Skip to main content
112

Nunatsinni Peqqinnissaqarfimmi ataqatigiissaarinermi aqutsisoq misilittagalik

Aqutsisutut misilittagaqarpit inerisaanermut aqutsinermullu tunngasunik misissueqqissaartartuullutit? Taava atorfissaqartippatigit!

Nunatsinni Peqqinnissaqarfik aqqusaartukkanik ataqatigiissaarinermut immikkoortortami pilersinneqarlaami qullersanut siunnersuisutut pisortamik angusaqarusussusilimmik inerisaanissamillu siunnerfilimmik pissarsiorpoq.

Napparsimasunik nunatsinni nunattalu avataanut nakorsartikkiartorlutik/misissortikkiartorlutik angalasunik ukiumut 5000-it missaannittunik kinguneqarluartussamik ataqatigiissaarinissamik qulakkeerinissaq, immikkoortortami suliassat qiterissaasa ilagaat. Tamatuma saniatigut napparsimasut angalanerannik nakorsartinnerullu nalaani ineqarnerannik ataqatigiissaarineq, kiisalu Nuummi napparsimasut akunnittarfiannik ingerlatsineq, immikkoortortamit akisussaaffigineqarput.

Taamaalilluni immikkoortortaq sinerissami qitiusumik immikkoortortat Napparsimmavissuarmilu qitiusumik immikkoortortat akornanni atassuteqaataassaaq pingaarutilik  

 

Atorfik

Aqqusaartugassanik ataqatigiissaarinermi aqutsisutut akisussaaffimmik annermik tigummisalittut- ilaatigut napparsimasut aqqusaartugassaannik angalanissaannillu ataqatigiissaarinermik, kiisalu napparsimasunut akunnittarfiup peqqinnissaqarfimmik napparsimasunut ataqatigiissaagaanerusumik pilersitseqataasussanik inerisaaqqittussaassaatit pitsanngorsaasussaassallutillu.

Immikkoortortap pilersinnissaanut annertuumik akisussaaqataassaatit, aqutsisutullu pisariillisaanerit ingerlalluarnerlu qulakkiissavatit. Sulisut 35 missaat immikkoortortanut pingasunut: napparsimasut aqqusaartugassaannik angalanernillu ataqatigiissaarinermut, Nuummi napparsimasunut akunnittarfimmut allatsinullu agguataarsimasut, aqutsinikkut pingaarnertut akisussaaffigissavatit.

Tamatuma saniatigut ilaatigut makku suliassarissavatit:

  • Suliffeqarfiup iliuusissatut siunniussai anguniagaalu aallaavigalugit suliffeqarfimmik- sulisunik- aqutsisunillu inerisaajuarneq
  • Napparsimasut aqqusaartugassaannik angalanernillu pingaarnertut aqutsineq inerisaanerlu
  • Napparsimasunut akunnittarfimmik pingaarnerut aqutsineq inerisaanerlu.
  • Napparsimmavissuarmi allatseqarnermik pingaarnertut aqutsineq inerisaanerlu.
  • Immikkoortortami aningaasartuutissanut missingersuutinik aqutsinermik pingaarnertut akisussaasuuneq. 

 

Illit
Aqutsisumik nutaaliorusussusilimmik, angusaqarusussusilimmik unikaallarluni naliliisinnaassusilimmik pissarsiorpugut. Taamaalillutit immikkoortortami inerisaanissaq, nakimaatsumik kinguneqarluartussamillu ingerlatsineq qulakkiissavatit. Ilinniakkat akimorlugit isigalutit sulisunik inerisaanissaq ukkatissavat, Peqqinnissaqarfiullu sinneranik ingerlalluartunik suleqatigiissuteqarnissaq qulakkeerlugu.

Tamatuma saniatigut kissaatigaarput:

  • Naapertuuttumik qaffasissumik ilinniagaqarnissat aqutsinermillu misilitagaqarluarnissat kiisalu aqutsinermik siunersioqatigiinneq aqqutigalugu akuutitsinermik ilinniakkanillu akimuisinnaanermik ersarissumik tunniussisinnaanissat.
  • Attaveqatigiinnermik pitsaasumik oqaloqatigiinnermik pilersitsisinnaasumik pikkoriffeqarnissat.
  • Pisariillisaanermik tunngaveqarluni aqutsinerup aamma /imal. suliniutinik aqutsinerup ilisimasaqarfiginissaa imal. misilittagaqarfiginissaa
  • Aningaasaqarnerup tappiffiginissaa
  • Nunatsinni Peqqinnissaqarfiup ilisimasaqarfiginera iluaqutaassaaq.
  • Sullivimmi kulturit ilinniakkallu akimorlugit avatangiisini ajornartorsiutinik aporaaffiusinnaasunillu avaqqutaarisinnaanissaq, nunatsinnilu pissutsinik ilisimanninnissaq.

 

Neqeroorutigaagut

Atorfik pissanganartoq tamatigoortorlu, illit aqutsisutut immikkoortortamik nutaarluinnarmik pilersitsiniarnermi inerisaaqqinnermilu pingaarutilimmik pisussaaffeqassaatit. Unammilligassanik inerisaanissamullu periarfissanik pissanganartunik naapitsisassaatit, suleqatigiinnullu pimoorussisunut isumassarsinartunullu akuulerlutit. Ammasumik, qungujunnartumik assigiinngissutsinullu inissaqartitsisumik oqaloqatigeeriaaseqarneq suliffitta ilisarnaatigaa.

 

Attavissaq

Atorfik pillugu paasissutissat annertunerusut Aqutsisoqarfiup pisortaanut Malene M. Nielsenimut oqarasuaatikkut: +299 48 35 01 imal. mailikkut: mamn@peqqik.gl saaffiginninnikkut pissarsiarineqarsinnaapput

 

Qinnuteqarfissaq kingulleq:  27 september 2019

Qinnuteqartunik oqaloqateqarnissat sap. ak. 40 ingerlanneqassapput

Atorfiniffissaq: 1. december 2019 immikkulluunniit isumaqatigiinnikkut.

 

Akissarsianut atorfininnermilu atugassarititaasunut tunngasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

 

Ineqarneq
Atorfimmut atatillugu malittarisassat atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Inissiap qanga sananeqarsimanera, piginnittua il.il apeqqutaallutik ineqarnermut akiliut aamma inissiap pitsaassusaa nikerarsinnaapput. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfittut inissianut inissiisoqarallarsinnaalluni, taakkulu akileraaruserneqassapput.