Skip to main content
73

Dette jobopslag er udløbet

Sulisoqarnermut Immikkoortortaqarfimmi aqutsisoq Avannaata Kommunianut

Avannaata Kommunia Sulisoqarnermut immikkoortortaqarfimmi immikkoortortami aqutsisutut misilittagaqarluartumik sulisunut allattoqarfimmut pissarsiorpoq. Sulisoqarnermut immikkoortoqarfik kommunemi tamarmi qitiusumik atuuffeqarpoq Aningaasanik Aqutsinermik ingerlatsiviup ataani sulilu ineriartortinneqarluni, taamaattumik nutaaliornermut peqataarusukkuit una ussassaarut atuarluaannaruk.

 

Aningaasarsianut aqutsinermik ingerlatsivimmi aqutsisumut toqqaannartumik akisussaasutut ataavartumik immikkoortoqarfimmi sulisoqarnermut tunngasutigut sullissinermik ingerlataqassaatit. Soorluttaaq ataavartumik aqutsisut sulisuminnut sullissineranni ikiortassagitit ingerlatsisoqarfiit immikkoortoqarfiillu peqatigalugit. HR-qarfik ullumikkut sulisoqarpoq aqutsisumik, suliffimmi avatagiisinut siunnersortimik, HR-qarfimmi siunnersortit marluk, kiisalu kontorfuldmægtigit ataaseq.

 

Naatsorsuutigissavat ataavartumik immikkoortoqarfimmi suliatigut tunngaviit aaqqissuussaanerlu inerisarneqarlutillu pitsanngorsaavigineqartuarmata, kommunemi sulisut sapinngisamik pitsaanerpaamik ataavartumillu atugassaqartinniarlugit.

 

Suliassaqarfiit akisussaaffiillu tassaapput:

  • Avannaata Kommuniani Sulisoqarnermut Immikkoortortaqarfiup aqunnera ilanngullugit uku:
  • Sulisoqarnermi suliat aqunneri.
  • Sulisqoarnermi politikkit suleriutsillu ilusilersoneqarnerat aamma atuutinneqalernissaat, immikkoortortaqarfiit allat tamaasa suleqatigalugit qulakkiissallugu.
  • Pingaarnermik Suleqatigiinnermut Ataatsimiititaliami aallatsi.
  • Isumaqatigiinniarnissanut piumasaqaatinik Ingerlatsiviit suleqatigalugit sulerinninneq,
  • Politikkikkut aalajangikkanik Ingerlatsivinnik suleqateqarluni piviusuunngortitsineq.
  • Aqutsisoqarfimmik Ingerlatsivinnillu allanik Sulisoqarnernikkut siunnersuineq.
  • Suleqatinik avataanersunik assigiinngitsunik soorlu kattuffinnik attaveqarneq.
  • Susassaqarfiit akimorlugit suliatoqartillugu peqataaneq.
  • Avannaata Kommunia pisortat, sulisoqarnikkut inatsisitigut sulisoqarnikkullu suleriutsinik tunngaviusumik ilisimasaqarnissaannik qulakkeerinneqataaneq.
  • Sulisoqarnikkut suliaqarnermi eqqortumik sulinissap qulakkernissaa.
  • Nammineq suleriusigisanik ataavartumik qaffassaaneq pitsanngorsaanerlu, aamma suleriutsinik/ingerlariaatsinik Sulsioqarnermut Immikkoortortaqarfimmi immikkortortami aqutsisup akisussaaffigisaanik.
  • Suliassat uvani allaserineqanngisut avataasigut pingaarnertut Sulisoqarnikkut ingerlatsinermi suliakkiussat allat.

 

Naatsorsuutigaarput:

  • Human Ressource Development-imik suliaqarlutit misilittagaqassasutit (pilersaarusiorneq, ingerlatsineq aamma malitseqartitsineq)
  • Pisortaqarfiup iluani sullisseriaatsimik ilisimasaqassasutit
  • Aqutsinermik misilittagaqartuusinnaavutit, piumasaqaataanngilarli
  • Aaqqissuussaanermik ineriartortitsinermik misilittagaqartuusinnaalluarputit

 

Inuttut tassaavutit/piginnaasaqartoq:

  • Inuppalaartumik isiginnittaasilik aamma immut qiviarsinnaasoq
  • Inussiarnersoq pitsaasumillu attaveqarnissamut piginnaasalik, soqutiginnittorlu
  • Sulisut ineriartortillugit sullinneqarnissaannut piumassusikkaaq
  • Iliuutsikkut akuersaartuusoq
  • Quiasaarsinnaasoq qiimasorlu oqaloqatiginnissinnaasoq nammineq isummaminik atukkaminillu aalajangiussaqarpallaanngitsoq
  • Sutigut tamatigut suleqatiginnilluarsinnaasoq
  • Sullissilluarumanermik pingaartitsisoq
  • Inuttut sanngisooq
  • Namminersortoq, anguniagalik aamma eqaatsoq.

 

Akissarsiat atorfeqarnermilu atugassarititaasut:

Akissarsiaqartitsineq atorfeqartitsinerlu pissapput atorfinittussap atorfinitsinneqarnermini ilinniakkani aallaavigalugu Naalakkersuisut kattuffiullu isumaqatiginninniarsinnaatitaasup isumaqatigiissutaat atuutsinneqartoq tunngavigalugu.   

 

Atorfimmut atatillugu sulisunut inissiaqartitsisoqarsinnaavoq, taamatuttaaq sulilernermi suliunnaar-nermilu angalaneq kiisalu pequtit angallanneqarnerat maleruagassat atuuttut malillugit pisinnaassallu-ni. Inissaqartitaalernissap tungaanut utaqqiisaasumik pequsersoriikkamik najugaqartitsoqarnissaa pe-riarfissaavortaaq.

 

Atorfininneq pissaaq 1. April 2020 imaluunniit isumaqatigiissuteqarnikkut.

 

Atorfimmut tunngatillugu paasissutissanik allanik piniartoqarsinnaavoq Aningaasanik aqutsinermik ingerlatsivimmi aqutsisumut Ane Møller Hjøllund oqarasuaat 38 76 61 imaluunniit e-mail-ikkut: amh@avannaata.gl

 

Qinnuteqaat ilinniarsimanermut siusinnerusukkullu suliffigisimamut tunngatillugu paasissutissanik aammalu soraarummeersimanermut uppernarsaatinik suliffiginikuusallu oqaaseqataasa nuutinneran-nik ilaqartoq Sulisoqarnermut Immikkoortortaqarfimmut apuutereersimassaaq kingusinnerpaamik ulloq 8. marts 2020. Qinnuteqaat uunga nassiunneqassaaq:

 

Avannaata Kommunia,

Sulisoqarnermut immikkoortortaq,

Postboks 1023

3952 Ilulissat.

e-mail: hr@avannaata.gl