Skip to main content
88

Dette jobopslag er udløbet

Kalaallit Nunaanni Ungdomsbankenimi aqutsisussamik

Nutaanik pissanganartunik suliassarsiorpit? Suliniummik aallartitsillutillu ingerlatsisinnaavit? Taamaappat imaassinnaavoq Kalaallit Nunaanni Ungdomsbankenimi aqutsisussatut piukkunnartutit.

Aningaaserivimmi privatinut inuussutissarsiortunullu immikkoortortaqarfeqarpugut – katillugit sulisut 18-iuvugut, eqeersimaartuuvugut, ulluinnarnilu nuannisaqatigiittarlutalu ikioqatigiittarluta. Ulluinnarni suliffimmi nuannersumi pitsaanerpaamik naammassisaqartarnissaq sullitanullu pitsaanerpaamik siunnersuisarnissaq anguniagaraagut.

 

Atugassarititaasut

  • Akisussaaqataaneq sunniuteqaqataanerlu, suliffeqarfiup aaqqissuussaanerani sulisut tamarmik naligiipput, nukittoqatigiinnerlu tapersersoqatigiinnerlu ilisarnaataallutik
  • Isumassarsiatit piviusunngortillugit suliffinni sunniuteqaqataasinnaassaatit
  • Suliffik tamatigoortoq, piginnaasat tungaatigut inerisarneqarnissamik periarfissiisoq.
  • Akisussaaffik annertooq angusarissaarnissamik periarfissiisoq, nunani avannarlermi ingerlatseqatigiiffiup iluani
  • Ingerlatseqatigiiffiup iluani suleqaterpassuarnut attaveqarneq

 

Suliassatit
Ungdomsbankenimi aqutsisunngussaguit sullitat inuusuttut qitiutillugit immikkoortortaqarfimmik ingerlalluartumik pilersitsinissaq akisussaaffigissavat. Savalimmiuni Danmarkimilu Ungdomsbankit ingerlatagut isumassarsiorfigalugit suleriaatsimik Kalaallit Nunaannut tulluarsakkamik pilersitsissaatit. Ingerlatseqatigiiffimmi BankNordikimi Ungdomsbankit allat aqutsisui qanimut suleqatigalugit suliaq tamanna pissaaq, suleqatigiinnerlu taanna siumut ataavartumik ingerlassaaq.

Kalaallit Nunaanni Ungdomsbanken pillugu ilutsinni attaveqaqatigiinneq akisussaaffigissavat – bankip nunatsinni immikkoortortaqarfiani, aammali intranet aqqutigalugu ingerlatseqatigiiffiup BankNordikip iluani.

Kalaallit Nunaanni inuusuttut akornanni bankip ilisimaneqarnerunissaa ornigarneqarnerunissaalu Ungdomsbankenimi aqutsisutut suliassavit ilagissavaat. Ukiup ingerlanerani sammisaqartitsinernik assigiinngitsunik aaqqissuussillutit, Danmarkimilu ilinniartut peqatigiiffii qanimut suleqatigalugit, il.il.

Ilinniartut nutaat augustimi immikkoortortaqarfitsinni aallartittussat aamma akisussaaffigissavatit.

Sullitat NordikSolomi ilaasut tamaasa akisussaaffigissavatit (18-it 25-llu akornanni ukiullit) – tassani siunnersuineq sullissinerlu pineqarput. Sullitat inersimasutut namminneq aningaasaqarnerup silarsuaannut appakaannerminni sapinngisamik pitsaanerpaamik misigisaqartinnissaat illit suliassarissavat, siunissami sullitat taakku eqqissillutik tatiginnillutillu sullitatsinnut privatinut ingerlaqqinniassammata.

BankNordikimi sullitat paasinartumik sullinneqarnissaat qulakkeerusupparput. Sullitavut naleqqatigalugit saaffigisarpavut, paasinartumillu toqqaannartumik oqaluttarluta – aningaaserivimmiorpallannerit paatsoornartut atornagit! Aningaaserivittut paasinarnerpaajorusukkatta.

Imaattuuvutit

  • Sullitanik privatinik siunnersuineq misilittagaqarfigivat, aningaaserinermullu tunngasuni tamatigoortumik ilinniagaqarsimallutit
  • Anguniagassanik annertuunik piviusunngorsinnaasunik anguniagaqartarputit, unammillernartunillu suliassaqarneq nuannaralugu
  • Sullitanut suleqatinullu ilakkuminartuuvutit - periarfissarsiorlunilu sulineq nuannaralugu
  • Inuttut qiimasuugavit suliffiup eqeersimaarfiunissaanut nuannersuunissaanullu sunneeqataasarputit
  • Inuttut sullissilluarusuttuuvutit, pitsaasumillu eqeersimaartumillu siunnersuisarlutit. Sullitaq qitiutillugu sullissisarputit, taassumalu pisariaqartitai periarfissarisaalu aallaavigalugit siunnersuisarlutit. Aningaasaqarnermut tunngasut pikkoriffigigakkit siunnersuigaangavit pissutsit aningaasaqarnermut tunngasut tamaasa tikittarpatit

Qallunaatut akornuteqarnak allassinnaallutillu oqalussinnaanissat naatsorsuutigaarput. Kalaallit oqaasiinik ilisimanninneq kiisalu Kalaallit Nunaannit misilittagaqarneq soorunami iluaqutaassapput, tamakkuli piumasaqaataanngillat.

Qinnuteqarneq
Qinnuteqarnissat qilanaaraarput, qinnuteqarneq piaarnerpaamik pissaaq. Innersuussut una atorlugu qinnuteqassaatit.

Atorfik pillugu sukumiinerusumik paasisaqarusukkuit attavigisinnaavatit Privatkundechef Pia Holm Jensen, pho@banknordik.gl / tlf.: 34 79 10, imaluunniit Privatkundedirektør René K. E. Sørensen, res@banknordik.gl / tlf. 34 79 08.