Skip to main content
174

Dette jobopslag er udløbet

TASIILAMI SUNDHEDSASSISTENTINNGORUSUPPIT?

Sundhedsassistentitut atorfik inuttassarsiorneqarput ataavartunik 1.marts 2022 aallarnerfigalugu imaluunniit isumaqatigiinnikkut. Periarfissaasinnaavoq paarlattaanissaq, sivikinnerpaamik qaammatit pingasut.

Tasiilap Napparsimaviani sundhedsassistentitut uninngavimmiinnerusoq sulissaatit, tassanilu peqqissaasut allallu suleqatit peqatigalugit akisussaaffigigalugu uninngasununik sullinissaq pilersaarusiorlugu naammassinissaa kiisalu ulluinnarni sulinerup pilersaarusiornissaa.

Suliffiit nikerartuupput, arfininngornerni sapaatinilu aamma sulisassaatit.

 

Nunap immikkoortortaa illoqarfippullu pillugu annerusumik paasisaqarusukkuit takuuk www.eastgreenland.com

 

Neqeroorutigaagut:
·Ilitsersuilluarneqarneq atorfimmmut
·Suliassat pissanganartut unammillernarsinnaasullu
·Avatangiisigissaarneq

 

Makkunannga piginnaasaqartutut sulisussarsiarerusuppatsigit:
·Kalaallisullu danskisullu oqalussinnaanissat
·Aalajaatsoq nammineersinnaasorlu
·Suleqatiginnissinnaasoq
·Toqqissisimasoq

 

Uagut:
·Tasiilaq nunaqarfiillu tallimat ilanngullutigt 3000-inik innuttaassuseqarpoq
·Suliassat assigiinngiiaartut
·Suleqatiginnilluartuuvugut
·Pinngortitaq alutornartorsuuvoq

 

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut sisamanut, Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

 

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq.

Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

 

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.

 

Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

 

 

 

Akissarsiat atorfininnerlu
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

 

Nakorsaq/kigutit nakorsaat: Danmarkimi nakorsatut sulisinnaatitaanermut uppernarsaammik takutitsisinnaanerit atorfininnissannut piumasaqaataavoq.

 

Peqqissaasoq: Kalaallit Nunaanni peqqissaasutut sulisinnaatitaanermut uppernarsaammik atuuttumik takutitsisinnaanerit atorfininnissannut piumasaqaataavoq, (www.nun.gl aqqutigalugu qinnutigiuk).

 

Ineqarneq
Atorfininnermut atatillugu maleruagassat atuuttut naapertorlugit inissamik innersuussisoqarsinnaassaaq. Ineqarnermut akiliutit annertussusaat inissiallu pitsaassusaat nikerarsinnaavoq, inigilivitassallu innersuunneqarnissaanut utaqqisoqarsinnaalluni.

 

Qinnuteqaat
Qinnuteqaat pappiaqqanik naapertuuttunik ilanngussivigisaq PDF-inngorlugu www.Gjob.gl

Aqqutigalugu nassiunneqassaaq.

 

Ulloq sulilerfissaq: 11.februar 2022

 

Qinnuteqarfissaq kingulleq:
Qinnuteqartut ataavartumik oqaloqatigineqartassapput.

 

Attavissaq:
Atorfik pillugu paasissutissat afdelingssygeplejerske John Christiensen oqarasuaatikkut: (+299) 98 34 30. e-mailikkut: JHR@PEQQIK.GL attavigalugu pissarsiarineqarsinnaapput.

 

Paasissutissat akissarsianut atorfininnermilu atugassarititaasunut nalinginnaasunut tunngasut mailikkut uunga saaffiginninnikkut: PERSONALE@PEQQIK.GL pissarsiarineqarsinnaapputtaaq.

 

Nunatsinni Peqqinnissaqarfiup aaqqisuussaanera uani takuuk:

Aaqqisuussaanermut takussutissiaq

 

Nunatsinni Peqqinnissaqarfik pujortarfiunngilaq.

 

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

 

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Ansøgningsfrist: 15. februar 2022

Søg denne stilling