Skip to main content
142

Dette jobopslag er udløbet

Takornariaqarnermik Aqutsisoq piujuartitsineq aallaavigalungu takornariarfissanut ineriartortitsinermut tappissusilik

Takornariarfissanik ineriartortitsisuuit, suliniutinillu arlariinnik ataatsikkut ingerlatsineq nuannaraajuk? Nammineerlutit ingerlatsinermut, inerisaanermullu tunngatillugu namminersuutigalugu sulineq nuannaraajuk? Kommune Qeqertalimmi malunnaatilimmik inuussutissarsiornikkut takornariaqarnikkullu inerisaaqataarusuppit? 

 

Taamaappat illit tassaavutit Takornariaqarnermik Aqutsisussarput!

 

Kikkuuvugut?

 

Destination Diskobay tassaavoq Kommune Qeqertalimmi takornariaqarnikkut takornarialerinermullu siunnersuisoqarfik, taamatuttaaq Qeqertalik Business Council inuussutissarsiuteqartitsinikkut inerisaanermik siunnersuisarfittut immikkoortortaalluni. 

Allaffeerannguuvugut kommunip iluani inuussutissarsiuteqarnikkut takornariaqartitsinikkullu attaveqaatigissaarluartut, kiisalumi piginnittutsinnut.

Qitiusumik Aasianni allaffeqarfeqarpugut, illoqarfiullu qeqqani illuni suli atuuttuni pisoqaanerpaasumi inissisimalluta. Aasianniiginnartanngilagulli. Kommunitta iluani inoqarfiit ukiumut arlaleriarluta angalaffigisarpagut, isumasioqatigiinnerit, nittarsaasseqatigiinnerit, ataatsimiinnerillu allat peqataaffigisarlutigit. Naatsorsuutigaarpullu illit qulaani angalanernut taaneqartunut peqataasassasutit.

 

Qeqertarsuup tunuani takornariaqartitsinermik periarfissarpassuaqartumi, Takornariaqarnermik Aqutsisoq ataatsimoorussamik nittarsaassissutissamik brandimik pilersitsinissamik suliniuteqassaaq. Tamannalu sumiiffinni attuumassuteqarfiusuni takornarialerisut peqatigalugit suliassaassalluni. Atorfimmut atatillugu minnerpaamik ukiumut ulluni 70-ni angalaffiusarnissaa naatsorsuutaassaaq.

 

Kinaavit?

 

  • Takornarialerinermut, inuussutissarsiutilerinikkut, aningaasaqarnikkut, attaveqaqatigiinnikkulluuniit sivisunerusumik ilinniagaqarnissat imal. assigusunik misilittagaqarnissat.

 

  • Nammineerlutit suliassanik suliaqarsinnaanissat, suliassanullu amerlasuunut piareersimasuunissat, suliassat assigiinngitsut amerlammata.

 

  • Inukkuminartuussaatit, periarfissanullu assigiinngitsunut ammasumik eqqarsartuullutillu paasinnissinnaassuseqassaatit.

 

  • Suliavut neqeroorutivullu tamatigut kalaallisut, danskisut tuluttullu ingerlasarmata, iluaqutaassaaq oqaatsit taakku tamarmik atorlugit allassinnaallutillu oqalussinnaaguit.

 

  • Paasissutissanik ingerlatitseqqiinissamik pikkoriffeqarlutit kiisalu aallarnisartunik nittarsaassinissamut takornariaqartitsitsinermullu tunngasunik pikkorissaaqataasinnaaguit iluaqutaassaaq.

 

  • Pitsaassaaq silaannaap kissatsikkiartorneranut kiisalu piujuartitsinermut tunngatillugu nalunaarsuinermut ilisimasaqaruit, pingaarnertulli piujuartitsitinissamik siunertaqarluni sulinermi annertuumik sunniuteqaqataarusunnerit naqissusersinnaagukku, aaqqiissutissanillu nassaassarsioqataanissamut peqataarusussuseqarlutit.

 

 

 

 

Suliassat qanoq imaqarpat?

 

Suliffeqarfik namminersortoq, kommunimi pigineqartutut, kommunimut sullissinissamut isumaqatigiissut naapertorlugu sulivugut, tamassumanilu akisussaaffilerneqarpugut sukumiinerusunik periusissiatut pilersaarutinik suliaqartarnissamut, tamatumani takornariaqarnikkut inuussutissarsiuteqarnikkullu kivitseqataanissarput akisussaaffigalutigut. Illit sulinerni periusissiatut pilersaarutit uummarissarnissaat suliassarissavatit, ilaanni ataani allassimasunik imaqartut:

 

  • Projektit siuttuuffigalugit periusissiatut pilersaarutit ingerlanneri, ilaatigut ataatsimoorussamik immikkoortortaqarfitsinnik nittarsaassinissamut suliniuteqaqataaneq, ilaatigut kommunit, inuussutissarsiutitigut siunnersuisoqatigiit aammalu immikkoortortaqarfitsinni takornarissanik sullissisut suleqatiginerisigut.

 

  • Niuernikkut inerisaanermut misissuinerit, periusissianillu suliaqarnerit aamma Qeqertalimmi takornariaqarnikkut aningaasanik missingersuinerit, taamatuttaaq immikkoortortaqarfimmi nunalu tamakkerlugu takornariaqarnikkut periusissiorneq.

 

  • Suliassaqarfiit aalajangersimasut, kommunimut suliarineri. Matumani kommunimut aningaasaqarnikkut missingersuusianut innersuusiornerit, ukiumoortumik inuussutissarsiornikkut pilersaarutivut il.il

 

  • Piujuartitsinermut paasissutissanik katersineq, piujuartitsinermut najoqqutassiorneq, FN-illu Nunarsuarmi anguniagai 17 ilisimaarinissai. Taamaasiornikkut sulinerput sullissinerpullu qaffasinnerpaamik ingerlassinnaanera siunnersuisinnaanerlu angusinnaanissaa qulakkiissallugu.

 

Taamatuttaaq naatsorsuutigaarput, ulluinnarmi ingerlatsinermut suleqataasarnissat soorlu ataani allassimasut:

 

  • Sulianik aqutsisoq peqatingalugu takornariaqarnikkut inuussutissarsiornikkullu allakkianik oqaluttuanillu allaaserinninnerit.

 

  • Inuussutissarsiornikkut takornariaqarnikkullu aallarnisartunut pioreersunullu aammalumi innuttaasunut isumassarsianik siunnersuinerit.

 

  • Nunatsinni nunanilu allani qulequtarisamut isumasioqatigiinnernut ataatsimeersuarnernullu peqataasarnerit.

 

Aasianni atorfimmik neqerooruteqarpugut, immikkoortortaqarfimmi inerisaanermut inerisaaqataanissamullu periarfissagissaarluartumut.

 

Atorfinitsitineq pissaaq isumaqatigiissusuiornikkut, piffissami qaninnermi immaqaluunniit piaarnerpamik. Taamaattoq qinnuteqarfissaq kingulleq ulluliunneqarpoq 20. januaari 2023.

 

Atorfik inuttalerneqartussaq eqqarsaatigalugu inissiamik nassaarniarnermut ikiuussinnaavugut.

 

Qinnuteqarnermi Qeqertalik Business Council pisortaanut Gerth P. Olsenimut, CV, oqaaseqaatit, allagartallu nassiunneqassapput uunga allagaqarnikkut gerth@qbc.gl.

 

Atorfik pillugu paasisaqarnerorusukkuit mailikkut oqarasuaatikkulluunniit +299 558282 paasiniaasinnaavutit.