Skip to main content
144

Dette jobopslag er udløbet

Kollegiemi pædagog

Campus Kujalleq soqutinnittumik tunniusimasumillu ilinniartut ineqarfiini perorsaasumik pissarsiorpoq
Campus Kujallermi inuusuttuaqqat ilinniartut najugaqarfianni najugalinnut, najugaqartunut perorsaasutut ilinniarsimasumik ataatsimik pissarsiorpoq, taamatullu inuusuttuaqqanut ilinniagalinnut ataqqinnittumik, ulluinnarnilu inuusuttuaqqat  inooriassaanik ilusilersuisinnaasumik, aammalu sunngifimmi  ilinniakkamut naapertuuttumik sammisassaqartitsinermi ilusilersueqataasinnaasumik pissarsiorpugut.
 
Inuusuttuaqqat ilinniartut najugaqarfianniittut Nuna tamakkerlugu aggersuupput, tamaatumillu nalinnginnaavoq najugaqartut angajoqqaavi  ikinngutaallu ungasissumi najugaqarnerat. Tamaattumik taakkununnga angerlarserneq maqaasisaqarnerlu ulluinnarsiutaasinnaapput.
 
Taamaattumik ilinniarnertuunngorniarfik,  ilinniartunut najugaqarfiini eqqarsaataavoq, najugaqarfinni perorsaasutut sulisunik atorfinittoqarnissaa, ulluinnaat ilinniartut angajoqqaaminnik ikinngutiminnillu qimataasimasutut misigisimanerat qaangerniarlu sammisanik assigiinngitsunik inuusuttuaqqat ataasiakkaat immersueqataaffiginissaat.
Amerlanertigut ilinniartut inuusuttuaqqat ullaakkut iternissartik  ajornakusoortittarpaat, ilaqartarpullu nerisassanik peqqinnartunik nerinissamik takorluuisinnaanngitsunik, aammattaaq unnukku innarnissaminnut ilaatigut kingusinaasinnaasartut, qarasaasianik pinnguaatinik sammisaqarneq pissutigalugu. Naggasiullu inuusuttuaqqat ilai isumaqartarput ilinniagassat ilinniarnissaat pingaaruteqanngitsut.

Najugaqarfimmi perorsaasutut atorfinikkuit, najugaqarfimmi perorsaasoq ataaseq najugaqarfimmilu igasut pingasut suleqatigilissavatit, aammalu ilinniarfimmi ilinniartitsisut, najugaqarfiillu allaffeqarfiini sulisuusut.

Qulaanni taaneqartut ilinnut soqutiginartuussappata,ilinniit kajumissusilimmik qinnuteqaammik perusuppugut, tassanngalu ilinniarsimasatit ilisimasatillu suliffigiligassanut nassatarisinnaasatit ilanngullugit qinnuteqaatinnut ilanngutissavatit. Qennuteqarninni aammattaaq ilanngutissavatit, inuusuttuaqqanut ataasiakkaanut, inuttut ineriartorneranni qanoq kivitseqataanissannut qanoq takorluuinerit ilanngutissavat, iliniakkamik naamasinnisinnaanerat anguniarlugu, peqqissumik inooriaseqarnissaat kiisalu inuiaqatigiini (illoqarfimmilu) samisaqartitsinernut akuunissaat.

Najugaqafinni perorsaasutut makku ilaatigut suliassarissavatit:

  • Ulluninnarni najugaqartut attaviginissaat, najugaqarfinni illit akisussaafigiligassanni
  • Najugaqartut sammisassaanik pilersitsineq, peqataanerlu
  • Eqqiluitsuunissamik siunnersuineq, taamatullu peqqinnartunik nerisassiornermik
  • Najugaqarfinni malittarisassat najugaqartunut malitisnnissai
  • Sullivimmik nikerartumik sulisinnaaneq, unnukku sap.ak. naanerini
  • Najuqarfinni igasuusut, ilinniartunut aqqutissiuvisut, najugarfiillu allaffeqarfiini sulisut ulluinnarni qanimut suleqatiginissai

Naatsorsuutigaarput:

  • Perorsaasutut, imaluunniit isumaginnermut tunngassutilimmik ilinniagaqarsimanissat.
  • Attaveqagiinnermut pikkoriffeqassasutit, tulleriaarisinnaasumik akuersaartumillu perorsaanermut suleriuseqartutit.
  • Nammineesinnasuseqartutit ilusilersuillaqqittutillu
  • Inuusuttuaqqanik 15-niik 18-nit tikillugit ukiulinnik sullisisinnaanissat  (ajornanngippat 23-nik ukiullit tikillugit)
  • aammasumik siunissaqarnissaat unammillernartumik sullisiginissaa pilersiteqataaffiginissaalu
  • Misigissuseqarlutillu najugalinnut oqaloqatiginnisinnaassasutit
  • Qiimasuullutillu pitsaasumillu najugalinnut kiinnertarnissat
  • Marlunnik oqaaseqarnissat (kalaallisut, qallunaatullu)

Makkua neqeroorutigaavut:

  • Suleqatit pimoorussisut
  • Akisussaaffimmik annertuumik tunniussaqarneq, nammineersinnaanerlu
  • Najugaqarfinni perorsaanermik siuarsaanermik suliaqarnermi kiffaanngisuseqartitaaneq
  • Ajunngitsorsiassat, soorlu nukkasarfinnut akeqanngitsumik isersinnaaneq, sisoraatinik qaannanillu atorsinnaaneq
  • Suleqatigiillusi annissueqatigiinneq (supervision) allat peqatigalugit annissueqatigiinneq

Atorfimmut annertunerusumik paasisaqarusukkuit ilinniartut najugaqarfiini pisortaasoq  Jakob Noahsen tlf. +299 64 44 00 imaluunniit jn@cak.gl -mut allagaqarlutit.
Annertunerusumik Campus Kujalleq paasisaqarfigerusukukku, nittartagaq www.cak.gl iserfigalugu pissarsiarisinnaavatit.

Qinnuteqaatit kingusinnerpaamik 28. juni 2019 Campus Kujalliup nittartagaatigut takoqqusaarutikkut uploadineqassaaq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk