Skip to main content
89

Dette jobopslag er udløbet

Nunatsinni sukkornermik inooriaatsimillu patsiseqartumik nappaatilinnut qitiusumik sullissivik Steno Diabetes Center Grønland (SDCG) Nuummiittoq suliniummi pisortamik/ allaffissornikkut ingerlatsinermi pisortamik soqutiginnilluinnartumik pissarsiorpoq

 

Nunatsinni sukkorneq nappaatillu inooriaatsimik patsiseqartut pillugit qitiusumik ilisimasaqarfimmik -inerisaavimmik nakorsaavimmillu nutaamik pilersitsinissamut ingerlatsinissamullu qitiusumik sullissivik, sukkortunik inooriaatsimillu patsiseqartumik nappaateqartunik nakorsaanerup nunatsinni innuttaasunut tamanut iluaqutaasussap nukittunerulersinnissaanut ingerlatsinermi peqataarusuppit? Taamaassappat tassaavutit SDCG-mi maanna pilersaarusiorneqartumi, nunatsinni Peqqinnissaqarfiup suliniummi pisortatut/ qitiusumik sullissivimmi allaffissornikkut ingerlatsinermi pisortatut pissarsiarerusutaa.

SDCG-mut qitiusumik sullissivimmi allaffissornikkut ingerlatsinermi pisortatut aqutsisoqatigiinni marluusuni (nakorsatut pisortaq allaffissornikkullu ingerlatsinermi pisortaq) aappaalissaatit. Marluullusi SDCG pilersissavarsi, ingerlatissavarsi ineriartortissallugulu.

SDCG-ip pilersinniarneqarnera maanna pilersaarusiorneqarpoq. Qitiusumik sullissivik pillugu anguniagassatut takorluugaq pillugu saqqummiussaq 2018-imi novembari qaammat Naalakkersuisunit aningaasaateqarfiullu Novo Nordisk Fondip siulersuisuinit akuersissutigineqarpoq. Najoqqutassiaq anguniagassatut takorluukkap piviusunngortinnissaanut pilersaarummik itisiliinertalik maanna suliarineqarpoq. Qitiusumik sullissiviup najoqqutassiaq Naalakkersuisunit aningaasaateqarfimmiillu Novo Nordisk Fondimit 2020-imi upernaakkut akuerineqassappat, 2020-ip qiteqqunnerani pilersinneqarnissaa naatsorsuutigineqarpoq.

Piareersaanermiit qitiusumik sullissiviup pilersaarutaasup pilersinneqarnissaata tungaanut ikaarsaarnermi, sapinngisamik annerpaamik ataavartitsinissaq qulakkeerniarlugu, suliniummik aqutsisutut /qitiusumik sullissivimmi allaffissornikkut ingerlatsinermi pisortatut atorfik maanna inuttassarsiuunneqarpoq. Suliniummi pisortat piareersaatitut najoqqutassiornermi peqataassapput najoqqutassiarlu akuerineqassappat pisortatut atorfinnut ikaarsaassallutik. Sullissivimmi nakorsatut pisortaq allaffissornikkullu ingerlatsinermi pisortaq suliniummi pisortatut maanna atorfinitsinneqassapput.

Qitiusumik sullissivik Peqqinnissaqarfiup sinnera qanimut suleqatigalugu inerisaassaaq nunalu tamakkerlugu sumi najugaqarneq apeqqutaatinnagu innuttaasunut iluaqutaasussanik neqerooruteqassalluni. Anguniagassatut takorluukkap piviusunngortinnissaanut pingaaruteqartoq atatitsisuusussarlu tassaavoq qarasaasiakkut nakorsiartsitsisarnerup nukittorsarneqarnissaa sullississutillu imminnut ataqatigiinnerat.

Suliniummi pisortat suliniutip allatseqarfiani najoqqutassiornermi inerisaallutillu peqataassapput, tamatumunngalu atatillugu suleqatigiinni ataatsimiinnernilu naapertuuttuni peqataasassallutik. Suliniummi pisortat aaqqisuussaannikkut peqqinnissaqarfimmi qullersat ataanni inissisimassapput.

Qitiusumik sullissiviup pilersinneqarnerani, siulersuisunik- pingaarnertut iliuusissanik siunniussinissamik isumaginnittussanik qitiusumillu sullissiviup aningaasartuutissatut missingersuutaanut ataatsimut akisussaasunik- pilersitsisoqassaaq. Qitiusumik sullissivimmi aqutsisut marluullutik aaqqisuussaanikkut assigiimmik inissisimaffeqartut ulluinnarni peqqinnissaqarfimmi qullersat ataanni inissisimassapput. Qitiusumik sullissiviup iliuusissatut siunniussinerni iliuuseqarnernilu aningaasaateqarfimmit Novo Nordisk Fondimit aningaasaliissutinit aningaasaliiffigisanut tunngasuni, aqutsisut SDCG’-ip siulersuisuisa ataanni inissisimassapput.

Qitiusumik sullissivik Nuummi inissisimaffeqassaaq. Qitiusumik sullissiviup sanaartorlugu naammassineqarnissaata tungaanut qitiusumik sullissivimmi aqutsisut Nuummi utaqqiisaagallartumik inissinneqassapput.

Nunatsinni sukkorneq inooriaaserlu pillugit iliuuseqarnerup nukittorsarneqarnissaa pillugu anguniagassatut takorluugaq nittartakkami: https://steno.dk/centre/steno-diabetes-center-groenland/ takuneqarsinnaavoq.

 

Suliniummi nakorsatut pisortaasoq qanimut suleqatigalugu suliassatit tassaassapput:

  • SDCG-ssap pilersaarusiorneqarnerani suleqataaneq.

Qitiusumik sullissivik pilersinneqarpat qitiusumik sullissivimmi nakorsatut pisortatut allaffissornikkullu ingerlatsinermi pisortatut suliassasi makkuussapput:

  1. Qitiusumik sullissiviup tassanilu suliassanik, najoqqutassiaq tunngavigalugu siunnerfiliineq
  2. Ilinniagaqassuseq, ilinniartitaaneq, inerisaaneq, suleqatigiinneq, sulisunik suleqatigisanillu peqataatitsineq qitiutillugit, qitiusumik sullissivimmik aaqqisuussaanikkut aallarnisaaneq ineriartortitsinerlu
  3. Pimoorussinermik, suleqatinik sulisunillu peqataatitsinermik qulakkeerineq kiisalu sullivimmi tamatumalu avataani annertuumik paasissutissiisarneq
  4. Peqqinnissaqarfimmi aqutsisunik allanik ilaatigut sinerissami qitiusumik imm. pisortanik, Napparsimmavissuarmi qitiusumik imm. pisortanik peqqinnissaqarfimmilu qullersanik qanimut ataqqeqatigiillunilu suleqatigiinnissamik qulakkeerineq.

 

Illit

Pimoorussisumik allaffissornikkut aqutsisussamik sutigut tamatigut ineriartortitsisinnaanermik periarfissanillu takunnissinnaasumik, suliniutinik ingerlatsisinnaasumik, inerisaasinnaasumik naliliisinnaasumillu pissarsiorpugut. Aqutsineq misilittagaqarfigissavat, allaffissornikkut ingerlatsinermi ilisimasavit qitiusumik sullissivimmi ulluinnarni ingerlatsinermi kiisalu ilinniakkat akimorlugit inerisaanermi suleqatigiillunilu suliniutini atornissaat, annertuumik soqutigisarissavat, ani-ngaasanillu aqutsineq (aningaasartuutissatut missingersuutit, naatsorsuutit nalunaarusiorneq) pikkoriffigalugit. Akisussaaffimmik tigusinissamut sapiissuseqassaatit siunnerfiliisinnaassallutillu taamaakkaluartorlu tamanit malinneqarnerit qulakkeersinnaassavat.

Qitiusumik sullissivimmi nakorsatut pisortaasoq peqatigalugu sulisut piginnaasatigut ilinniakkat akimorlugit periarfissaasa inerisarneqarnissaat ukkatissavat, Peqqinnissaqarfiullu sinneranut suleqatigisanullu naapertuuttunut nunatsinniittunut, Danmarkimiittunut nunanilu allani tamalaaniittunut ingerlalluartunik suleqatigiissuteqarnissaq qulakkeerlugu.

 

Tamatuma saniatigut kissaatiginarpoq:

  1. Naapertuuttumik qaffasissumik ilinniagaqarsimanissat, aqutsinermi misilittagaqarluartuunissat siunersioqatigiinneq, peqataatitsineq ilinniakkanillu akimuineq aqqutigalugit aqutsinikkut ersarissuunissat
  2. Attaveqatigiinnerup pitsaasup oqaloqatigiinnermik pilersitsisup pikkoriffiginissaa
  3. Aqutseriaatsip naleqartitanik pilersitsiviusup, aqutseriaatsip kinguneqarluartup suliniutinillu aqutsinerup ilisimasaqarfiginissaat imal. misilittagaqarfiginissaat
  4. Peqqinnissaqarfimmut tunngasunik ilisimasaqarnissaq ajornanngippallu nunatsinni Peqqinnissaqarfimmik ilisimaarinninneq
  5. Sullivimmi kulturit ilinniakkallu akimorlugit avatangiisini ajornartorsiutinik aporaaffiusinnaasunillu avaqqautaarisinnaaneq, nunatsinnilu pissutsinik ilisimaarinninneq.

Inuttut inussiarnersuunissat qiimasuunissallu pimoorussisunik pitsaasunik avatangiiseqarnissamik, ataatsimoornermik siunersioqatigiinnermillu pingaartitsisunik suleqateqarnissamik kajungerisaqartuunissat pingaartipparput.

 

Neqeroorutigaarput:

Atorfik pissanganartoq tamatigoortorlu illit aqutsisutut qitiusumik sullissiviup nutaarluinnaap pilersikkiartuaarneqarnissaani ineriartorteqqinnissaanilu pingaarutilimmik inissisimaffissat. Unammilligassanik pissanganartunik inerisaanissamullu periarfissanik siumuisassaatit qitiusumillu sullissivimmi aqutsisunut ilaalissallutit. Ammasumik, killilersugaanngitsumik oqaloqatigeeriaaseq qungujunnartunut assigiinngissutsinullu inissaqartitsisoq sullivitta ilisarnaatigaa.

 

Atorfiniffissaq: 01.03.2020 immikkulluunniit isumaqatigiissusiornikkut.

 

Atorfininnermi atugassarititaasut

Akissarsianut atorfinititseriaatsimullu tunngasuni isumaqatigiissutit atuuttut naapertorneqassapput.

Aqutsisoqarfiup pisortaanut Malene M. Nielsen-imut, mailikkut: mamn@peqqik.gl, imal. oqarasuaatikkut: +299 48 35 01

 

Saaffiginninnikkut paasissutissanik annertunerusunik pissarsisinnaavutit

 

Qinnuteqarfissaq kingulleq: 10/02/2020

Qinnuteqaat qarasaasiakkut aqqutigalugu Aqutsisoqarfiup pisortaanut Malene M. Nielsen-imut nassiunneqassaaq.

 

Qinnuteqartunik oqaloqateqarnissap sap. ak 8-mi ingerlanneqarnissaa naatsorsuutigineqarpoq.

Qinnuteqartup pisariaqarpat inuttut pissutsimut misilitsinnissaq piareersimaffigissavaa, qinnuteqartorlu isumaqatigiissuteqarfigalugu inuttaa pillugu oqaaseqaatinik pissarsiniassaagut.

Ansøgningsfrist: 10. februar 2020

Søg denne stilling