Skip to main content
111

Dette jobopslag er udløbet

Suliniutinik aqutsinermut misilittagartuujuit nunatsinnilu Peqqinnissaqarfiup sanaartukkatsigut siunissaanut sunniuteqaqataarusuppit? Taamappat nunatsinni Peqinnissaqarfiup atorfissaqartippaatit

Sanaartukkanut tunngatillugu suliniutinik aqutsinermik misilittagalimmik teknikkikkut, aningaasaqarnikkut sulianillu ingerlatsinermut ersarissumik paasinnittariaasilimmik, sanaartukkanut -nutartikkanullu maanna ingerlassanut siunissamilu ingerlanneqarumaartunut sanaartortitsisutut isumaginnittussamik pissarsiorpugut. Peqqinnissaqarfik sanaartukkanik- nutaanik, nutarterinernik aserfallatsaaliinernillu- nunarput tamakkerlugu ingerlatsiuarpoq.

Maanna Nuummi sanaartugassat annertuut pingasut pilersaarutaapput. Tarnimikkut nappaatilinnut nutaamik immikkoortortaliortoqassaaq, tamatuma peqatigisaanik Napparsimmavissuup uninngasunut immikkoortortassaanik nutaamik pilersaarusiorneq aallanisassavarput, aningaasaateqarfillu Novo Nordisk Fondi suleqatigalugu sukkornermik inooriaatsimillu patsiseqartumik nappaatilinnut sullissivimmik (Steno Diabetes Center) pilersitsiniarpugut. Steno Diabetes Centerimik pilersitsinissamik pilersaarut nunatsinni naalakkersuisunit aningaasaateqarfiullu Novo Nordisk Fondip siulersuisuinit akuersissutaassappat, sullissivimmik tamatuminnga pilersaarusiorneq ukiuni tulliuttuni suliassat annertuut ilagisussaassavaat. Suliniutini tamani sanaartortitsisut tassaassapput nunatsinni Peqqinnissaqarfik sinnerlugu Peqqinnissaqarfimmi qullersat.

Atorfik

Annertuumik sunniuteqassaatit ulluinnatillu pissanganarlutillu tamatigoortuussapput, sanaartornermi siunnersortigisamik qanimut suleqateqarlutit suliniummik aqutsisutut- isumassarsiamiit ingerlatsinermut suliat ingerlanneqarneranni peqataassaatit. Sanaartortitsisumut sinniisutut sulissaatit atuisullu, sanaartortitsisunut siunnersortit, tamakkiisumik siunnersorti, pisortaqarfiit, sanaartugassanik suliassinneqartartut, pilersuisut Peqqinnissaqarfimmilu qullersat suleqatigalugit suliniutip naammassinissaa qulakkiissavat. Tamatuma peqatigisaanik suliniutit akornanni attavittut atuutissaatit. Sanaartornermut immikkoortortaqarfimmi aqutsisoq ulluinnarni qullersarissavat.

Suliniutip ingerlanneqarnera tamakkerlugu suliniutini tamani, nutaanik sanaartortoqassappat nutarterisoqassappalluunniit tunngavissamik sunniuteqarluartussamik pilersitsissaatit. Sulianik ingerlatsinermi periutsinut, aningaasaqarnermut, piffissamut, pitsaassutsimut ataavartitsinissamullu tunngatillugu suliat pitsaanerpaanissaannik qulakkeerinissaq akisussaaffigissavat. Tamanna sanaartoriaatsimut, aningaasaqarnermut inatsisinullu tunngatillugu atituumik paasisimasaqarnermik piumasaqaatitaqarpoq.

Suliassatit tassaassapput

  • Pilersaarusiorneq, suliniutinik sanaartornermilu sulianik aqutsineq-
  • Nukissanik, piffissamik aqutsinermik, pitsaassutsimik atortunillu ataqatigiissaarineq
  • Sulisitsisunik assigiinngitsunik suleqatissanillu allanik suleqateqarneq attaveqateqarnerlu
  • Sanartornermut atatillugu ataatsimiisitsinerit
  • Suliassaqarfinnik assigiinngitsunik nakkutilliinermi sanaartukkanillu naliliinerni peqataaneq
  • Suliniutinut tunngatillugu aningaasartuutissatut missingersuutinut akisussaaneq
  • Pitsaassutsimik piumasaqaatinillu avatangiisinut isumannaallisaanermullu tunngasunik eqquutitsinissamik qulakkeerineq
  • Aningaasaqarneq pillugu malittarinnilluni ataatsimiinnerni peqataaneq
  • Sanaartukkanut tunngatillugu susassaqaqatinut attaveqaataaneq

Suliniutinik aqutsisumik sanaartukkanut eqqortumik isumalimmik, piumassusilimmik paasinnittariaasilimmillu makkunanngalu piginnaanilimmik pissarserusuppugut

