Skip to main content
67

Dette jobopslag er udløbet

PI/SPS Ilulissat Nipilersornermik/Isiginnaartitsinermik ilinniartitsisumik sulisussarsiorpoq

KALAALLIT NUNAANNI PERORSAANERMIK ILINNIARFIK NIPILERSORNERMIK/ISIGINNAARTITSINERMIK ILINNIARTITSISUMIK SULISUSSARSIORPOQ

Unamminiagassanut nutaanut sapiissuseqarpit killingusaarlu nutaaq piareersimaffigaajuk, taava PI/SPS-imi Perorsaanermik Ilinniarfimmi Ilulissaniittumi ilinniartitsisutut atorfik soqutiginartoq inuttassarsiorneqarpoq. PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

Seminaria 300 missaanik ilinniartoqarpoq ilinniartitaanernut assigiinngitsunut tallimanut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq kiisalu ulluunerani meeqqanik sullissinermi ikiortinngorniarneq. 40-nik sulisoqarpugut taakkunannga 20 missaat ilinniartitsisuullutik.

PI/SPS-ip Kalaallit Nunaat tamakkerlugu suliassaqarfii pingaarutillit makkuupput:

  • Ulluunerani neqeroorutini ikiortitut, Perorsaasunngornianik, socialassistentinngornianik isumaginninnermilu ikiortinngornianik piukkunnartunik ilinniartitsineq
  • Perorsaanermik suliassaqarfik tamakkerlugu pikkorissarnernik ilinniaqqinnissanut isumaginninneq
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu


PI/SPS-ip Ilulissani illutaata nutaap atulernerata kingornatigut, ilinniartunik amerlanerusunik tigusinissamut periarfissaqalerpoq, kisianni aamma ilinniartitaanernik nutaanik amerlisaavugut. PI/SPS-imi ilinniartitsisoqatigiinnut ilaassaatit, Kalaallit Nunaanni perorsaanermik suliassaqarfimmi allannguinernut sunniuteqaqataanissamik Seminariap takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Suliassaqarfiup pingaarnerup iluani ilinniartitsisumik ukunani takutitsinermik, nipilersornermik, isiginnaartitsinermik pinngorartitsinermik sanalunnermillu piginnaanilimmik soqutigisalimmillu pissarsiorpugut. Pingaarnerutipparput nipilersornerup iluani piginnaasalik. Suleqatitaassatta Ilulissani bacheloritut perorsaasunngorniarlutik socialassistentitullu ilinniartut ilinniartinneqarnerat isumagissavai.

Pikkorissaanerup ilinniaqqittarnerullu suliassaqarfiup iluani annertusaagatta, Kalaallit Nunaat tamakkerlugu ilinniartitsinikkut suliassat ingerlatallu assigiinngitsut naatsorsuutigineqarsinnaassapput.

Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermi saniatigut suleqammik suleqatiginnikkusuttumik, avatangiisiminik inussiarnersumik suliassaminullu ajunngitsumik suleriaaseqartumik.

Suliatigut inuttullu piginnaasat makku assut pingaartinneqarput.

  • Perorsaasutut ilinniagaqarputit imaluunniit kandidatitut aamma/imaluunniit perorsaanermi masteritut imaluunniit ilinniarnertuunngorniarfimmi ilinniartitsisutut pædagogikumi ilaatillugu ilinniarsimallutit
  • Inuussutissarsiutini perorsaanermik suliassaqarfimmi aamma/imaluunniit inersimasunik ilinniartitsinermik misilittagaqarnerit iluaqutaassaaq.
  • Kalaallit Nunaannit misilittagaqarlutillu ilisimasaqarputit kulturillu allat aallaavigalugit sulinissat ammaffigalugu.
  • Suleqatigiittut aaqqissuussaagatta naatsorsuutigineqarpoq ilinniartitsisooqatigiit ilaatigut namminneq ilinniartitsinertik akisussaaffigissagaat, ilaatigullu ilinniarnermi tamarmiusumi ataqatigiittoqarnera siuariartortoqarneralu akisussaaffigissallugu.
  • Suleqatitut akuersaartumik suleriaaseqarnerit, tatiginninneq akisussaassuseqarneq ilisarnaatigaatit.                      


Paasissutissat sukumiinerusut uunga oqarasuaat +299 38 35 50 pissarsiarineqarsinnaapput imal. Tullersortimut Marianne Nissen mobil +299 54 25 75-imut imaluunniit mail: marianne@pi.sps.gl-ikkut imaluunniit Rektorimit Nuka Klemann, mobil +299 55 64 64-ikkut mail: nuka@pi.sps.gl-ikkut pissarsiarineqarsinnaapput.

Seminaria pillugu www.pi.sps.gl-imi aamma Ilulissat pillugu www.avannaata.gl-imi atuarsinnaavutit.  

Atorfik oktobarip aallaqqaataani 2020-imi imaluunniit tamatuma kingornatigut piaarnerpaamik inuttalerneqarnissaa kissaatigineqarpoq.

Qinnuteqarfissaq killilerneqarpoq ataasinngorneq aggustip 24-ani 2020 nal. 8:00 (kalaallit nunaata kitaata nalunaaqutaat malillugu).

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk