Skip to main content
150

Dette jobopslag er udløbet

Betoncentralen ingerlatsinermut aqutsissusarsiorpoq

Blandemestererput unammilligassamut allamut ingerlaqqikkusummat suleqatissatsinnik nutaamik pissarsiorpugut.

Suliffeqarfitta aaqqissugaanera iluatsillugu allanngorsarparput, taamaammallu ingerlatsinermut aqutsisussarsiorluta.

Ulluinnarni Fabrikschefi qaninnertut suleqatigissavat, taassuma fabrikimi sulisut ullormullu isumagisassat allat akisussaaffigai.
Betoncentralen maanna aqqanillit aqqaneq-marlullu akornanni sulisoqarpoq, betonngilerisunik ujaqqanillu aserorterisunut agguataarsimasunik.

Misilittakkatit apeqqutaavallaanngillat ilinniartinneqarluarumaaravit.

Sanasutut misilittagaqaruit, betonngilerinermulluunniit ilisimasaqaruit iluaqutaassaaq piumasaqaataananili.

Ingerlatsinermut aqutsisutut betonngilerineq piareeriikkanillu nioqquteqarneq akisussaaffigissavat.

Betonnginik akoorineq qarasaasiatigut sulinikkut ingerlasarpoq, illillu taanna sulillutit atorsinnaassavat.

Taamaammat qarasaasiatigut MS Office ilisimasaqarfigissavat.

Atorfiup imarisai:

  • Sanaartorfinnut assartugassanik pilersaarusiorneq.
  • Inniminnikkat oqarasuaatikkut tigoorarnissaat.
  • Betonngip assigiaap najoqqutassat malillugit akoorneqartarnissaa.
  • Betonngileriffimmi aaqqissuussamik aserfallatsaaliineq.
  • Nioqqutissiornermut atortussanik inniminniinnerit.

Ulapaarfiunngitsumi suliassanik allanik suliaqarsinnaanerit naatsorsuutigineqarpoq.

Immikkut isumaqatigiissusiornikkut atorfinitsinneqassaatit, piginnaasat aallaavigalugit aningaasarsiaqarlutit, sulliseqassallutit ass.

Inatsit atuuttut aallaavigalugit suliffimmut atatillugu inissiamik najugaqarfissamik biilinillu innersuussisoqarsinnaavoq.

Suliffik akunnerni aalajangersimasuni suliffiunngilaq, sapaatip-akunneranillu akunnerit 50-it qaangerneqartannginnissaat naatsorsuutigineqarpoq.

Sapaatip-akunnera allortarlugu arfininngorneq suliffiuvoq.

Fabrikchefi suleqatigalugu taakku isumaqatigiissutigineqassapput.

Atorfik ingerlaannaq sulilerfiussaaq.

Atorfik pillugu paasisaqarnerorusukkuit attavissat:
Fabrikschef Jan Pedersen, imaluunniit
Pisortaq Knud-Erik Mogensen

info@betoncentralen.gl / Oqa. +299 32 02 47