Skip to main content
89

Dette jobopslag er udløbet

Nuummi immikkoortortaqarfitsinni aningaasarsiornermut tunngasunut ilinniartunngorit

BankNordik bankiuvoq savalimmiuninngaanneersoq maanna nunani pingasuni suliaqartoq. Aningaaserivipput ineriartortuarpoq, suliatigullu ilinniakkatigullu ineriartorfissaqqissunik periarfissiisarluni.

BankNordikimi ilinniartunngoruit aningaasarsiornermut tunngasunut ilinniagaq tunngavissaqqissoq, suliatigullu inuttullu ineriartuutissaqqissoq ingerlatissavat. Danmarkimi, Kalaallit Nunaanni, Savalimmiunilu immikkoortortaqarfeqarpugut, massakkorpiarlu Nuummi marlunnik ilinniartussarsiorluta.

Ilinniagaq pillugu

BankNordikimi ilinnialeruit akuerisaasumik ukiunik marlunnik sivisussusilimmik ilinniagaqassaatit, ulluinnarnilu assigiinngiiaartunik suliaqartarsinnaassallutit. Bankimi immikkoortortaqarfiit assigiinngitsut misilittagaqarfigissavatit, ilaatigut sullitat ineqarneq, pensioni, aningaasalersuinerlu pillugit siunnersornissaat pillugit ilikkagaqarlutit. Namminersorlutit suliaqarsinnaalernissat siunertaralugu ineriartornissat pingaartipparput, sullitat qanimut attavigisinnaaniassagakkit, attavissanillu suleqatigisassannik pissarsiortorluarlutit. Ilinniarneq atuagarsornermik timitalimmillu misilittagaqarnermik imaqarpoq, ilaatigut atuariartortassaatit ilaatigullu immikkoortortaqarfitsinni suliaqartassallutit. Taamaasillutillu siunissami BankNordikimi aningaaserinerup silarsuaani siunnersortitut sulinissannut tunngavissaqqissumik ilinniagaqassaatit.

Ilinniagaq ukiunik marlunnik sivisussuseqarpoq, piffissallu taassuma iluani Danmarkimut ilinniariarneq ilaassaaq. Danmarkimiinninni bankip immikkoortortaqarfiini assigiinngitsuni sulissaatit, suliatigut unammillerneqarlutit, assigiinngitsunik misigisaqarlutit, inunnillu allanik naapitsillutit.

Uku piumasaqaatigaagut

Uku arlaat naammassisimassavat: HHX, NI1 imaluunniit TNI18. Tassunga ilanngullugu ilinniarnerpit nalaani kingornaluunniit misilittagaqaruit iluaqutigisinnaavat – soorlu immaqa sullitanik kiffartuussinermik suliaqarsimaguit. Namminersorsinnaanissaq, angusaqarusussuseqarneq, inuttullu inerisimasuunissaq pingaartipparput, aammalu inunnik assigiinngitsorpassuarnik attaveqarusunnissaq. Inuttut sullisserusuttuussaatit, orniginartuullutit, ammasuullutillu, aammalu pilersaarusiorluarsinnaallutit suliassallu assigiinngitsorpassuit aqussinnaassallugit.

Aningaasarsiornermut tunngasut soqutigisariaqassavatit sammerusullugillu, ulluinnarnilu sulianik naammassinnilluarsinnaallutit. BankNordikimi ineriartortuarnissaq pitsanngoriartortuarnissarlu assut pingaartippagut. Taamaammat ilinniartuuniaruit nutaanik isumassarsiorsinnaanissat, eqeersimaartuunissat, periarfissanillu takunnissinnaanissat naatsorsuutigaarput.

Imatut uagut tunniussisinnaavugut

BankNordikimi ilinniartuutitta angusaqarluarnissaat pingaartittarparput. Ilinniarneq pikkunarpoq sakkortusinnaallunilu, nalinginnaasumillu ilinniartuutitta siunissami uatsinni atorfeqalernissaat siunertaralugu ilinniartitsisarpugut, qaffassarlunilu ilinniarnissanik piukkunnartunik neqerooruteqartarluta. Pikkorissunik eqeersimaartunillu suleqateqassaatit, ulluinnarnilu pissanganartunik ilinniarfiulluartunillu misigisaqartarnissat naatsorsuutigisinnaavat. Immitsinnut tapersersoqatigiilluta ittoorinatalu sulisarpugut, suleqatigiinneq qiimasuunerlu ulluinnarsiutigalugit.

 

Paasisaqarnerorusuppit?

banknordik.gl/elev-imut iserlutit ilinniartuuneq pillugu uagullu pilluta paasisaqarnerusinnaavutit. Apeqqutissaqassaguit privatkundechefitsinnut Pia Holm Jensenimut attaveqarnissannut tikilluaqqusaavutit uunga: tlf. 34 79 10 imlt. e-mailikkut: pho@banknordik.gl

 

Qinnuteqarneq

Iligerusuppitigut? Ilinniartussarsiornitsinnut qisuariarlutit qinnuteqarsinnaavutit, allatanni ilaatigut uku oqaluttuaralugit:

  • Sooq BankNordikimi aningaasarsiornermut tunngasunut ilinniartunngorusunnerlutit
  • Imminut ilisaritilaarlutit, sunngiffimmilu sunik sammisaqartarnerlutit
  • Ilinniarnerpit nalaani tassunga attuumassuteqartumik suliffeqarsimanerlutit, imaluunniit immaqa nunani allaniikkallarsimanerlutit

Qinnuteqaatit innersuussut una atorlugu nassiuguk – kingusinnerpaamik februaarip 23.-ani. Qinnuteqarninni eqqaamallugu ilinniakkannit uppernarsaatit kakkiunnissaat, piukkunnartunillu oqaaseqaataateqaruit aamma taakku ilanngunnissaat. Qinnuteqaatinik nassitsikkaangatta kingunitsianngua oqaloqatiginninnissat isumaginiartarpagut, taamaammat piaartumik qinnuteqarnissat innersuussutigaarput.

 

Send din ansøgning via dette link