Skip to main content
89

Dette jobopslag er udløbet

Nuummi privatkunderådgiverissarsiorpugut

Nutaanik misilittagaqarusuppit? Privatinik sullissinitta suli ineriartortuarsinnarnissaanut suleqataarusuppit? BankNordik Nuummi immikkoortortaqarfitsinni massakkorpiaq privatkunderådgiverissarsiorpoq.

 

Aningaaserivimmi privatinut inuussutissarsiortunullu immikkoortortaqarfeqarpugut – katillugit sulisut 18-iuvugut, eqeersimaartuuvugut, ulluinnarnilu nuannisaqatigiittarlutalu ikioqatigiittarluta. Ulluinnarni nuannisaqatigiinneq suleqatigiinnerlu pingaartitaraagut – taamaammat suleqatigiinnissaq kissaatigalugulu pikkoriffigigukku assorsuaq iluatinnassaatit.

 

Suliassatit
Uatsinni privatkunderådgiveritut sulileruit pissanganartumik suliffeqalissaatit. Suliffeqarfitsinni tamatta naleqqatigiilluta aaqqissuussaavugut, sunniuteqarnissamut periarfissaqartitaalluta, namminerlu sullitarisatta isumaginissaannut inerisarnissaannullu akisussaaffeqarluta.

 

Ulluinnarni sullitatit qanimut attavigisarumaarpatit, ilaatigut sullitaareersunik ataatsimiisitsillutit, ilaatigullu sullitarilersinnaasannik ataatsimiisitsillutit; pingaarnertut sullitanik nutaanik pissarsiornissaq aallunneqarumaarpoq, niuerfimmi ineriartorneq annertoqimmat.

 

Sullissavit immikkut inissisimaffiat aallaavigalugu pitsaanerpaamik siunnersortarnissaat pingaarnertut suliassarissavat. Tassami BankNordikimi sullitavut naleqqatigalugit naapittaratsigit,paasinartumillu toqqaannartumik oqaluttarluta.

 

Tamakkua saniatigut suliffissaq tamatigoortuuvoq, pikkorissartuarnissamut ammaassisoq, kiisalu suliffinnik ilusilersueqataanissannut isumassarsiannillu piviusunngortitsinissannut periarfissaqartitsisoq

 

Imaattuuvutit

  • Naatsorsuutigaarput sullitanik privatinik siunnersuineq misilittagaqarfigigit, kiisalu aningaaserinermut tunngasuni tamatigoortumik ilinniarsimasutit, soorlu assersuutigalugu ineqarneq, pensioni/pensionimut sillimmasiineq, aningaasaliinerlu ilisimasaqarfigalugit.

  • Pensionimut tunngasut misilittagaqarfigalugillu immikkut soqutigisarigukkit tamanna iluaqutigissavat.

  • Niuernermut tunngasunut pikkorissuugavit sullitanik ataatsimeeqateqaraangavit angusarissaartarnissat naatsorsuutigaarput – sullitap bankillu iluaqutissaanik.

  • Anguniagassanik annertuunik piviusunngorsinnaasunik anguniagaqartarputit

  • Inuttut oqaluukkuminartuuvutit, suliffiullu eqeersimaarfiunissaanut nuannersuunissanullu sunneeqataasarlutit.

  • Inuttut sullissilluarusuttuuvutit, pitsaasumillu eqeersimaartumillu siunnersuisarlutit. Sullitaq qitiutillugu sullissisarputit, taassumalu pisariaqartitai periarfissarisaalu aallaavigalugit siunnersuisarlutit. Aningaasaqarnermut tunngasut pikkoriffigigakkit siunnersuigaangavit pissutsit aningaasaqarnermut tunngasut tamaasa tikittarpatit.

  • Qallunaatut akornuteqarnak allassinnaallutillu oqalussinnaanissat naatsorsuutigaarput. Kalaallit oqaasiinik ilisimanninneq kiisalu Kalaallit Nunaannit misilittagaqarneq soorunami iluaqutaassapput, tamakkuli piumasaqaataanngillat.

 

Qinnuteqarneq
Qinnuteqarfissaq kingulleq tassaavoq tallimanngorneq martsip 24. 2021. Innersuussut una atorlugu qinnuteqassaatit

 

Atorfik pillugu sukumiinerusumik paasisaqarusukkuit Privatkundedirektør René K. E. Sørensen attavigisinnaavat uunga res@banknordik.gl imaluunniit tlf. +299 54 45 45.