Skip to main content
91

Dette jobopslag er udløbet

Piffissami killilikkami Avannata Kommuniani, Ilulissaniittumi teknikeri / nunaminertalerisoq

Avannaata Kommunia Ilulissani piffissami killilikkami teknikerimik / nunaminertalerisussamik piaartumik isumaqatigiissuteqarnerluunniit tunngavigalugu sulisussarsiorpoq.

Avannaata Kommunia immikkoortortaqarfiit ataasiakkaat pineqartut suleqatigalugit teknikeritut ulluinnarni Teknikimik Ingerlatsivimmi nunaminertat pillugit sulianik suliaqassaatit.

Teknikeritut / nunaminertat pillugit suliarinnittutut suleqatigiit pingasuusut ilannguffigissavatit.

Suliat tungaasigut nunaminertat pillugit suliarinninninnermut immikkoortortami aqutsisumut attuumassuteqassaatit.

Avannaata Kommunia qitiusumik allaffissornikkut Ilulissani inissisimavoq.

Avannaata kommunia 16.500-it missaannik illoqarfinnut sisamanut nunaqarfinnullu 21-nut agguataarsimasunik innuttaqarpoq.

Ilulissat ineriartorpoq siunissamilu qaninnermi mittarfik 2200 meterinngorlugu uiguneqassaaq, hoteliliortoqassaaq, Kangiata Illorsua, Arsarnerit pillugut Illoqarsuaq inissiallu nutaat sananeqassapput.

Kangia nunarsuarmi tusaamasaasoq Ilulissat eqqaaniippoq, taannalu UNESCO’p Nunarsuarmioqatigiinnut kingornussassanut allattorsimaffianiippoq ukiullu tamaasa takornariarpassuarnit ornigarneqartarluni. Seqineq kaaviinnartoq, qimusserneq, iluliarsuit, aalisarne, UNESCO, imaq, immap sikua aamma arsarnerit tassaapput Kalaallit Nunaata kommuniata avannarpasinnerpaap, Avannaata Kommuniata, ilisarnartai.

Illoqarfik timersornikkut kultureqarnikkullu illit peqataaffigilersinnaasannik peqatigiiffippassuaqarpoq.

Illoqarfimmi arlalinnik neriniartarfeqarlunilu caféqarpoq.

 

Atorfinitsitaaneq aamma isumaqatigiissutit:

Atorfik Nunaminertanut Sanaartornermullu Nunaminertanik sanaartornerlu pillugu sulianik suliarinninnermik isumagisaqartumi aaqqissuussaanikkut inissisimavoq.

Teknikimut Ingerlatsivik maanna 21-nik sulisoqarpoq, taakku tassaapput, illussanik titartaasartut, ingeniørit, illussanik ilusilersuisartut aamma teknikerit allat. Nunap immikkoortui sullinneqartut tassaapput Ilulissat aamma illoqarfiit Uummannaq, Upernavik aamma Qaanaaq nunaqarfiillu taakkununnga atasut.  

Teknikkimut Ingerlatsiviup innuttaasut inuussutissarsiortullu attaveqarfigai.

Suliassat pingaarnerit:

Kalaallit Nunaanni sanaartornermi malittarisassat ingerlatsinermilu maleruagassat oqartussatut suliarinerat. Taakkununnga ilanngullugit:

  • Nunaminertat pillugit suliaqarneq
  • Siunnersuineq
  • B-normunik nalunaarsuineq
  • Innuttaasunik kiffartuussineq aamma ataatsimiititalianik sullissineq
  • Pilersaarusionermi ilanngussisarneq

 

Qulaani taaneqartut atorfimmi pingaarnertut suliarineqassapput, aamma ingerlatsivimmit tamarmit suliniutinut atatillugu suliassaqarfiit akimorlugit annertuumik suliassaqartassaaq.

 

Piginnaasat allat:

Qinnuteqartut suliat tungaatigut pitsaasunik piginnaasaqartut ilinniakkatigullu illuliornermik ingeniøritut / illuliornermik ilusilersuisutut / teknikeritut assigisaannillu ilinniarsimasut kissaatigaavut.