  • Sanaartornermut tunngasunik tunuliaqutaqarneq. Ingeniøritut, illussanik titartaasartutut imal. konstruktøritut ilinniarsimasuusinnaaneq
  • Naammassinnikkusussuseqarneq siunnerfeqarlunilu – namminersorluni allanilluunniit suleqateqarluni sulisinnaaneq
  • Sanaartornermi qarasaasiarsornermik misilittagaqarneq
  • Attaveqatigiinnermi oqaatsitigut allakkatigullu piginnaaneqarluarneq
  • Aningaasaqarnermut tunngatillugu paasinnissinnaassuseqarluarneq
  • Suliniutini pilersaarusiorsinnaaneq aqutsinermillu tigusisinnaaneq

Qinnuteqartut makkunannga ilisimasaqartut piginnaaneqartullu pingaarnerutinneqassapput

  • Suliniutinik aqutsinermik sanaartukkanilu annertuuni – piffissaq, aningaasaqarneq pitsaassuserlu immikkut qitiutillugit aqutsinermik misilittagaqarneq
  • Sanaartornermut atatillugu nunatsinni aamma/imal. Danmarkimi inatsisilerinermik sulisussarsiuussinernilu maleruagassanik ilisimasaqarneq
  • Sanaartornermi maleruagassanik ilisimasaqarneq

Inuttut qanoq ittuunerit

Inuttut ammasuuvutit oqaluukkuminarlutillu, suliassavit naammasinissaannut annertuumik pimoorussisuuvutit soqutiginnittuullutillu. Nammineersinnaassuseqarputit, akisussaaffimmik tigusisinnaavutit, ammasumik pitsaasumillu attaveqartigiinneq aqqutigalugu aaqiissutissanik ujaasisarlutit. Tatiginnilersitsisarpututit iliniagaqatigiinnik susassaqaqatigiinnillu assigiinngitsorpassuarnik taakkulu akornanni suleqatigiinnermik periarfissiisinnaallutit.

Atorfiniffissaq:  1. oktober 2019 immikkulluunniit isumaqatigiissuteqarnikkut.

Neqeroorutigaarput

Atorfik aalajangersimasoq tamatigoortoq pissanganartoq, akisussaaffiliisoq ineriartornissamut namminerlu ulluinnarisap sunniiviginissaanut annertuunik periarfissiisoq. Suleqatigiinnut suliaminnik pimoorussisunut, qanimut suleqatigiissunut ataatsimoorlunilu anguniagaqarnermik siunnerfilinnut sisamanut akuulissaatit. Avatangiisit ammasumik killilersugaanngitsumillu oqaloqatiginneriaaseqarneq qiimasumillu suleqatigiinnissamut pissutsinullu assigiinngitsunut periarfissiineq ilisarnaatigaat.

 

Angalanermut ineqarnermullu tunngasut

Atorfininnermut atatillugu isumaqatigiissut atuuttoq naapertorlugu siumut utimullu angalaneq akilerneqassaaq.

Maleruagassat atuuttut naapertorlugit atorfininnermi inissamik innersuussisoqassaaq.

Akissarsiat atorfinitsitaanerlu

Atorfininnermi isumaqatigiissut atuuttoq naapertorlugu akissarsiaqartitsisoqassaaq. Immikkut piginnaasaqarnermi akissarsianut tunngasut maleruagassat atuuttut naapertorlugit isumaqatigiinniutaasinnaapput. Isumaqatigiissut uani naniuk.

http://www.gjob.gl/Praktiske-forhold/Overenskomster 

 

Qinnuteqaat

Qinnuteqaat assilisanik naapertuuttunik ilanngussivigalugu PDF-inngorlugu Sundhedsvæsenets rekrutteringssystem aqqutigalugu nassiunneqassaaq. http://www.gjob.dk/Sogjob/Stillingsbeskrivelse?VID=201907247

 

Qinnuteqarfissaq kingulleq: 23. august 2019

Qinnuteqartunik oqaloqateqarnerit ataavartumik ingerlanneqassapput

Attavissaq

Atorfik pillugu paasissutissat immikkoortortami pisortamit Henrik Overvadimit oqarasuaatikkut: (+299) 34 49 41 / 48 57 01 imal. e-mailikkut: HEOV@PEQQIK.GL pissarsiariniarneqarsinnaapput.

Akissarsianut atorfininnermilu atugassarititaasunut tunngatillugu paasissutissat nalinginnaasut sulisoqarnermi siunnersortimut Erik Egedemut oqarasuaatikkut: +299 34 46 81 imal. e-mailikkut: saaffiginninnikkut EREG@PEQQIK.GL aamma pissarsiarineqarsinnaapput.

 

Qinnuteqaatit PDF-inngortitat kisiisa tigusinnaavagut