Skip to main content
115

Dette jobopslag er udløbet

Piginnaaanngorsaqqiinermut pillorissaasoq Ilulissani Siusinaartumik sulisinnaajunnaarnersiuteqarfimmi

Peqqissutsimut suliatigut ilinniarsimavit, piginnaanngorsaqqiinermik uummateqarfiginnillutit, peqqissuujuaannartitsinissamik pinaveersaartitsinermillu sulerusullutit, taava avannamukarit.

Piginnaanngorsaqqiineq uummateqarfigaajuk piginnaasatigullu ineriartorneq, innuttaasunik ingerlariaqqititsineq suliaqarfiillu akimorlugit suleqateqarsinnaaneq? Immikkoortoqarfimmi ineriartorfiusumi sulerusussinnaavit, innuttaasunik ineriartortitsinermik angusaqarusuttuuit innuttaasullu piumassuseqalersissinnaavigit inuttut namminneq piginnaanngorsarnissaannut, taava atuarluaannarit:

Avannaata Kommunia, Ilulissani Piginnaaanngorsaqqiinermut pillorissaasutut atorfik siusinaartumik sulisinnaajunnaarnersiuteqarfimmi inuttassarsiorneqarpoq 1. september imaluunniit piaarnerpaamik isumaqatigiissuteqar-nikkulluunniit.

Atorfik pillugu
Inummik pissarserusuppugut siusinaarluni sulisinnaajunnaarnersiuteqarfimmut kivitseqataarusullunilu suliat nutaat atorlugit ineriartortitseqataarusuttumik, tassani inuup timaa ilisimaarissavat ajuutillu assigiinngitsut sulisinnaassutsimik nalilersuinermi attuumassuteqarsinnaanerannik, ikiorsiis-sutaasinnaasutigullu il.il. ilisimasalik.

Inummik pissarserusuppugut sulisinnaajunnaarnersiuteqarfimmi sullissinermi ikorfartuuteqarnissamut piareersimasumik. Suliffigisaq kattutaariffiussaaq tassani siunnerfeqarluni sungiusarnermut ingerlatsinsinnaaneq ikiorsiissutinillu atortorissaaruteqarsinnaaneq, aammali nalilersuiffiusinnaassalluni suliffigisaq innuttaasup ajuutigisaanut naleqqussinnaanersoq, tassaniipporlu innuttaasumik kiisalu sullissisumik oqaloqateqarsinnaaneq periarfissat killissallu eqqarsaatigalugit.

Siusinaartumik sulisinnaajunnaarnersiuteqarfimmi sullissisut avataanniittullu suleqatigisat suleqatigalugit ilaatigut makku suliassaassapput anguniagassaallutillu suliffigisarni:

  • Inuussutissarsiummut sammisaqartumik piginnaanngorsaanikkut tamakkiisumik isiginnittaaseqarluni innuttaasumik sullissinissaq
  • Sulisinnaassutsikkut piginnaasanik nalilersuutinik nalilersueqqinnernillu suliaqarnerit, § 12-14 Siusinaartumik pensionisiat pillugit Inatsisartut inatsisaat nr. 40, 9. december 2015-imeersoq naapertorlugu
  • Sullissisunik allanik siunnersuissalluni innuttaasoq piginnaasamigut killeqalersut qanoq pisariaqartitaasigut iliuuseqarfigisinnaanissaannik taamaasilluni suliffeqarfinnut ataannarsinnaanerini ikorfartuutaasinnaasunngortillugit
  • Peqqinnissaqarfik kommunemilu suleqatigisartakkat allat suleqatiginerisigut ataqatigiissaarnerisigullu suliffinnik misiliinernut, suliffigisamik paarsinnarsinnaanerup aammalu atuaqqit-tariaqarsinnaaneq angutserlugu.
  • Ad hoc. / suliaringasuagassat

