Skip to main content
112

Nuummi Dronning Ingridip Napparsimmavissuani nappaatinik suussusersiniaanermi timimillu sungiusaanermi immikkoortortami aqutsisoq

Aqutsineq misilittagaqarfigaajuk nukittuumik peqqinnissamut tunngatillugu ilinniagaqassutsikkut allaffissornikkulluunniit ingerlatsinermik tunuliaqutaqarpit? – taava atorfissaqartippatigit!

 

Nunatsinni Peqqinnissaqarfik nappaatinik suussusersiniaanermi timimillu sungiusaanermi immikkoortortamut pilersinneqarlaamut aqutsisumik misilittagalimmik, allaffissornikkut ingerlatsinermik aamma/imal. peqqinnissamut tunngasumik ilinniagaqarnermik tunuliaqutalimmik pissarsiorpoq. Nappaatinik suussusersiniaanermi timimillu sungiusaanermi immikkoortortaq nutaajusoq annertuumik ineriartortussaq, siunissamilu qaninnermi inerisaanermut atatillugu suliniutinik arlalinnik illit aqutsisutut pingaarnertut akisussaaffigisassannik aallartitsiviusussaq. Immikkoortoq pingasunik immikkoortortaqarpoq; qinnguartaavik, aaviisarfik timimillu sungiusaavik. Immikkoortumi sulisut katillugit 50-it missigaat, taakkunannga pingasut toqqaannartumik ilinnut attaveqarlutik immikkoortuminni aqutsisuusut. Immikkoortoq napparsimasunut Nuummeersunut sinerissallu sinnerani sumiiffinni allaneersunut nappaatinik suussusersiniaanermi timimillu sungiusaanermi ataatsimut qitiusumik ingerlatsiviussaaq.

Atorfik

Nappaatinik suussusersiniaanermi timimillu sungiusaanermi immikkoortortami aqutsisutut immikkoortortat ataasiakkaat taakkulu Dronning Ingridip Napparsimmavissuani sinerissamilu qitiusumik immikkoortunik suleqateqarnerisa inerisarnissaannik ingerlanneqarnissaannillu qulakkeerisussaassaatit. Ileqqunik nutaanik Inerisaanermi pilersitsiniarnermilu immikoortortap tassanilu suleriaatsit aaqqissuunnissaanni annertuumik sunniuteqartussaassaatit akisussaaqataasussaassallutillu.

 

Tamatuma saniatigut makku ilaatigut suliassarissavatit:

 

  • Immikkortumi pilersinneqarlaami ataqatigiinnermik aaqqissuussaanermik ileqqunillu pilersitsineq, tamatumunngalu atatillugu immikkoortortap iluani suliffiulli iluani suleqatigiissutigisani allani suleqatigeeriaatsinik qulakkeerineq ineriartortitsinerlu.
  • Maleruagassanik aalajangiussanillu kinguneqarluartumik atuutsitsinissamik qulakkeerineq.
  • Immikkoortumi suliniutinik annertuunik piviusunngortitsinissamut pingaarnertut akisussaasuuneq.

 

Illit

Aqutsisumik ammasumik tapersersuisumillu, ineriartortitsisumik, aaqqiissutissanik eqqarsarnissamut iliuuseqarnissamullu piginnaasalimmik pissarsiorpugut. Immikkoortumik inerisaaneq ukkatissavat Peqqinnissaqarfillu tamakkerlugu suleqatigiilluarneq qulakkeerlugu.

 

Piginnaasatit:

  • Naapertuuttumik qaffasissumik ilinniagaqarputit, ajornanngippat peqqinnissakkut tunngaviusumik ilinniagalik masterinngorsimasorlu imal. peqqinnissaq pillugu ilisimatusarnermi kandidati assigisaluunniit
  • Aqutsinermik misilittagalik.
  • Aningaaqarnermiut tunngasunik annertuumik ilisimasalik.
  • Nunatsinni Peqqinnissaqarfimmik ilisimanninneq pingaartinneqassaq piumasaqaataananili.

 

Kinaavit?

  • Napparsimasut salliutippatit
  • Aqutsisutut ammasuuvutit, eqaatsumik pissuseqarlutit attaveqateqarumatuullutillu
  • Imminnut akerleriinnik sunnerneqarneq iliuuseqarfigisinnaavat suliassallu siunnerfilimmik isumatuumillu pingaarnersiorlugit tulleriiaarsinnaallugit
  • Nakimaatsumik ingerlatsinermik ukkassineq angusaqarusussuseqarnerlu piginnaasaqarfigaatit
  • Anguniagassanik takorluuisinnaassuseqarputit inerisaarusussuseqarlutillu
  • Iliuusissanik siunniussinissaq eqqarsartariaaseraat, iliuuseqarsinnaassuseqarputit akisussaassuseqarlutillu
  • Siumukartitsisinnaavutit ineriartortitsisinnaallutillu
  • Atituumik, itisuumik akimuillutillu suleqatiginnissinnaassuseqarputit
  • Ataatsimoorneq, ataatsimut eqqarsarneq – ataatsimoorlunilu akimuilluni sulianik naammassinnittarneq annertuumik ukkassaraatit
  • Politikkip ilinniagaqassutsillu akornanni sinnersaraaffimmiissinnaavutit
  • Sulisunik aqutsinerup sullivimmilu avatangiisit piginnaasanillu inerisaanerup sissuernissaat ilanngullugit kajungeraatit.

 

 

Neqeroorutigaarput

Atorfik pissanganartoq tamatigoortorlu, illit aqutsisutut immikkoortortamik nutaarluinnarmik pilersitsiniarnermi inerisaaqqinnermilu pingaarutilimmik pisussaaffeqassaatit. Unammilligassanik inerisaanissamullu periarfissanik pissanganartunik naapitsisassaatit, suleqatigiinnullu pimoorussisunut isumassarsinartunullu akuulerlutit. Ammasumik, qungujunnartumik assigiinngissutsinullu inissaqartitsisumik oqaloqatigeeriaaseqarneq suliffitta ilisarnaatigaa.

 

Attavissaq

Atorfik pillugu paasissutissat annertunerusut Aqutsisoqarfiup pisortaanut Malene M. Nielsenimut oqarasuaatikkut: +299 48 35 01 imal. mailikkut: mamn@peqqik.gl saaffiginninnikkut pissarsiarineqarsinnaapput

 

Qinnuteqarfissaq kingulleq:  27. september

Qinnuteqartunik oqaloqateqarnissat sap. ak. 40 ingerlanneqassapput

 

Atorfiniffissaq: 1. december 2019 immikkulluunniit isumaqatigiinnikkut.

 

Akissarsianut atorfininnermilu atugassarititaasunut tunngasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

 

Ineqarneq

Atorfimmut atatillugu malittarisassat atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.