ilinniarfeqarfinni assigiinngitsuni nutaaliorluni aallarrnisaanerup ineriartortinnissaannut kajumissaarinerit. Suliassallu annertuut ilagaat sammisassanik unammersuaartitsinernillu aaqqissuussinissaq.

Piffissallu ilaa aamma Danmarkimi, Islandimi, Savalimmiuni kiisalu kattuffiup iluaniittut allat Odensemiittut Københavnimiittullu suleqatiginissaat. Siulersuisut ataatsimiikkaangata allattaasassaatit Fondenimilu siulittaasoq aqutsisorissallugu.

 

Atorfininneq, akissarsiassat atorfininnermilu atugassarititaasut

Atorfik piffissaq tamakkiisuuvoq saapaatip akunneranut akunnerit 40-ruullutik. Suliffik Nuummi inissisimavoq.

Ulluinnarni aqutsisut tassaavoq Fonden For Entreprenørskab Kalaallit Nunaanni siulittaasoq.

Akissarsiat ilinniarsimanerit misilittakkatillu aallaavigalugit inissinneqassapput.

Qinnuteqaatit ilinniarsimanermut uppernarsaatitalik oqaaseqaatitallillu Fonden For Entreprenørskab, Kalaallit Nunaata siulersuisuanut Jacob Nitter Sørensenimut, nit@airgreenland.gl aqqutigalugu nassiunneqassapput.

Fondenip suliaat pillugit uani atuaqqissinnaavutit http://gronland.ffe-ye.dk 

Naatsorsuutigiaarput aggustip aallaqqaataa siusinnerusukkulluunniit atorfinitsitsinissaq.

Qinnuteqarnissamut ulloq kingulleq tassaavoq juunip 25-at, ingerlaavartumillu qinnuteqartut oqaloqatigineqartassallutik.

 

Fonden for Entreprenørskab Kalaallit Nunaat naatsumik suussusaa

Fonden for Entreprenørskab Kalaallit Nunaat (FFE KN) 2017-imi nutaaliorluni aallarnisaaneq siuarsarniarlugu inuussutissarsiorfinni namminersortutut fonditut aallartippoq. 2018-imi FFE KN-imi siulersuisut siulliit Kalaallit Nunaanni inuussutissarsiorfinniit qaffasinnerpaameersunik ilinniarfeqarfinneersunillu ilaasortalerlugu pilersinneqarpoq Kalaallit Nunaatalu aallarnisaavissuanngornissaa takorluugaalluni. Suliffeqarfiup nutaaliorluni aallarnisaanerup ABC-miit PhD-mut siuarsarneqarnissaa oqariartaaserivaa.

FFE-minngaanniit ilinniusiat ineriartortinneqarlunillu saqujmmersinneqartarput aammalu nutaaliorluni aallarnisaanerup atuartitsissutigineqarnissaannut siunnersuisarput kiisalu nutaaliorluni aallarnisaanerup iluani suleqatigiittussanik attaveqatigiittussanillu pilersitsisarluni.

2018-ip ingerlanerani pikkorissartitsinerit pingasut ingerlanneqarput tassanilu ilinniartitsisut 100-rujut missaanniittut Kangerlussuarmeersut, Maniitsumeersut, Sisimiuneersut Nuummeersullu meeqqat atuarfiiniit ilinniaqqiffiusunut atuartitsinermi nutaaliorluni aallarnisaaneq pillugu qanoq atuartitsisoqartarnersoq ilinniartinneqarlutik. Ukioq mannalu Kalaalllit Nunaata Avannaani Kujataanilu aamm pikkorissaaniarluta. Ilisimatusarfimmi meeqqallu atuarfianni nutaaliorluni aallarnisaaneq pillugu fageqalerpoq – soorluttaaq nutaaliorluni aallarnisaanerup iluani sammisat assigiinngitsut iluanni sammisassaqartitsisoqarlunilu workshoppertitsisoqartarsimasoq. Ukioq manna aammaarluni nutaaliorluni aallarnisaanerup iluani unammersuartitsisoqassaaq ”Arsarnerit Inuusuttai – Young Northern Lights”-imik taasamik, tassanilu meeqqat inuusuttullu Projekt Edisonimi Company Programmemilu peqataasimasut isumassarsiaminnik unammissallutik.

 

Filmiliat, assit sammisaqartitsinerillu assigiinngitsut Facebookimi quppernitsinni takuneqarsinnaapput:

https://www.facebook.com/FFEKalaallitNunaat/