Esther Børnehave meeqqerivik namminersortuuvoq, nalinginnaasumik meeqqanut 3-6-nik ukiulinnut 20-nut inissaqarluni. Nalinginnaasumillu sisamanik sulisoqartarpoq: aqutsisoq, aqutsisup tullersortaa perorsaasullu ikiortai marluk. Esther Børnehave nal. 7.30-miit 17.00 tungaanut ammasarpoq. Meeqqerivik illu nuannerluinnartoq Nuussuarmi inissisimavoq.

Meeqqerivimmi timimik aalatitsineq pinngortitalerinerlu perorsaariaasertut ilisarnaatigivarput. Timi atorlugu sammisaqartitsineq pingaartittuuarput. Sapaatip akunnerata qanoq atorluarneqarnissaa aaliangersimasumik pilersaarusiorneqartarpoq.

Naatsorsuutigaarput:

•  Perorsaasutut assigisaanilluunniit ilinniagaqarsimanissaq
•  Pisunut malinnaalluarluni isiginnissinnaasoq, aalajaatsoq, pisunut sungiussiasoq nikerartumillu sulinissamut piareersimasoq
•  Nutaanik pilersitsisinnaasoq aalanissamillu nuannarisalik
•  Ulluinnarni perorsaanermik suliaqarnermi soqutiginnillunilu tunniusimasoq
•  Aqutsisuunissamut soqutigisalik aqutsisuunermilu misilittagalik.
•  Meeqqanik, suleqatinik angajoqqaanillu suleqateqarluarsinnaasoq
•  Qiimasoq akuersaartorlu
•  Tunniusimasoq eqeersimaartorlu
•  Anguniakkanik akisussaaffinnillu ilisimaarinnilluartoq
•  Ammasumik akuersaartumillu pissuseqarluni meeqqat, suleqatit angajoqqaallu peqatigisinnaagai
•  Kalaallisut qallunaatullu oqalussinnaaneq iluaqutaavoq.

Neqeroorutigivarput:

Meeqqerivimmi eqeersimaartumi aalaneq aneertarnerlu qitiutillugit sulineq. Suliffik pissanganartumi periarfissaqarlutit ulloq suliffiusoq qanoq ilusilersussanerlugu aaliangeeqataanissannut. Meeqqat eqimattakkaarneri kiisalu sulisut angajoqqaallu eqimattakkaat tunniusimasut ammalluartumik isiginnittaaseqarfigivagut. Atorfik sapaatip akunneranut suliffiusussanik 40 tiiminik imaqarpoq. 20 tiimit allaffissorneq kiisalu 20 tiimit meeqqat akornanni sulilluni akuuneq.

Akissarsiaqarnermut atorfinitsitaanermullu atugassarititaasut.

Namminersorlutik Oqartussani isumaqatigiissut atuuttoq, NPK imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq. Sillimmaserneqarnissamik periarfissinneqarneq periarfissaavoq (sundhedsforsikring).

Paasisaqarnerorusukkuit pisortaasoq Tuperna Rosing Olsen attavigisinnaavat: e-mail bhe@esther.gl tlf: 520388

Qinnuteqarnissamut killigititaq:

Qinnuteqaat ilinniarsimanermut allagartat uppernarsaatillu allat ilanngullugit tunniunneqareersimassapput kingusinnerpaamik pingasunngorneq januarip sisamaani 2023. Nassiunneqassallutik uunga: bhe@esther.gl Oqaloqatiginninnerit ingerlanneqallattaassapput.