Suleqatissarsiorpugut

  • Tunniusimasoq, eqeersimaartoq eqaatsorlu peqqinnermut suliaqarfimmut attuumassuteqartumik ilinniarsimasoq (s.ass. pillorissaasoq imaluunniit tagiartuisartoq)
  • Suliaqarfiit akimorlugit namminersorlunilu sulisinnaasoq namminerlu suliarisaminik isumalioqqutiginnissinnaasumik piginnaasatigut ineriartortuarnissaq siunertaralugu
  • Inatsisinut attuumassuteqartunut ilisimasaqarnissaq paasinnittaaseqarnissarlu
  • Arajutsisaattoq aalajangersinnaassuseqartorlu kiisalu suliassanik pingaarnersiuisinnaasoq ulluinnarni ulapaarfiusuni allanngorartuartunilu
  • Suliatigut inuttullu innuttaasup oqaloqatiginerani aalajangiussimasatit attassinnaassallugit
  • Attaveqarnerni ersarittuussaatit – oqaluinnarnerni allattariarsornernilu – piginnaaneqarfigissavallu innuttaasunik, ilaqutaasunik suleqatigisanillu naapitsinermi attaveqarluarnissaq
  • IT ilisimaarilluassallugu
  • SUllissinermik misilittagaqarsinnaaneq
  • Kalaallit qallunaatullu oqalussinnaaneq, piumasaqaataanngilarli

Neqeroorutigaagut

  • Aaqqissuussaaneq pissanganartoq ataatsimoorussanik suliatigut unammillernartutigullu
  • Suliassatigut pulatitaanissaq attuumassuteqarfiusunullu ilinniartitaaneq
  • Suliffittut ataatsimoorfik avatangiiserissaarfillu initooq, malugisimaneqarnermik ataatsimoortumillu akisussaaffeqarfiusoq suliaqarfiit naammassinissaannut atugarissaaqatigiinnissamullu
  • Fitnesscenterimut akikillisaavigitinneq

 

Atorfimmut atatillugu erseqqissaatigineqassaaq
Atorfik attuumassuteqarfilerujuuvoq ukioqatigiiaallu tamakkerlugit sullitaralugit. Maanna isikkumisut tamatigoortuuvoq unammillernarlunilu suliassatigut nammineerluni pingaarnersiuinissamut periarfissalik.

Sapaatip akunneranut 40 tiimit suliffiuvoq.  Piginnaaanngorsaqqiinermut pillorissaasup siusinaartumik sulisinnaajunnaarnersiuteqarfimmi sullissisut allat allaffimmi ataatsimooqatigai.

Pineqaatissinneqarsimanermut Meeqqanillu pinerliisimannginnermut uppernarsaat
Atorfik una inatsimmi atuuffiup iluaniippoq pisussaafilikkami pineqaatissinneqarsimanermut aamma meeqqanik pinerliisimannginnermut uppernarsaatinik piniarfiusussatut. Inatsit naapertorlugu atorfininneq pisinnaavoq aatsaat naammaginartumik uppernarsaatinik pinerluuteqarsimannginnermut Meeqqanillu pinerliisimannginnermut pissarsigaanni.

 

Akissarsiat atorfeqarnermilu piumasaqaatit
Atorfinititsineq akissaateqarnerlu isumaqatigiissutit atuuttut naapertorlugit.

Atorfimmut atatillugu sulisumut inissiamik innersuussisoqarsinnaavoq, soorlu suliartorluni soraarnermilu angerlarnermi kiisalu pequtit nassiunneri malerugassat atuuttut naapertorlugit pissapput.

Avannaata Kommuniani allanngueqataarusuppit?
Atorfik annertunerusumik paasisaqarfiginiarukku Suliaqarfimmi ataqatigiissaarisoq Karen Lund Fleischer mail-ikkut klfl@avannaata.gl imaluunniit telefonikkut +299 387573-mut paasisaqarfiginerusinnaavat. Aamma tikilluaqquvatsigit pingaartorsiornanngitsumik oqaloqatigerusukkutsigut pulaarusuk-kuilluunniit.

Qinnuteqaat soraarummeernermut uppernarsaatit qinnuteqarnermut attuumassuteqartut assilineri ilanngullugit, CV kiisalu oqaaseqaatit sumilu sulisimanermut uppernarsaatit, meeqqanut pinerlussimannginnermut kiisalu pinerluuteqarsimanermut uppernarsaatit kingusinnerpaamik ulloq 15.08.2021 nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.