Brøndum Grønland A/S Nuummi immikkoortortaqarfimminut naatsorsuuserisumik pikkorissumik, aaqqissuussisinnaasumik misilittagalimmillu pisariaqartitsivoq. Illit tassaaguit suliassat piffissaq eqqorlugu suliarineqarnissaannik qulakkeerinnissinnaasoq tamatumunngalu peqatigitillugu suleqativit takkuttarnerminnut soraarnerminnullu nalunaarsuisarnertik puigoraangassuk qungujulaannguarlutit ”naveersinnaagukkit”, taava suliffissaqartippatsigit.

Nuummi immikkoortortaqarfitsinni suliniutinik soqutiginartunik amerlasuunik ulapputeqarpugut. Taamaattumik naatsorsuuserisumik aamma ingerlatsinermi ataqatigiissaarisumik, ulluinnarni allaffeqarfimmik ingerlatsisinnaasumik pissarsiorpugut. Uatsinni namminersorlutit tatigineqarlutillu inissisimassaatit, suliassavillu utaqqiinnarpaatit.

Suliassatit pingaarnerit tassaapput: 

• Akissarsialerineq 
• Akiitsulinnik nalunaarsuineq
• NAV-imut atatillugu Danmarkimi aningaasaqarnermut immikkoortortaqarfivut suleqatigalugit malinnaalluni suliaqarneq
• Allaffissornermi suliassanik,suleqatinik, biilinik, inissianik, qularnaveeqqusiinernik Nunatsinni Danmarkimilu immikkoortortavut allat peqatigalugit ataqatigiissaarineq
• Nuummi sulisunut tamanut angalanissanut ataqatigiissaarineq
• Suliassat nukinginnartut, soorlu Kiffartuussinermut immikkoortortanut il.il. malinnaalluni nalunaarsuinerit.

Suliffiik piffissaq tamakkerlugu suliffiuvoq, aamma naatsorsuuserinermut qullersamut Immikkoortortamilu pisortamut qaniginerpaasatut suleqateqassaatit.

Suliffimmut eqqortumik inuttaliunneqartussaq:

·       NAV-imik aamma Excelimik misilittagalik

·       Suliassanik qulaani taaneqartunik ikinnerpaamik ukiunik pingasunik misilittagalik

·       Inuiaqatigiinnik kalaallinik aamma kalaallit oqaasiinik ilisimasaqarluartoq paasisimasaqarluartorlu

• Suliumatussuseqarluarputit, aaqqissuussisinnaallutit piffissarlu eqqorlugu suliassat suliarineqarnissaannik ataqqinnittuullutit, pitsaassutsimik pingaartitsillutit
• Ulluinnarni ulapiffiusinnaasuni paatsiveerusimaarnak suliassanik isumaginnissinnaavutit

Suliffigisassannut isiginneriaatsitit assigiinngitsorpassuusinnaapput, pingaarnerpaavorli aaqqissuussisinnaanerit, piffissani assigiinngitsuni sulisinnaanerit, aaqqiissutissanik ujartuisinnaanerit aamma suleqatikkuminartuunerit.

Kikkuuvugut 
Kalaallit Nunaanni ruujorilerisutut suliffeqarfiuvugut Nuummi, Sisimiuni aamma Ilulissani immikkoortortaqarfeqarluta sineriallu tamakkerlugu sanaartugassanik ingerlataqaleruttorluta. Kalaallit Nunaanni suliakkerneqartarnernik ukiorpassuarnik misilittagaqarnitsigut ilisimasassanik asseqanngitsunik sinerissamilu sumiiffinnik assigiinngitsunik sulinermi atugassarititaasunik ukiorpassuarnik misilittagaqarnitsigut ilisimasaqalersimavugut. Brøndum Grønland A/S 85-it missaanniittunik sulisoqarpoq, taakkunannga 50-it missaat Nuummi sulisorineqarlutik.

Suliffimmik soqutiginnikkuit

Inuuninni taasassat pingaarutillit pillugit nassitsigut, siunnerfeqarluartumillu qinnuteqaateqarlutit, oqaluttuullutalu sooq illerpiaq suliffimmut piukkunnaateqarnerlutit.

Sulilernissaq: Sapinngisamik piaarnerpaamik, eqqortumilli qinnuteqartoqartoqarnissaa utaqqisinnaavarput.

Atorfik pillugu apeqqutissaqaruit immikkoortortami pisortamut Lasse B. Moustenimut oqarasuaammut angallattakkamut uunga +299 544646-mut imaluunniit mailikkut lbm@brondum.gl-imut saaffiginnissinnaavutit.

Qinnuteqaatit aamma CV uunga nassiutikkit lbm@brondum.gl. Sammisatut allaffissami allassinnaavat ”Bogholder/driftskoordinator”.

Uagut pilluta annerusumik uani atuarit http://www.brondum.gl/