Skip to main content
127

Dette jobopslag er udløbet

Alaffimi Pisortaq - pilersaarusiornerni aqutsisoq EPI

Kalaallit atuakkiortut, filmiliortartut, isiginnaartitsinermik suliaqartut kiisalu nunatsinni nipilersortartut kattuffimminni allaffeqarfimminnut,  aamma Eqqumiitsuliornikkut Pinngorartitsisut Ingerlatsisullu (EPI)-mik taaneqartartumut ujartugaat tassaasussaavoq ulluinnarni aqutsisut kattuffimmilu suliniuteqartut assigiinngitsut qaninnerpaamik suleqatiginissaat, ulluinnarnilu allaffeqarfitsinni nunap iluani nunanilu allani suleqatitsinik qanimut suleqateqarluni ingerlatsisussaasoq. 

Isumagisassat assigiinngisitaartuussapput, siunissarlu eqqarsaatigalugu ilusilersuinissaq piviusunngortitsinissarlu tunngavigalugit sulisinnaassaatit. Suliassat ilaatigut makkuusut suleqataaffiginissaannut qilanaarilereersinnavatit:

  • Peqatigiiffiit suliniuteqarfiillu kattuffiannik sunniuteqarluartumik pilersitsiartuaarnermi ulluinnarni aqutsisunut siulersuisunullu ikiortaanissaq

  • Siunissaq tunaartaralugu ilusilersuinermut kattuffiullu qitiutinneratigut ulliunnarni aqutsisunik siulersuisunillu tapersersuinissaq

  • EPI-p iluani suliniutinik aaqqissussinernik, ingerlatsinernik ineriartortitsinernilu siuttuullutit peqataanissat

  • Aningaasaateqarfinnut qinnuteqaateqartarnerit aaqqissornerini piviusunngortinnerinilu siuttuunissat, tamatumanilu suliniutinut ilaatigut aningaasaateqarfinnit tapiiffigineqartunut pisunullu allanik pingaaruteqartunut allanut missingersuusiat malittareqqinneqarnissasa qulakkeerneqarnissaa                                                                                                                                                   

  • Allaffeqarfimmi ulluinnarni naammassisassanik aaqqissuussinerit ilusilersornissaat

  • Naatsorsuutit naammassinissaanut suliaqarneq

  • Nittartakkap immernissaanut suliaqarsinnaaneq iml. suliaqartitsisinnaanermut siunnersuuteqarneq

  • EPI-mi ilaasortat siunersiueqatigalugit sulinissaq          
                                                                                                                                                                                                                                                                                                                  

 

EPI-mi ulluinnarni aqutsisunut akisussaaffeqassaatit. Atorfimmut pineqartumut tunngavigisinnaasat arlalissuusinnaapput. Pingaarnerpaatut suliniuteqartoqartillugu pikkorillutillu misilittagaqartuuvutit,  ukiunilu arlaqartuni kulturikkut ingerlassani annertuuni imaannaanngitsunilu pilersaarusiornernut siuttutut misilittagaqartuullutit. Oqaatsinik atuinikkut piginnaassuseqarluarputit, pingaartumik kalaallisut tuluttullu. Ulluinnarni ulapaarfioqisuni tamakkiisumik isiginnissinnaavutit suullu tamaasa eqqarsaatigalugit ingerlateqqikkusutatit nuannersumik inussiarnersumillu anissinnaallugit. Nammineq pisinnaavutit namminerlu piumassuseqarlutit, allanilli suleqateqarneq aamma piginnaasuseqarfigilluarpat. Ilusilersuillaqqipputit, ungasinnerusoq tunaartaralugu eqqarsartuullutit, nutaanik pilersitsisinnaassuseqarputit aqqutissanillu nutaanik ujartuiniarlutit alapernaasersinnaallutit. Sulininni pitsaassuseq ujartortuarpat, inerniliinerullu ajungitsuunissaanik qulakkeerinnittuullutit – kiisalu – piffissaliussaq eqqorlugu tunniussinissaq. Immikkut iliuuseqarusunnermut kajumissisuseqarputit.

Akissarsianut atorfinitsitsinermullu tunngasut.                                                            

Qaammammut akissarsiat kr. 28.000 missaaniissapput. Piffissaq sulinermut atugassiaq killilerneqanngilaq.

Immikkut isumaqatigiissusiornikkut qarasaasiatigut atortorissaarutinik isumagineqassaatit.

Qinnuteqarnissamut killigititaq: 01 maj 2019.

Qinnuteqarsimasunik oqaloqatiginninnissat sap. ak. 19-imi pinissaat ilimagineqarpoq.

Qinnuteqaatit CV-eertallit uunga nassiunneqassapput: epi@epi.gl

Annertunerusumik paasisaqarusukkuit Siulittaasoq Naleraq Eugenius, mobil: +299 55 03 86, imaluunniit siulittaasup tullia Markus E. Olsen +299 54 15 49 attaveqarfigisinnaavatit.