Skip to main content
77

Dette jobopslag er udløbet

Film workshop, FILM.GL-imit aallartinneqartoq maannakkut ULLUINNARNI AQUTSISUMIK sulisussarsiorpoq

Film Workshop tassaavoq illu nutaanik pilersitsivissaq, tassani inuusuttut aamma kalaallit filmiliornermut piginnaasaqartut, filmiliornermik inuussutissarsiutigalugu suliaqartunit ikiorneqarlutik, filmiliassatut isumassarsiaminnik piviusunngortitsisinnaallutik, aammalu inuusuttut filmiliornermik suliaqarnerup iluani allatut ittumik suliffeqalersinnaanermut isumassarsiortitsissalluni. Filmværkstedet-mi inuusuttut filmiliornermik ineriartortitsinissamut suliaqarnissamullu periarfissanik neqeroorfigineqarput, taamatullu filmiliornerup allallu iluanni teknikkimut tunngasuni ilikkagassani ingerlaavartumik atuartinneqartassallutik.

Aallaavigisarput tamatigut tassaassaaq, pikkorissartut tunuliaqutigisaasa aallaavigisarnissaa aammalu ataqqillugit peqatigisarnissai

Taamaattumik illit killilersuutit pinnagit periarfissanik takunnissinnaanissat pingaaruteqarluinnarpoq.

 

Assiginngitsorpassuartigut aammalu soqutigisatsinni assiginngitsuni tamaginni pikkorissuseqarlutit sulisinnaanissat suleqateqarsinnaanissallu aalajangiisuulluinnartumik pingaaruteqarpoq.

 

Ulluinnarni ulapaarfiusumi aammalu pisartunit allaanerusumik suliffiusumiinnissaq nuannarissavat. Unammillerneqarneq nuannaraat aammalu pitsaassusissat najoqqutarisallu annikinnerutissanagit. Anguniagaqallaqqissuuvutit aammalu aaqqissugaasumik siunnerfilimmillu sulisarlutit.

 

Suliassat
Suliassatit pingaarnerit tassaassapput siulersuisunit allanillu suliakkiissutigineqartut naapertorlugit ineriartortitsineq, pilersaarusiorneq aamma ulluinnarni ingerlatsineq:

  • Atuartitsisut peqataasullu attuumassuteqartut sammisaqarluni isumasioqatigiissinneqarnerinik aaqqissuussineq – aamma atuartitsisussat avataaneersut, assersuutigalugu issittumi sumiiffiit iluanni
  • Allaffissornermut taamatullu suliassaqarfinnut tunngatillugu suliassat ataqatigiissaagassat
  • Najukkamiinneq eqqarsaatigalugu najoqqutassanik attuumassuteqartunik ineriartortitsinermut, suliarinninnermut kiisalu allanngutsaaliuinermut peqataaneq
  • Attaveqaqatigiinnermi suliassat – ilanngullugit aviisini ilanngutassiat, nutaarsiassat, inuit attaveqaqatigiittarfii assigisaallu
  • Film.gl-imi siulersuisut/siulittaasoq qanimut ingerlaavartumillu suleqatigalugu isumasioqatigisarlugulu
  • Suliassanik tekniskiusunik, allaffissornermut tunngasunik aamma IT-mut tunngassuteqartunik suliarinninneq

 

 

Piukkunnassuseqarnitit piginnaasaqarfitillu

  • Nutaaliorluni pilersitsisarnerup iluani naleqquttumik ilinniagaqarneq, soorlu filmiliorneq, kulturi aamma assingusumik suliaqarnermit inuussutissarsiornermi misilittagaqarneq imaluunniit assingusumik atorfeqarsimanermi misilittagaqarneq
  • Nutaaliorluni pilersitsisarneq aamma inuttut anersaaqarluni suliassanik ataqatigiissaarinermik misilittagaqarneq.
  • Assersuutigalugu word-imi, excel-imi allanilu programmini digitaliusuni tusagassiuutinilu suliaqarneq aamma atuillammak
  • Ataatsimoortitsisoq akuutitsisorlu – suliffiup iluani, qullersani avataanilu

 

Naatsorsuutigineqarpoq piffissat suliffiusartut eqqarsaatigalugit allanngorarsinnaassuseqarnissaq, tassami ilaannikkut Filmværkstedet-miitartunik peqataasoqarluni unnukkut aamma sapaatip akunnerata naanerani aaqqissuusisoqartassasoq naatsorsuutigineqarsinnaammat. Tamatuma saniatigut ukiumut 5-6-eriarluni angalasarnissaq naatsorsuutigineqartariaqarpoq.

 

Aningaasarsiat aamma atorfininnermi atugassarititaasut
Aningaasarsiat ataasiakkaanut tunngassuteqarput aammalu piukkunnassuseqarnerit misilittakkatillu apeqqutaassallutik. Tamatuma saniatigut piffissat suliffiusut nikerartinneqarsinnaanerat, akissarsiaqaatigalugu ulloqeqqanut unikkallartarneq aammalu akisussaasuulluni annertuumik kiffaanngissuseqarneq neqeroorutigaagut.

 

Atorfimmut atatillugu sulisunut inissaqartitsisoqanngilaq.

 

Atorfininneq /piffissaq suliffiusoq
Sapinngisamik piaartumik. Sapaatip akunneranut nalunaaquttap akunnerini 40-ini suliffiuvoq.

 

Qinnuteqaat
Qinnuteqartut naleqquttut ingerlaavartumik oqaloqatigisassavagut, taamaattumik qinnuteqaatit sapinngisamik piaartumik nassiuguk. Piffissamut killiliunneqarpoq ulloq 20. marts 2019. CV aamma qinnuteqaat danskisut imaluunniit tuluttut nassiunneqassaaq uunga partner, Birtha Bianco, email: birtha@job360.gl.

 

Paasissutissat annertunerusut
Atorfimmut paasissutissat sulisussarsiorluni allagarsiinermi allassimasut, imaluunniit nittartakkami aamma Facebook-imi takuneqarsinnaasut saniatigut apeqqutissaqaruit, Film.gl-imi siulersuisunut siulittaasoq, Pipaluk K. Jørgensen uunga +299 589333 attaveqarfigisinnaavat.

 

Siulersuisut aamma film workshop pillugit annertunerusumik atuarit uani www.film.gl imaluunniit https://www.facebook.com/filmgl/