  • Sanaartornermi aamma nunaminertat pillugit inatsisinik misilittagaqarneq
  • Sanaartornermik sulianut tunngasunik suliaqarnermik, Sanaartornermi malittarisassat 2006-imeersut naapertorlugit misilittagaqarneq
  • Sulinermi avatangiisinut suliat tungaasigut ineriartornissamik periarfissalinnut persuarsiorpalunngitsunut piumasaqaateqarfiusunut ilanngussinnaaneq
  • Suliassat tungaasigut eqaatsumik pissuseqarputit
  • IT-mik, pingaartumik Officepakkemik, Byggewebimik atuilluartuuvutit
  • Isumagissaartuuvutit angusassanillu siunertaqartuullutit
  • Maluinnik oqaaseqarputut (kalaalisut/danskisut), kisianni piumasaqaataanngilaq

 

Piginnaasat:

  • Allattariarsornikkut, oqaluttariarsornikkut titartaanikkullu pitsaasumik attaveqaqateqarsinnaavutit
  • Isumassarsiullaqqissuuvutit, nammineersinnaallutit, torersuullutit, sulianullu tunngasunut pitsaasumik ataatsimut isiginnissinnaassuseqarlutit
  • Suliassanut inunnullu ataatsimut isiginneriaaseqarlutit qanillattueriaaseqarputit
  • IT-mut aamma titartaanermut programminut il.il. piginnaasaqarputit
  • Marluinnik oqaaseqaruit, kalaallisut danskisullu, pitsaassaaq
  • Taamaattumik qinnuteqartut eqimattakkuutaani sulisinnaanerat pingaartipparput, taassumalu ingerlatsivimmi suliassanut allanut piginnaasai
  • Ulapaarfinni eqqissisimasinnaavutit

Akissarsiat aamma atorfinitsitaanermi atugassarititaasut:

Akissarsiat aamma atorfinitsitaanermi atugassarititaasut, taakkununnga ilanngullugit nuunnermi soraanermilu angalanerit kiisalu pisattat nuunnerat Naalakkersuisut kattuffiullu isumaqatiginniussisusaatitaasup sukkulluunniit atorfininnermi malittarisassai atuuttut naapertorlugit pissapput.

Una atorfik ukiup aappaa avillugu sivisussuseqassaaq, atorfimmullu atatillugu inissiamik innersuussisoqarsinnaavoq, tassunga malittarisassat atuuttut naapertorlugit ineqarnermut akiliisoqartassaaq.  

Atorfimmi suliinnarnissaq soqutigineqassappat, tamanna isumaqatigiissutigineqarsinnaavoq.

Atorfinitsitaaneq qaammatinik pingasulik misiliiffiussaaq.

Pinerluuteqarsimannginnermut uppernarsaat:

Atorfik una pinerluuteqarsimannginnermut uppernarsaammik tunniussisussaatitaanermut inatsisip ataaniippoq. Inatsit naapertorlugu atorfinitsitaaneq aatsaat aallartissinnaavoq, kommuni pinerluuteqarsimannginnermut uppernarsaammik tigusaqarpat. Taamaattumik maluginiaqqussavarput, piffissaq atorfiniffissaq aatsaat isumaqatigiissutigineqarsinnaammat, kommunip pinerluuteqarsimannginnermut inatsit Politiiniit tiguppagu.

Piaartumik imaluunniit isumaqatigiissuteqarneq naapertorlugu atorfininneq.

Atorfik pillugu paasissutissat sukumiinerusut uunga saaffiginninikkut pissarsiarineqarsinnaapput: Sanaartornermi pisortaq Mogens Holmegård Mortensen (+299) 38 77 15, e-mail: mhm@avannaata.gl

Qinnuteqaat:
Qinnuteqaat nalunaaqutserlugu ”Ilulissani teknikeri”, CV-mik aamma soraarummeersimanermut allagartanik oqaaseqaatinillu imallit kingusinnerpaamik 26. maj 2019 uunga nassiunneqassapput:

Avannaata Kommunia
Att. HR-imut Immikkoortortaqarfik
Postboks 1023
3952 Ilulissat
Imaluunniit mailikkut uunga: hr@avannaata.gl